Silat Academy in Egypt - أكاديمية السيلات في مصر

دا واحد اسمه حجاج.. مؤثر على السوشيال ميديا ..
بيلف كتير وبيسافر وبيشرح ثقافات كل دولة بيروح ليها ..

حجاج قرر انو يروح داجستان ويشرح الجوجيتسو ويعمل حلقة عن بنات روسيا واد ايه هما شداد ..

مع اول تكنيك تم .. كتفه اتكسر ..

أنا حابب اقول ليكم حاجه مهمه اوي ..
حتى لو انت عارف التكنيك زي اسمك .. ما ينفعش تطبقه مع شخص مش عارف اي حاجه عن رياضتك..

الفكره كلها أن في اعتبارات كتير عشان التكنيك يتم بحرفيه .. وانت بتشوفه انو سهل تعلموا للناس وهينبهروا بيه .. بس في اعتبارات تانيه كتير ..

ودا يودينا لنقطه تانيه .. لو حد من الكيك بوكس أو الايكيدو أو الجوجيتسو أو حتى السيلات ، ما تحاولش تجرب اي تكنيك يقولك عليه لمجرد انك أما بتثق فيه أو واثق في نفسك بزياده ..

لازم الاول تفهم التكنيك بيلعب على مناطق ايه في الجسم .. ايه المطلوب من الشخص اللي هيتعمل فيه التكنيك ، ايه المتوقع كا اصابه المفروض يتعرض ليها الخصم وفي الاخر يتم تجربة التكنيك بس من باب التعلم ، يعني براحه وبمسؤليه ، عشان لو حصل اي مشكله يتم تداركها ..

لا تكن لينا فتثنى ولا صلبا فا تكسر ..