Heba Eladawy

فى بيتنا فأر - صوت الأمة الفئران فى جحورهم ينتظرون لحظة ضعف تصيبكم، وليس للجميع من منقذ إلا بحول الله .

عن ال ( ❤️To feel list )
مشاعرك مش مهام وكل ما يتعلق بيها 🤔😍

وعشان منبقاش مثاليين, فيه وقت أكيد حتضطر فيه تأجل احاسيسك شوية زي إن يكون وراك شغل مهم عاجل ضروري يتسلم في مواعيد محددة, فيه إمتحانات للولاد, أو الإتنين مع بعض او غيره من المهام المعروفة اللي عشان ننجزها ضروري نحط لها ( To do list) ..

إنما وانت في الفترة ديه خليك عارف انك بقيت آله, مكنة, شيء.. وانت اصلا لا آلة ولا عمرك ينفع تكون مكنة ولا شيء ..

انت انسان له ( قلب و روح و عقل و جسد) ..

وزي ما مينفعش تسجن نفسك في صندوق مقفول لأن طبيعة خلق جسدك محتاجة انك تتنفس اوكسجين من براح الهوا بره اي صندوق مقفول, نفس الكلام في قلبك وروحك مينفعش تسجنهم جوه مهام وظيفية وبس وقتها اللي حتتخنق هي سعادتك لأن مشاعرك دايما حتكون مخنوقة سواءا أن كانت مشاعر فرح او حزن أو غيره تحت شعار (أصله مافيش وقت ) ..

مافيش وقت نفرح باللي بننجزه, ولا فيه وقت نحزن أو نطلع مشاعر الغضب أو القلق من المواقف اللي بنمر بيها .. فبالتالي بتتراكم جوانا لحد ما نوصل لمرحلة من التبلد الداخلي ونوصل للمرحلة المريعة اللي فيها (بنتصنّع ) الإحساس بكل اللي حوالينا ..أو تلاقي نفسك فجأة هبيت زي الوحش في اللي حواليك لأنك مفرغتش مشاعر الغضب من مواقف مريت بيها ..

أنا أكيد مريت بكده وإنتوا كمان لأن الحياة بقت متسارعة بشكل مريع .. لكني وقفت ودورت عن الفرق وطلعت بال( To feel list ديه ) .. أنتوا كمان ضيفوا عليها قد ما تقدروا وحأعيد كتابتها تاني وفيها أفكاركم ..

وتعالوا نتفق سوا إن الحياة السريعة أوي ديه اللي محتاجة تنظيم دقيق بال ( 🤓To do list), متخلناش أبدا ننسي ال ( ❤️To feel list ) :

1-الجري أو المشي في مكان حدوده السما بلاش الجيم المقفول ..

2- الفضفضة اليومية..خاصة مع ربنا .. بابه مفتوح دايما ..

3-تعلم أي حاجة جديدة بعيدة عن مجال شغلك حتي لو كانت في مجالات النجارة أو السباكة أو الخياطة أو عمل الإكسسورات أو غيره ..

4-سبحة في إيدك أو في عربيتك بتسبح بيها لما الإشارة تقفل او في تراك الجري ..

5-تعلم أي آلة موسيقية حتي لو كانت طبلة (الطبلة سهلة أهه 😂 :D ) تشغيل إيديك الإتنين مهم جدا عشان ال ( To feel)..

6-غني بصوت عالي ..شغل أغنية بتحبها في البيت, عربية, أو أي مكان وغني معاها بصوتك بس ياريت تكون في مكان لوحدك إحتياطي برضه 😂😎😃 ..غنيها من جوه قلبك مهما كان صوتك وحش ولا حلو ..

7-صدقة يومية حتي لو جنيه .. وخد نية وإنت بتديها إنها لله وإبتسم في وش اللي بتداله
الصدقة علي فكرة مش فلوس وبس, ممكن تكون علم أو فن او أي شيء بتحبه وبتجيده

8-أصحي الصبح بدري وإنزل وقتها ألعب أي رياضة في الهوا مشي, يوجا اوحتي أقعد بس إتنفس تنفس عميق وإتأمل الكون ..الزرع, العصافير, الحمام, السما, النخل, الناس اللي ماشية, العمارات المرصوصة جنب بعضها وتخيل سبحان مدبر حال كل اللي ساكنين فيها .. سبحان الله ..

