Caramel Academy

أسباب إختيارك ل كرامل أكاديمي
📍لو عايزة إبنك من المتفوقين وسابقين أطفال كتيييييير ف سنهم
📍الطفل ف سن التأسيس محتاج حد فاهم احتياجاته وعارف قدرات الأطفال ويقويها وينشط قدرات الأطفال اللي مهاراتها ضعيفة ، فمش عشان صغير يبقي قدراته محدودة.. بالعكس
📍 إحنا معترفين بالفروق الفردية بين الأطفال وبنعرف نوصل كل إللي محتاجين نوصلوا للطفل بالطريقة اللي تناسب قدراته ومهاراته
📍لو قدرات إبنك ضعيفة ولكن معندوش مشكلة من مشاكل التوحد أو أي مشكلة محتاجة مراكز تأهيلية ، يبقي كرامل هتظبطلك مستواه التعليمي وتعلي قدراته ومهاراته الذهنية والعقلية
📍اشتراكك في كرامل معناه إنك بتشوفي بعينك مستوي إبنك وهو بيتقدم وهتفرحي إنه عارف حاجات كتيييييير أطفال ف سنه متعرفهاش حتي أطفال ف المدرسة
لايك و شير يا ست الكل ❤️
لكل أم عايزة تفرح وتطمن علي مستوي أبنها التعليمي وتعلي قدراته ومهاراته ، قوليلها إن كرامل أكاديمي أفضل إختيار لابنك
علشان تتواصل معانا ابعتلنا على رسايل الصفحه او اتصل على : 01065094091
او ابعتلنا على الواتساب : https://wa.me/+201065094091

لو أنتي من الأمهات اللي بتعاني من مشكلة كره الطفل للحضانة أو المدرسة❌
يبقي كملي البوست للآخر⬇️
التعليم مش وسيلة لتعذيب الأطفال خالص بالعكس .
التعليم المقصود بيه :
هو تعليم القراءه والكتابه إللي هتأهله لإختيار الدراسة اللي هتحققله هدفه وتؤهله لحياه ناجحة✅
📌نصااااائح لتحبيب الطفل وتهيئته للحضانة والمدرسة :
1- التمهيد :
نقول للطفل إن الحضانة أو المدرسة دي مكان جميل فيه ألعاب وأطفال كتير جميلة هيلعبوا معاه والمدرسة جميلة زي ماما❤️
2-الصحيان بدري قبل معاد الحضانة بساعة مثلاً كل يوم عشان أدربه علي الصحيان بدري .
3- أحضر معاه الشنطة الخاصة بالحضانة أو المدرسة🪄
4- مضربش .. مزعقش .. متخانقش ع الصبح وأنا بصحيه الله يكرمك 🙏
لانة هيربط بين الخناق والزعيق والضرب و المدرسة😣
5-أتابع مستوي الطفل وسلوكه مع المدرسين باستمرار📋
6- اهتمي بالأنشطة المطلوبة منه عشان يبقي معروف ف وسط زمايلة إنه طفل شاطر ومجتهد وشوفي ده هيعمل ف نفسيته إيه🔎
7- نتجنب كلمات يوووووه رجعنا للارف والمناهدة بتاعة الصبح عشان هو لو سمعك هيعمل فيكي اللي قولتيه بالحرف الواحد👌
8-مساعدة الطفل ف حفظ ومذاكرة دروسة وواجباتة ده مش جهاد ف سبيل الله ده واجبك يا ست الكل💪
📌يلا شيييير بقي لأختك لصاحبتك إللي بتعتبر أيام الحضانة و المدرسة أيام عذاااب😭❤️

أخطاء تربوية❌
بنقع فيها بتأثر علي نفسية الطفل ومستواه الدراسي وأحنا مش واخدين بالنا :
📌 الضرب والشتم
📌 التهديد
📌 تضخيم الأخطاء وتهويل الأمور
📌 المقارنة
ده جزء من إللي بنعمله ف أولادنا
غير بقي كلمات :
⬅️إنت مش بتفهم.... إنت حمار... يا غبي....مفيش فايدة فيك.. يا كذاب...يا كئيب...والخ من الكلمات المدمرة💔
📌إزاي بقي أصلح ده :
لما إبنك يغلط علميه الصح وفهميه وساعدية ميقعش ف الغلطة دي تاني إللي يغلط يتعلم مش يتعاقب يا ست الكل 🫶🏻
📌كلنا بنغلط حتي وأحنا كبار ولسة بنتعلم من أخطأنا لحد النهاردة🙏
أدى لإبنك الفرصة إنه يغلط علشان يتعلم😇❤️

