Learn with Engy

التربية مش بس وضع قواعد وقوانين ومنع كسرها، لو هى كده بس من غير تواصل عاطفى بين الأباء والابناء فده اسمه "تحكم" مش تربية، رغبة فى انك تشعر بالسيطرة.

هدفه اتباع القواعد بدون فهم الهدف منها ايه(هى كده اسمع الكلام).
بتربى ابناء خايفة اكتر ما هى واثقة وحاسة بحب وأمان، ظاهرياً بيتبعوا التعليمات (ولاد مؤدبة مش بتقول لأ على حاجة) بس بدافع من الخوف مش الحُب وللأسف ده بيربى اشخاص متعرفش تقول (لأ) حتى لما تكبر وعندها مشكلة كبيرة فى اقامة الحدود.

التربية هى بناء تواصل وثقة بينك وبين ابناءك وعدم فرض السيطرة والتحكم، علشان تبنى شخص واثق فى نفسه قادر ياخد قرار وقادر يقول لأ ويحمى حدوده.

انت مش عايز شخص يسمع الكلام ويريحك وخلاص دلوقتى، انت بتبنى صفات فى شخص محتاج تتخيل الصورة اللى عايزه يكون عليها كمان ٢٠ سنة قدام ♥️

بدأت الكتاب من يومين وكان عندى حق لما اقتنيت كل كتب مشير سمير، مادة علمية دسمة وعميقة وفى نفس الوقت مش مكلكعة مُبسّطة وسهلة .. مستمتعة بيه جداً.

الكتاب بيناقش نظرية اريك اريكسون مراحل النمو النفسى بالتفصيل ونظرية التعلق، وبيناقش فكرة ان كل مشكلة بيعانى منها شخص بالغ ليها جذور فى مرحلة الطفولة.

#اريكسون
#كتب
#صحةنفسية #تربية

أشكرك يارب لأنك استأمنتنى على جيل قادم.
لقد خلقتهم وأستودعتهم بيتى وقلبى،
لكى أرعاهم من اجلك.
هم أبنائك وبناتك أنت.
أنا لا أملكهم بل أنا مؤتمن على رعايتهم
على مدى فترة محددة ومهمة فى حياتهم.
ساعدنى أن أؤدى هذه المهمة الشاقة.
آمين

“You are the first god for your child”

رغم أن التعليم وسرد القصص حول مواقف الله مع البشر يؤثر على رؤية الطفل لله، إلا أن هناك ما هو أكثر تأثيرا على تكوين صورة الله لدى الشخص..⁠‫‏
إنه صورة الأب والأم كما يراها الطفل… ‏

#كتب
#تربية #صحةنفسية

علينا ان نمنح اطفالنا افضل ما لدينا وليس بقايا ما لدينا..


#كتب

Good Morning 🧡

حياتنا المهنية تتمحور حوالين ال ٣ نقط دول تعالوا نفهم اكتر:

اولا القوة:
ودى المهارات وال skills اللى عندك وانت شاطر فيها.

ثانيًا الفرص:
ودى الفرص اللى بتسعى ليها او بتيجى قصادك.

ثالثًا الشغف:
الحاجة اللى بتحبها وبتستمتع بيها وبالمناسبة مش لازم تكون شاطر فيها، يعنى حاجة بتحبها بس لسة محتاج تتعلمها علشان تبقى نقطة قوة عندك وتتحول ل Skills.

ال Sweet spot هى نقطة التقاء ال٣ حاجات دول مع بعض لأن عدم وجود اى نقطة منهم مش بيضمن نجاح مهنى.
لان وجود مهارات وفرصة بدون شغف بيخليك موظف فاقد لمتعة ومعنى اللى بتقدمه.

وبرضه وجود مهارات وشغف وعدم وجود فرص برضه للأسف مش بيوصلنا لحاجة.