Mina & Carol - The Family Coaches

09/06/2026

لو بنتك على وش جواز…

16/05/2026

12/05/2026

أكتر حاجه بحبها في مراتي … إنها شافتني بعين مختلفة.

اختارت تتجوز شخص كان في يوم من الأيام مدمن مخدرات…
مشافتش الماضي بس، شافت الإنسان اللي بيحاول يقوم، يتغير، ويبقى أحسن.

وثقت فيا…
وثقت إني أكون زوج.
وثقت إني أكون أب.
وثقت إنها تبني معايا بيت وتجيب طفل للدنيا وهي مطمنة.

وكل يوم لما الدنيا تضغط أو الشيطان يحاول يفكرني بالحياة القديمة…
بفتكر ثقتها فيا.
بفتكر إن في بنت صغيرة شايفاني بطلها وأمانها.

ساعتها بعرف إن الرجوع مش اختيار…
لأن في ناس حبتني وأنا في أسوأ حالاتي، واستاهلت مني إني أفضل أحارب عشانهم طول العمر ❤️

08/05/2026

قدرة الست علي التحمل …

08/05/2026

في فرق ما بين الاحتياجات والرغبات

انا محتاج:
حب
تقدير
اهتمام
امان
انتماء
شعور بالقيمة

في حاجات مهمه للراجل اكتر
وفي حاجات مهمه للست اكتر

بس في جميع الاحوال دي احتياجات اساسيه

اما الرغبات هي الطريقة
ال بنتمني بيها ان الاحتياجات تسدد

يعني:
الاحتياج ثابت …
بس الرغبه متغيره

زي :
احتياجي = الاهتمام
رغبتي = انك تبعت ليا رساله كل يوم الصبح

الرسالة نفسها مش احتياج
بس هي… وسيلة.

أحيانًا الناس بتدخل في صراعات
بسبب “طريقة” الاحتياج ومش الاحتياج نفسه.

مثلاً:
• “لو بتحبني كنت خرجتني كل أسبوع”
• بس الاحتياج الحقيقي ممكن يكون:
“أنا محتاجة احس إني مهمة عندك”

فلو الطرف التاني حقق الإحساس بطريقة مختلفة،
الاحتياج ممكن يتشبع.

النضج هنا:
إن الإنسان يفرق بين:
“أنا محتاج”
و
“أنا عايزها بالطريقة دي”

07/05/2026

ال ٣ حاجات دول فرقوا مع كارول جداً

29/04/2026

للاسف مش كل الرجاله عارفه الكلام ده
بس لو فهموها العلاقات هتتغير ١٨٠٪؜ درجه

الست محتاجه ٤ حاجات اساسية
عشان تكون مرتاحه في العلاقة
ومتتحولش لشخص غاضب وناقد ومتحكم

الست مش بتدور على راجل “قوي” بس…
هي بتدور على راجل تحس معاه بالامان
وبالذات العاطفي.

يعني إيه؟
يعني تعرف تتكلم، تعيط، تغلط…
من غير ما تخاف إنك:
- تهاجمها
- تستهزأ بيها
- أو تستخدم كلامها ضدها بعدين

يعني هي بتحكيلك عن مشكلة مضايقاها…
بدل ما تقول: “إنتي مكبرة الموضوع”
قول: “أنا حاسس قد إيه ده مضايقك”

تاني حاجه هي عايزه الاحتواء مش حل المشكلة…
يعني أنا جنبك حتى لو مش عارف أحل

لو هي متوترة أو زعلانة…
هي مش مستنية منك محاضرة ولا حلول عبقرية
مستنية كلمة زي:
“انت عندك حق… أنا معاكي”

الست لما بتحس إنها متشالة…
بتهدى لوحدها.

تالت حاجه الاهتمام بس مش بكم الوقت…
لكن بالجوده بتاعت وجودك.

لو قاعد معاها…
بس ماسك الموبايل طول الوقت
ده بالنسبة لها “أنا مش مهمة”

لكن 10 دقايق تركيز حقيقي
من غير موبايل، من غير تشتيت
تفرق أكتر من ساعات وانت مش معاها فعلاً.

رابع حاجه بقي دي نقطة
ناس كتير بتغلط فيها…
من غير ما تاخد بالها.

الست محتاجة تحس إنها:
- شريك… مش تابع
- ليها قيمة…

جملة زي: “أنا فاهم أكتر منك” أو
“سيبيني أنا أتصرف”
ممكن توصل لها إحساس إنها أقل

لكن لما تقول:
“إيه رأيك؟ أنا مهتم أسمعك”
أنت كده بترفعها… مش بتقللها

ببساطة…
الست مش محتاجة معجزات
هي محتاجة تحس :
- بالامان
- انها متشالة ومهمة
- ومش أقل منك

لو الأربع دول موجودين…
العلاقة بتكبر لوحدها
ولو مش موجودين…
ولا ألف “أنا بحبك” هتعوضهم.

22/04/2026

تفتكروا چميله هتختار مين؟؟