أسباب ضعف القراءة والكتابة عند الأطفال وازاي نحلها ؟!🤔
📌متأسسش صح ف العربي والإنجليزي .
👈حلها.. اشتغلي أصوات حروف ف الانجليزي الأول وعرفية ال فاولز بعد كدة اديلو كلمات فيها short a.. short e... كلمات يدرب علي قرائتها و اوعي يخلص الحروف وتديلو كلمات الحروف مش عايزين طفل حافظ خالص❌
📌أما العربي ابدئي بعد الحروف حركة الفتح من حرفين وبعدها من 3 حروف وهكذا ف الكسر والضم ..
ولما يتقن دخلي نحو بسيط شفوي وده هشرحهولك ف بوست منفصل...
📌 الماث.. اشتغلي أرقام مع كلمات شفوي كتير للمعرفة والتعلم
أما دروس الماث دي بردوا قصه تانية محتاجة بوست منفصل ، لأني بشوف طرق عقيمة وقديمة جدآ لسة بتدرس للأطفال مش بتخليهم متفاعلين ف دروس المدرسة خالص
الجمع والطرح ف الماث مش علي أيدينا بس في مراحل تانية ف التأسيس مشوفتش حد بيعملها للأسف ..
📌لو الطفل إتأسس صح هيبقي أولي وتانية وتالته كمان ف جيبو بكل سهولة ولو ده محصلش اعرفي إن إبنك متأسسش صح🥹
⬅️كراميل بتقولك التأسيس السليم يضمنلك تفوق إبنك في دروسة ومهاراته بتزيد وبيكون متميز عن أطفال كتيييييير ف سنه💪🩷
إحجزي لأبنك مكانه في كرامل و استفيدي بكل المميزات اللي بنقدمها للطفل والأم
ابعتيلنا رساله او ممكن تتصلى على : 01065094091
باقي أماكن محدودة 👉

٨٥% من الأطفال متعلموش أساسيات الكتابة وماسكة القلم الصحيحة
وده عمل إيه ف العدد الكبير ده من الأطفال
📌 عضلات إيد ضعيفة متتحملش ماسكة القلم لوقت طويل
📌 عدم الإلتزام بالسطور لعدم التمكن الصحيح من مسكة القلم حتي لو شكل الماسكة صح
📌 كتابة بخط ضعيف
وده بيعمل مشاكل للطفل في المدرسة
👈 الطفل يقدر يمسك القلم بقوة وبخط جميل وملتزم السطور بشكل كبير
وده بيتعمل مع الأطفال في كرامل من خلال مهارات الكتابة والتمارين إللي تؤهله للماسكة الصحيحة
تعالي شوفي خطهم بنفسك ومش هتصدقي إن ده خط طفل عندو 4و5 سنين سواء في العربي أو الإنجليزي
الكتابة وأساسياتها فن ودرراسة طويلة مش هيتعلمها الطفل غير ف كرامل أكاديمي

اللغه الانجليزيه وطفلك 🎯
⬅️أهم مرحلة فى تأسيس اللغة الإنجليزية للطفل :
📌مرحلة الحروف أولا لازم ياخدها Capital و Small
مع بعض✅
📌ياخد كل حرف بصوته منستناش يخلص الحروف الأول🙃
📌إسم الله عليه خلص الحروف بأصواتها الحمدلله ركعتين شكر وتعالي نكمل لأن دي كانت أصعب مرحلة💪❤️
📌بس خدي بالك اتأكدي إن إبنك بينطق صوت الحرف صح عشان تكملي صح أطفال كتير بتجيلنا بتنطق غلط وبطلع مخرج الحرف غلط🙂
📌إحنا لازم نعلم اللغة علي أصولها👌
لأن زيها زي اللغة العربية لو نطقتي حرف الثاء سين ، وحرف الضاد دال
وحرف التاء طاء كدة الكلمة اتشلفطت وهتتنطق غلط وهتتكتب بردوا غلط 🤕
📌عرفتي ليه بقي النطق الصحيح مهم جداً جداً ..
📌هعملك فيديو مخصوص بالنطق الصحيح لكل حرف قريب جدا ..
📌لما المرحلة دي تعدي صح إللي بعدها هيبقي سهل علي الطفل لأن الأساس سليم وقوي💪❤️

الدروس الخصوصية مهمة👌
ولكن 🙃
📌مرحلة التأسيس مش محتاجة شرح وكتابة بس يا فندم🥲
📌مرحلة التأسيس محتاجة تعلم باللعب والقصص والأدوات التعليمية والفنية ومسرح العرايس🥰
لو ده متوفر مع مُدرسة هتديلو ف البيت يبقي كويس جداً🤝
📌ولكن لو مش متوفر ..😵
احسبي وقت التعلم للطفل ف حضانته وفي الدرس وشوفي فترة التعلم دي كفاية ليه ولا لأ🧐
📌خصوصاً ف الحضانات اللي زي كرامبل اللي بتشتغل علي كل الجوانب عند الطفل وشوفي الاستفادة فين أكتر📈
📌وأنا واثقة إنك هتعرفي تختاري لابنك صح👍

