أكاديمية شمس الطفولة

❌ غلط… لا تقل لإبنك: “إنت شاطر”
كتير مننا فاكر إن كلمة “إنت شاطر” تشجيع جميل وسريع 👍
لكن الحقيقة التربوية بتقول إن التكرار بالطريقة دي ممكن يضر أكتر ما يفيد… تعالِ نفهم ليه 👇
✨ 1️⃣ بتركّز على النتيجة مش المجهود
لما الطفل يسمع “إنت شاطر” بعد النجاح بس
هيبدأ يربط قيمته بالنجاح فقط 😟
ولو فشل مرة… ممكن يحس إنه مش كويس أو فقد شطارته.
✨ 2️⃣ بتخلق خوف من الغلط
الطفل اللي متعود على لقب “الشاطر”
ممكن يخاف يجرب حاجة جديدة أو صعبة
علشان ما يخسرش اللقب ده 😔
✨ 3️⃣ بتزرع المقارنة بدون قصد
أحيانًا الطفل يترجم الكلمة دي بمعنى
“أنا أحسن من غيري” أو
“أنا لازم أفضل دايمًا”
وده بيخلق ضغط نفسي كبير عليه 💭
✨ 4️⃣ بتقلل من قيمة التعب والاجتهاد
الطفل محتاج يسمع إن مجهوده هو المهم
مش بس النتيجة النهائية ⭐
🌷 طيب نقول إيه بدلها؟
جربي العبارات دي:
✅ “أنا فخورة بتعبك ومجهودك”
✅ “عجبتني طريقتك في المحاولة”
✅ “إنت بتتطور كل يوم”
✅ “استمريت رغم الصعوبة… برافو عليك”
💡 الخلاصة:
هدفنا مش نربي طفل “شاطر وخلاص”…
هدفنا نربي طفل واثق – مجتهد – ما يخافش من الفشل ❤️
🌸