9-إشتغل علي نفسك ..علي شخصيتك ..لو مثلا طبيعتك بتميل للكآبة, ركز مع نفسك ودربها علي إنها تميل حبة حبة للتفاؤل ..لو بتتنرفز بسرعة, برضه درب نفسك علي الهدوء .. المعلومات متاحة للجميع إن إرادوا ..

10-إحضن أطفال صغيرين ..ولادك أو ولاد غيرك أو حتي لو أطفال يا حبايبي في ملجأ .. أحضنهم لحد ما هما يشبعوا من حضنك ويقوموا لوحدهم منه .. إحضنهم لأن حضنهم, هو حضن لروحك إنت في الآخر بيردلك براءتك وجمال قلبك مرة ورا مرة ..

11-أهل بيتك مش كراسي ولا كنب ولا اشياء حتحطها في مهام في ال ( To do list).. أهل بيتك ناس لها روح وقلب وإحساس محتاجين منك تديهم براح ال ( To feel list )..كلمة حلوة, نظرة طيبة, عتاب خفيف علي مواقف صعبة خللي عندك شجاعته بدل ما إنت بتتكلم عنهم في كل حتة كلام سلبي .. عافر عشان تنجح علاقاتك معاهم .. النجاح في العلاقات مش سهل زيه زي أي حاجة في الدنيا محتاج بذل مستمر عشان تفضل الأحاسيس صاحية ومتموتش أبدا ..

12-وقتك مع عيلتك ..تليفون, واتس أب .. أي طريقة للتواصل اوعي تهملهم وسط زحمة مشاغلك .. حبهم ليك وعلاقتك بيهم حطها في التوفيل ليست ..اللي زي ما إتفقنا أساس لإحساسك بالسعادة ..لأن السعادة في الآخر إحساس لو متشاركش مع الناس اللي حواليك يبقي مالوش أي لازمة ..

ده اللي توصلته ومستنية إضافاتكم زي ما إتفقنا ..
صباح الجمال والحب والإحساس عليكم 😃😍
..

بصوا الصورة اللي علي الشمال لمنجلية (حامل إنجيل ) ..
شوفوا النقوش اللي عليه حتلاقوها شبه النقوش الإسلامية اللي محفورة علي كتير من مساجدنا الأثرية 😍😍😍😍..

وده بقي يدل علي إيه ؟
علي تطور حضارتنا المصرية :D ..
جيل بيسلم جيل .. وحضارة بتمتزج برحيق الحضارة التي سبقتها💪💪 ..

فاكرين فيلا ( د.برهان ) في مسلسل أرابيسك لأسامة أنور عكاشة الله يرحمه🤔🤔 ؟؟
فاكرين لما كان عايز يعمل فيلته فيها ركن من كل ثقافة عدت علي مصرنا 😀؟؟
أهو بلدنا بقي (مزج لأجمل حضارات ) عدت عليها..
فصهرها المصري بأصالة روحه وبقت مصرنا .. اللي زي لوحة أرابيسك في منتهي الجمال ..

صحيح فيلا د.برهان ماكنش ينفع تتبني بالطريقة اللي هو كان عايزها🙂🙂..
لأن كل حضارة عدت علي مصرنا عاملة زي قطعة من القطع المكونة للوحة أرابيسك..
لما تتناثر كل قطعة منها في ركن من الفيللا, حتبقي مالهاش لا لون ولا طعم ولا أي جمال ..

جمال لوحة الأرابيسك, في تجميع قطعها ..
وجمال لوحتنا المصرية, في جمال وإختلاف تاريخها مع وحدة الروح ..

آن الاوان ننضف بلدنا من الثقافة العشوائية اللي غطت علي جمال بلدنا.. وكل واحد يبتدي بنفسه والله المستعان ..

آن الاوان بقي تنصهر وتخرج من كل اللي عدوا علينا من حضارات, ثقافة مصرية جديدة خالصة من مزيج كل اللي عدي عليها بس بلوننا المصري :)

بدأنا (يا دوبك) نحرر العملة.. هل حررنا عقل وقلب المصري؟؟
..