مش أي واحدة تقولك أنا مدرسة تأسيس تودي إبنك عندها
مدرسة التأسيس لها مواصفات وصفات خاصة جداً لأن دي مرحلة البناء وأهم مرحلة ف حياة الطفل التعليمية
✏️ لازم تبقي عارفة إن
👈لا يوجد طفل فاشل👉 وإنما يوجد معلمة فاشلة أو أم فاشلة فشلت في توصيل المعلومة للطفل
✏️ تهتم بخط الطفل وكتابته علي السطور وهي تبقي مقتنعة إن الطفل لازم يتعلم كتابة السطور من أول كتابة الحروف
✏️مخارج حروفها صحيحة عشان تعلم الطفل صح
✏️ بشوشة ومبتسمة في وش الطفل معظم الوقت
✏️ تجيد اللغة الإنجليزية ، أيوة مدرسة التأسيس شاملة وده اللي علموهلنا موجهين مرحلة التأسيس
✏️ تعرف إن الأطفال مختلفين ومش زي بعضهم ويكون عندها أكتر من طريقة لتوصيل المعلومة الواحدة
✏️ صبوووووورة ، بنشوف أطفال متعقدين من الحضانات والمدرسين اللي كانوا معاهم قبل كدة
✏️ تكون دارسة وعندها خبرة مش بتتعلم ف الأطفال
إدي العيش لخبازه يا ست الكل لأن لازم تبقي عارفة إن دي من أهم مراحل التعليم وهيترتب عليه حاجات كتيييييير ف المدرسة
كرامل أكاديمي طول عمرها حريصة يبقي معاها مدرسات فيهم المواصفات دي واكتر وتدربهم كويس جدا جدا عشان تفرحي بمستوي إبنك زي ما كل عملاء كرامل مبسوطين جدآ وراضيين بمستوي أولادهم
ها ضيعتي علي إبنك كم فرصة ومحتاجة تعوضيها عشان متحسيش بالذنب ناحيته

إبني يقعد ف البيت..... مستحيل😱
⬅️ده كان كلام أم واعيه كانت قاعدة معايا و بتقولي إن أختها قعدت ولادها من حضانتهم عشان تريحهم ويستعدوا للمدرسة💪
طبعاً الأم الجميلة إللي معانا عارفة أضرار قاعدة الطفل في البيت وخطره علي مخ الطفل ومهاراتة ومستواه☹️
⬅️تعالي أقولك أضرار قاعدة الطفل في البيت من غير حضانته والبيئة الصحية دي لعقلة ولمهاراته🎯
📌 النوم متأخر والصحيان متأخر وده بيأثر علي هرمون النمو عند الطفل .
📌 طبعاً مورهوش حاجة غير التليفون اللي بيأثر علي تركيزه ويزود نسبه تشتت الطفل بنسبة كبيرة حتي لو بيتفرج علي حاجة تعليميه .
📌 هينسي الإلتزام والمهارات اللي اتعلمها إللي المفروض بتساعدوا علي زيادة نشاط قدراته الذهنية والعقلية .
📌 نسيان جزء من الأكاديمي إللي اتعلمه واتأسس علية ودي كارثة لوحدها .
📌 إنخفاض مستوى التركيز والتفكير إللي اتعود عليه وكان مبسوط ومتشجع بيه وسط زمايله .
📌 الحرمان من البيئه الصحية إللي كلها تعلم ولعب واكتشاف وتنمية .
حاجات تانيه كتيييييير جداً لها تأثير سلبي مباشر علي الطفل في سن الحضانة🐥
في فرق تعليمي ونفسي كبيير بين طفل دخل المدرسة بعد مرحلة الحضانة مباشرة وبين طفل دخل المدرسة بعد انقطاع تعليمي ومهاري✅
ده شوفناه ولمسناه كتير ف أطفال كتيرة وكان الفرق للأسف مش بسيط😓
📌خلي عضلة وماتور دماغ الطفل شغال بإستمرار في السن ده بالذات لأن الطفل عنده طاقة كبيرة للعب والتعلم النشط إللي بيجيب معاه نتيجة📈
عارفة ومتأكدة إنك هتقتنعي بكلامي لأنك بتحسي بإبنك و تركيزة ف الحالتين👥
📌التعليم في الصغر كالنقش علي الحجر👌
لو إبنك ف مكان مش بيتأسس فيه صح أنتي عارفة المفروض تعملي ايه🧐
ولكن لو في مكان محسن قدراته و معلي مستواه اوعي اوعي تقعدية يا ست الكل لأن أنتي وأي أم مهمتها تبني أبنها متهدوش وتهد معاه اللي بنته💪
📌لايك وشير وفيدي غيرك لأن أكيد أمهات كتير مش فاهمة أضرار قاعدة الطفل في البيت 💔