الحكايه فيها نيّه

ايه الفرق بين الطبيب النفسي والاخصائي النفسي ؟

🔴 اولا الطبيب النفسي أو الدكتور ؟
الطبيب او الدكتور بيكون خريج كلية طب بشري وبيتخصص في الطب النفسي دراسته بتكون متركزة علي الجانب العصبي والفسيولوجي للإضطرابات والأمراض النفسية وتركيزة الاكبر بيكون علي العلاج برضة بيكون في الجانب دا (يعني أدوية)

🔴 ثانيا الاخصائي النفسي أو المعالج أو الثيرابيست ؟
دراستة بتبدأ بالتخرج من آداب قسم علم نفس ( ولا مينفعش من اي كلية تانية غير آداب)
وبعد ما يتخرج بيتخصص في مجال معين او جزء معين في المجال قياس اطفال اكلينيكي إرشاد نفسي بمجالاته وغيره
دراسته بتكون متركزة علي الجانب النفسي والعوامل المؤثرة زي الثقافة والتربية والمجتمع والعلاج بيكون قائم علي محاولة تعديل أثر العوامل دي علي مدار السنين

🔴 من هنا نفهم ان الطبيب والاخصائي مشاركين بعض في عملية واحدة وهي عملية العلاج ولأن الإنسان علي درجة عالية من التعقيد والحساسية وتفاصيله كتير فلازم كل واحد بيقوم بدور خاص بيه من الجانب العضوي والجانب النفسي وعن رأيي الشخصي بفضل أنه لو طبيب يكون مركز دورة في العلاج الظوائي ولأسباب العضوية انا الجزء النفسي بفضل أنه يكون للاخصائي أو المعالج الدور في التدخل فيه

🔴ونقطة مهمة محتاجين نكون عارفينها هي أن كل واحد منهم بيكون متأثر بطريقة دراستة فكل واحد إتخصص في الشئ الي درسه
يعني الطبيب بيشوف المرض سببه العضوي والجسدي ودي طبيعة دراستة وعملة كطبيب،عشان كدا بنلاقي ناس كتير بتقول قعدت بس ربع ساعة ووصف دواء...

🔴واختلافه عن المعالج أو الاخصائي النفسي هو أنه دارس لعلم النفس من اساس دراستة بيقدر انه يشوف إيه المشكلات ورا الأعراض وبيكون تعامل مع الاضطراب بشكل أعمق من الطبيب...

🔴إذآ الطبيب دورة بيكون العلاج الدوائي ولكن في احتمالية انه يقوم يدور العلاج النفسي ي حالة ان درس في نفس دراسة المعالج النفسي ومر بنفس الخطوات ولكن مش دايما بيكون بنفس كفاءة المعالج لان المعالج مركز على دور واحد بس مش دورين زي الطبيب ودا لا يعيب اي طرف بالمناسبة

أما بالنسبة للمعالج طبعا بيكون تعامل الأساسي مع الجزء النفسي بالنسبة للجزء العضوي والدوائي وقتها بيرجع للطبيب...

ومن هنا بتلاحظ فرق مهم بينهم هو وقت الجلسة بالنسبة المعالج والطبيب، لأن المعالج مهمته بيكون فيها تعديل أنماط التفكير المشوهة مثلا او تعلم مهارات تساعد علي تحسين الحياة بشكل عام وتعديل السلوك وغيره، فبيكون وقت جلستة أطول وبيكون في مساحة انه يسمع اكتر...

🔴 الاضطرابات النفسية جزء كبير من علاجها بيكون مع الاخصائي او (المعالج) وبيكون مسئول عن علاج الشق النفسي (أساس الاضطراب)
أما بس بالنسبة للأدوية تأثيرها بيكون علي الشق العضوي (الموصلات العصبية، الهرمونات) وغالبا بيكون احتياجها مع الحالات الشديدة او الي بيكون فيها جانب عضوي مؤثر زي الاضطرابات الذهانية او العقلية الي بيكون مع أعراضها الضلالات والهلاوس مثلا
وهنا الطبيب بيكون فيها رقم واحد لأن التدخل النفسي فيها في البداية مش هيكون ايه أثر واضح فبيبقي الأولوية للدواء لعلاج السبب العضوي

🔴 اما بالنسبة لاضطرابات زي الإكتئاب والوسواس والقلق، علاجها بيكون في تغير أنماط التفكير وحل الصراعات النفسية وتعديل السلوكيات الضارة بتاعة الاضطراب الي بتكون ناشئة من زمن طويل (ومفيش دواء لحل الحجات دي طبعا) العلاج بيكون أساسية بالتركيز علي الأسباب النفسية

🔴وسؤال زي مين الأحسن فيهم؟
السؤال دا غلط اصلا مفيش حد احسن من حد لأن كل واحد لية دور وحدود ومهام

🔴السؤال الاصح...انا محتاج ايه؟
الاحتياج هنا بيتحدد علي حسب المشكلة بعد ما عرفت الفرق بينهم تقدر تحدد إنت محتاج إيه
اذا كانت في مشكلة ما في حياتك متأثرة عليك ومتعطل ومش عارف تحلها هنا بنروح لاخصائي نفهم منه المشكلة ويساعدنا علي حلها
لكن لو كان الموضوع خارج عن السيطرة تماما وفي اعراض ممكن تسبب مشاكل كبيرة وصعب نوقفها ممكن نلجأ لطبيب الاول وفي نفس الوقت نتابع مع معالج نفسي مع بعض

#منقول