04/06/2020
انهاردة ذكرى وفاة طلال ،، البقاء لله
ذى النهادة دلوقتى من 6 سنوات ابنى الوحيد الشهيد محمد طلال فى ذمة الله انا من الساعة 3 الفجر بعيش اسؤ ذكريات مؤلمة فى حياتى آخر يوم محمد نام فيها فى سريره دخلت عليه لاقيته نايم على ظهره وعيناه مش مقفولة للآخر ووقفت أبص كتير عليه كنت بشبع منه وأنا مش فاهمة بعمل كدة ليه ومثل اليوم الساعة 4عصرا آخر مرة كان بياكل معايا ومع أبوه وكان بي نظر لنا كثير كانت نظرات الوداع وكلنا مش فاهمين القدر هيعمل فينا ايه وبعد كدة خرج لصيد العصافير ورجع البيت ونزل الساعة 6 ومرجعش دة كان يوم طهور نتيجة الامتحانات راح نادى وادى دجلة على اساس يخرج منه على المدرسة ليعرف النتيجة ولكن قدره كان منتظره وهو خارج من النادى واستشهد الساعة11 مساءا ودخل مستشفى النخيل الساعة11ونصف وأعلنوا خبر الوفاة الساعة 1فجر يوم الأربعاء الموافق 5/6/2013 وتم نقله إلى مشرحة زينهم الساعة 1 ظهرا وإقامة صلاة الجنازة 3 ونص عصرا بمسجد السيدة نفيسة والعزاء كان فى اليوم التالى الخميس 6/6/2013 حقيقة مؤلمة مش هقدر انسى مرارتها حاسة ذى ما يكون الزمن وقف وتحياتى وقفت معاها ملهاش طعم عائشة من غير هدف من غير ما أنتظر بكرة انا مش عارفة انا عائشة ليه ولمين مين محتاج لى انا بفقدان محمد فلذة كبدى فقدت الماضى والحاضر والمستقبل انا فقدت أغلى حاجة فى حياتي الحاجة الحلوة إللى عايشةعلشانها فقدت بكرة إللى بحلم بيه فقدت سندي فى ضعفي فقدت الإنسان إللى بستمد منه القوة و مانع عنى احزانى واللهم أنى ذقت مرارة الفقد فى احب خلقك لقلبي يالله ع وضني حلاوة اللقاء به فى جنتك واللهم راضني بما قسمته لى وبرد نار قلبى بالصبر والإيمان واللهم أرحم روحا كانت انسالروحى وسندلضعفى واللهم انر قبر من حن له القلب واللهم هب له سعة فى قبره لا يرى لها نهاية واللهم هب ل مضجعه طيبا ول ظلمته نورا ول ذنوبه غفرانا وبرد قبره وزده إحسانا فوق إحسانه و اجعل الجنة مسكنه واللهم أرحم من كان أقرب إلى من حبل الوريد واللهم أرحم من تساوت عنده الاوقات لا شمس تشرق ولا قمر ينير ظلمته واللهم أرحم من توسد جسده الكفن و اختلط عظمه التراب واللهم اسقيه تحت التراب غيبا يرتوي منه ترابه وتغسل معه ذنوبه واللهم أرحم فلذة كبدى وتؤام روحى وثمرة قلبى من توفيته فى عمر الزهور بعدد خلقك ورضا نفسك وزنة عرشك ومداد كلماتك وأخيرا اقرؤا
الفاتحة وسورة بس عل روح شهيد الانفلات الأمنى شهيد الغدر شهيد قانون الحدث ورددوا معى لا إله إلا الله والشهيد محمد حبيب الله