ثقب أوزون الميزانية - صوت الأمة تلك هي أنا.. في صفي الخامس الابتدائي..أقرأ عن الإنبعاثات الكربونية وتأثيرها على ثقب الأوزون والتلوث البيئي..

وطبقا لقاموس «فتحي - فوزية».. «فوزية - فتحي»: يختلف نوعية الإحتياجات التي يدرك بها الكائن الفتحي أنه محبوبا عن نوعية الإحتياجات التي تدرك بها الكائن الفوزية أنها مازالت محبوبة..
..
..

برطمان صلصة في قديم الزمان في سالف العصر والأوان يُحكي أنه كان هناك كائن يُدعي «فتحي» يعيش مع ما يشبهونه من الكائنات الفتحاوية.. يخرج صباحا كل يوم ليصطاد اللحم.. ثم يهمّ بلعب كرة القدم مع باقي اصدقائه ...

صباح الجمال :D
..

..
..

Happy_Heba | هبه العدوي تكتب .. (أقوي 7 وسائل تواصل مصرية خالصة ) مقالة بالعامية تتحدث عن عوائق التواصل الصحي بين المصريين ..

لا الست ملكت الرجل بعقد الزواج .. ولا الرجل ملك الست بعقد الزواج
ملكية الإنسان لله وفقط ..
وعقد زواجهم هو الميثاق الغليظ اللي بين الإتنين وبين الله ..
والمسألة مش خناقة ولا معركة مين فيها حيتسلط علي مين!!
الزواج مبني علي التكامل والتفاهم ..
وايجاد نغمة مشتركة بين الإتنين ..
ده مبيجيش بين يوم وليلة ..
ده بيجي بأهم وأول حاجة ..
الإحترام الكامل وتقبل الآخر ده اللي إنت متجوزه رغم عيوبه ..
لما تحبي عيوبه ويحب عيوبك ..
علشان بيحبك وعلشان بتحبيه ..
لما تتفقوا علي المباديء الأخلاقية المشتركة ضمنيا واللي أساسها الإحترام والحرية .. وبالتالي الثقة .. وبالتالي التقدير ..
لما تتفقوا علي الصراحة والوضوح .. وإحترام إن الطرف التاني ممكن يكون شايفك بطريقة إنت مش شايف بيها نفسك ..
لما تثق أنه مرايتك ..وتحترم رأيه لأنه ببساطة رأيه ..
فتستمع له مش تسمعه..
LISTEN not Hear
بدل الفمينيست اللي ضد الذكوريست ..
اللي الإتنين تطرف مجتمعي بيأجج للصراع بشكل كبير ..
لما نوصل للتكامل .. حنوصل للتناغم ومنه للمودة .. اللي لما تستمر حنوصل للرحمة ..
إنت تشوفها بعيونك وإنت لسه عندك حاجة وشعرين ولاأيا كان سنك لما بدأت علاقتكم ..
وإنتي تشوفيه بعيون الشاب الجميل اللي لما إتقدملك كنتي طايرة من الفرحة ..
إقبلوا بعض يا جماعة .. ده ربنا قابلنا علي عيوبنا والله ..
يبقي إحنا البشر ليه معاندين ومش عايزين نقبل بعض ؟؟
:)

عزيزي فتحي :D ..
أن تضم لقائمة إنجازتك الشخصية نجاحك في زواجك، هذا أمر يستحق المحاولة والتحدي! ثق فيّ..
بالتأكيد، أنت حر في قبول كلامي أو رفضه، ولكن ماذا عن متعة قبول التحدي؟
تحدي إنك «بس»..
تسمع فزفوزتك.
..
..
..
..

اسمعني بس (1) - اسمعني - مانا سامعك أهو.. ها قولي. - النهاردة نزلت أشتري حاجات من السوبر ماركت، كل حاجة بقت غالية جدًا، تصدق قابلت واحدة ست شكلها طيب أوي، تخيل طبطبت عليّا، بس لما جيت أدفع الفاتورة ماكنش معايا ...