11/03/2026
أفتكر موقف حصل معايا عمري ما نسيته… وكان يمكن أول مرة أفهم بعدها أنا بعمل إيه في الحياة.
كنت داخلة حصة لطلاب Grade 3.
وقبل ما أبدأ، لقيت بنت قاعدة بتعيط بحرقة.
قربت منها وسألتها:
"مالك؟ بتعيطي ليه؟"
قالتلي وهي بتحاول تمسك دموعها:
"ماما كانت باعتة معايا فلوس صورة الـClass… بس الفلوس رجعت في كراسة المتابعة لأنهم كانوا ناقصين."
وسكتت شوية… وبعدين كملت:
"أنا نزلت البريك… وعزمت أصحابي على شيبسي وعصير…
دلوقتي الفلوس خلصت… وماما هتزعل مني."
الطفلة ما كانتش غلطانة…
هي بس ما كانتش فاهمة إن الفلوس ممكن تخلص بهذه السرعة.
وقتها بصيت حواليا…
ولقيت في الباسكت أكياس شيبسي وعلب عصير كتير.
قلت بحزم لكل الأولاد:
"يلا نعدهم."
بدأنا نعد كيس كيس… وعلبة علبة.
وبعدها حسبنا تمنهم.
وبعدين قلت لهم:
"إحنا كلنا شاركنا في الأكل ده…
يبقى كلنا هنشارك في حل المشكلة."
واتفقنا إن كل واحد منهم
هيجيب جزء بسيط من مصروفه أو من حصالته تاني يوم…
علشان نجمع الفلوس ونساعد زميلتهم.
تاني يوم…
كل طفل جه ومعاه جزء صغير.
لكن اللي حصل كان أكبر بكتير من مجرد فلوس.
الموقف وصل لأولياء الأمور…
وكان له صدى كبير بينهم وبين الطلاب.
وقتها أنا ما كنتش عارفة إن اللي حصل ده اسمه
تعليم إدارة المال.
ما كنتش عارفة إننا كنا بنتعلم مع بعض:
• إزاي نتحمل مسؤولية قراراتنا
• إزاي نتصرف في الأزمات
• وإزاي نفهم إن الفلوس محتاجة خطة
النهاردة فهمت الدرس الحقيقي من الموقف ده :
احنا اللي لازم نتحكم في الفلوس... مش الفلوس هي اللي تتحكم فينا
ويمكن اللحظة دي كانت أول خطوة في رحلتي ... اللي خلتني أقرر أبقي
Money Coach 💵💸💴💶💰
✨ ليه قررت أبقى Money Coach؟
لأني مؤمنة إن الوعي المالي مش رفاهية…
هو مهارة حياة أساسية لازم نتعلمها بدري.
وعشان كده بدأت أقدم:
📊 ورش عمل للمراهقين
💡 أنشطة وألعاب مالية
📘 نصائح عملية للكبار والأمهات
هدفي بسيط:
إننا نربي جيل يفهم الفلوس… بدل ما الفلوس تتحكم فيه.
لو مهتم تتعلم أكتر عن الصرف الذكي، الادخار، والاستثمار
تابعني… الرحلة لسه في بدايتها 🚀
29/01/2026
24/06/2024
19/06/2024