كارتيرة - Cartera

رام رجعت اسم رامبل بي رجع للحياة تاني بعد 21 سنة بأقوى بيك أب في الكوكب 💪🏻

رام خدت مستوى الأداء في TRX ووجهته للشارع والتراكات بدل الأوف رود، مع عفشة أوطى وتوجيه أشرس وثبات أعلى.

الفئة الأساسية جاية بمحرك 5.7 لتر V8 بقوة 395 حصان و555 نيوتن متر، وتتسارع من 0 لـ 97 كم/س في 6.1 ثانية.

وفوقها فئة رامبل بي 392 بمحرك 6.4 لتر HEMI بقوة 470 حصان و616 نيوتن متر وتسارع 5.2 ثانية 🔥

النسخة الأقوى رامبل بي SRT سوبرتشارجر 6.2 لتر V8 بقوة 777 حصان و921 نيوتن متر، مع تسارع لـ 97 كم/س في 3.4 ثانية بس، أسرع من بي ام دبليو M3 👀

كل الشكر والتقدير للمدير التنفيذي تيم كونيسكس اللي لحق الشركة من خيبة الكهرباء وتصغير المواتير، ونفكركم ان كل ما مرسيدس تخيب الفيديو بتاعنا هيجيب 🫡

#كارتيرة

دي شبيهة الـ MG GT بس بقوة 1,153 حصان 😅

مرسيدس كشفت رسمياً عن AMG GT 4-Door Coupe الكهربائية الجديدة بالكامل، واللي جاية عشان تنافس بورش تايكان وأودي إي ترون جي تي بشكل مباشر.

العربية مبنية على منصة AMG.EA الجديدة، وبتقدم أرقام مبهرة

نسخة GT 63 الأعلى جاية بـ 3 مواتير كهربا بقوة 1,153 حصان وعزم يوصل لـ 2000 نيوتن متر 💀

وده يخليها تتسارع من 0 لـ 100 كم/س في 2.1 ثانية، وتكسر الـ 200 كم/س خلال 6.8 ثانية، مع سرعة قصوى 300 كم/س ☠️

مرسيدس عارفة إن جمهورها مش متقبل الكهربا بالكامل، فقررت تحط نظام بيقلد صوت الـ V8 بتاع AMG GT R مع 9 نقلات وهمية زي الأيونيك 5N

ومن جوة جات بشاشة 14 بوصة وشاشة عدادات 10.2 بوصة وإمكانية إضافة شاشة للراكب الأمامي وكاربون فيبر وإضاءة داخلية مطرقعة وسقف بيتغير لونه

وفي الشحن، العربية بتدعم شحن سريع لحد 600 كيلووات/س، وده يخليها تشحن من 10 لـ 80% خلال 11 دقيقة فقط.

بس وسط كل الأرقام دي، العربية وزنها 2.4 طن، وده متفهم إلى حد ما بسبب البطارية والمواتير.

حد يقولنا مرسيدس هتبطل قبح تصميمي إمتا 😏

#كارتيرة

النهاردة احنا في تغطية خاصة لـ XPeng مع تقديم الـ P7+ الجديدة واللي جاية بفكر مختلف يجمع بين التكنولوجيا والراحة والأداء في عربية واحدة مع مجموعة راية💪

العربية مبنية بتصميم مستقبلي بانورامي بخطوط انسيابية جدًا، مع إضاءة LED ممتدة قدام وورا وسقف زجاجي ضخم يخلي شكلها ملفت من أول نظرة ❤️

البطارية بتمشيك 530 كيلو وبتتسارع من 0 لـ 100 في 6.2 ثانية بقوة 313 حصان وعزم 450 نيوتن متر

جوه العربية هتحس إنك قاعد في لاونج متحرك 🛋️
شاشة ضخمة في النص، خامات فخمة، ومساحات واسعة جدًا خصوصًا للركاب ورا، مع نظام تشغيل ذكي معتمد على الذكاء الاصطناعي وأوامر صوتية متطورة وأنظمة قيادة ذاتية متقدمة 🤖

الراحة كمان واخدة مستوى تاني مع عزل ممتاز ونظام تعليق ناعم يخلي السفر الطويل مريح جدًا ✨

واضح إن XPeng ناوية تنافس بقوة في فئة السيدان الكهربائية الفاخرة، والـ P7+ تعتبر واحدة من أكتر العربيات اللي خطفت الأنظار مؤخرًا 👀

قولولنا… هل ممكن تنافس الأسماء الكبيرة في السوق؟ 🤔

#كارتيرة

قصراوي هتبيع عربيات زيرو أون لاين ومن غير أوفربرايس👀

مجموعة القصراوي للسيارات أعلنت بالتعاون مع “التوكيل دوت كوم” عن إطلاق أول منصة رقمية متكاملة لشراء العربيات الجديدة أونلاين في مصر

المنصة هتخليك تقدر تختار العربية وتقارن الفئات وتخلص التمويل والتأمين وكل حاجة من مكان واحد، بدل اللفة بين المعارض والبنوك وشركات التأمين 😅

وكمان هتضم العربيات اللي بتقدمها القصراوي في مصر زي جيتور وجاك وسيتروين، مع خطط لإضافة علامات جديدة قريب زي أفاتر وآيتو.

ومن أكتر الحاجات اللي مركزين عليها إن العربيات هتتباع بالسعر الرسمي من غير أوفر برايس، مع عرض المواصفات والأسعار بشكل واضح ومباشر.

المنصة كمان هتتيح التقديم على التمويل أونلاين ومقارنة أنظمة التقسيط المختلفة واختيار الأنسب ليك، بجانب خدمات التأمين والدفع سواء كاش أو تقسيط.

واضح إن سوق السيارات في مصر داخل بقوة في حتة البيع الرقمي، وإن موضوع إنك تشتري عربية بالكامل من الموبايل بقى أقرب من أي وقت 🚗📱

#كارتيرة

ستروين C5 إير كروس بقت أريح في الجيل الجديد 👀

احنا مع قصراوي جروب في حفلة تقديم الجيل الجديد من C5 إير كروس واللي جاي بتحسينات جذرية في كل المستويات 💪

العربية بقت مبنية على منصة STLA Medium الجديدة الخاصة بستيلانتس لأول مرة، ومن برة بقت خطوط حادة وإضاءة ماتريكس LED وواجهة مقفولة للانسيابية الهوائية وده بيمتد لورا بتصميم Light wings للفوانيس الخلفية 👌🏻

الراحة والنعومة اللي تميز بيها الجيل القديم زادت مع نظام تعليق محسن وكراسي اريح تديك احساس انك عايم عالطريق 🛥️

المساحات زادت والتكنولوجي جوة العربية اتحسنت بشكل كبير مع شاشة ترفيه طولية مقاس 13 بوصة الأكبر في تاريخ ستروين بتدعم ابل كاري بلاي واندويد اوتو وشات جي بي تي جوة النظام مع مساعدة صوتية وشاشة عدادات 10 بوصة مع هيد اب ديسبلاي ملون بالإضافة لكل أنظمة مساعدة السائق وقيادة ذاتية من المستوى التاني 🤖

العربية بتتقدم بموتور 1.6 لتر تربو بقوة 180 حصان و300 نيوتن متر عزم متوصل بفتيس أوتوماتيك 6 سرعات ⚙️

العربية قدمت نقلة كبيرة عن الجيل اللي فات وهنوافيكم بالأسعار لما توصلنا… قولونا رأيكم 🤔

#كارتيرة