المهندس ادهم هارون - Eng/Adham Haron

الحمد لله علي نعمه وفضله ... من وقت للتاني الواحد بيحتاج دعم نفسي او اي حاجه تفكره انه عامل حاجه قيمه فوقت المحتوي الرخيص هو اللي بيعدي ويوصل.... من تفاعلات بعض المهندسين سواء من كورس المسجل او التفاعلي بشكل شخصي معاهم ..... شكرا لدعمكم وثقتكم ❤️🙋

📢 علي فكرة!
فيه تحديث جديد لكود الخرسانة تم إصداره رسميًا 🏗️
وأهم إضافة فيه هي اعتماد حديد التسليح B700 كنوع جديد بإجهاد أعلى،

وانت بتبدأ الكوردينيشن في اي Corridor، خليني أدي نبذة سريعة عن أهم 3 خدمات في أي مشروع من حيث الكوردينيشن:
1- الـ Drainage (الصرف)
ده يعتبر أهم وأصعب خدمة في الكوردينيشن، لأن لازم تحافظ على الـ slope. عشان كده لازم يتخصص له مسار واضح من غير أي تداخل.
2- الـ HVAC (التكييف)
الخدمة التانية في الأهمية بسبب حجم ووزن الـ ducts والـ pipes وصعوبة تركيبهم. لازم يتعمل حساب لمساحة كفاية حوالين الدكت/الماسورة، خصوصًا إن العزل بيتعمل في مرحلة متأخرة.
3- الـ Electrical/ELV
أسهل نسبيًا في التنفيذ، لأن الـ cable trays خفيفة وصغيرة. لكن هي أكتر خدمة هتحتاج صيانة وتطوير مستقبلي (خصوصًا الكهرباء والـ IT). عشان كده لازم تكون في مكان سهل الوصول له، وغالبًا بتكون في المستوى الأقل إلا لو فيه خطوط مياه ماشية فوقها.
خدمات زي مياه التغذية – Fire Fighting – Trunking أسهل في المناورة، فممكن تتاخد من أي مسار متاح طبعا باستثناء الMain runs للفاير والمياه فا دى لازم تمشي straight طول الCorridor الا لحالات الضرورة القصوى وساعتها لازم ترجع للكود تشوف هل لازم تحط drain point مثلا بالنسبة للفاير او التغيير دة مفيهوش حاجة ضد الكود.
- الخلاصة: توزيع الخدمات مش عشوائي، كل سيستم ليه أولوية ومكان مناسب عشان الكوردينيشن ينجح.
(وبالنسبة لمساحة السقف الساقط الموضوع بيختلف من مشروع للتاني، ولو المساحة مش كافية ممكن نطلب نزول السقف لضمان التشغيل السليم بعدين).
الصورة موضحة مثال ( للتوضيح فقط ليس للحصر ) على ترتيب الsystems في الcorridor طبعا وبتختلف حسب طبيعة المشروع.

إزاي تعمل كوردينيشن و موديل قابل للتنفيذ في أرض الواقع مش مجرد zero clash

جمعتلكم شوية ملاحظات من مشاريع اشتغلت فيها في الموقع يمكن تفيد حد:

1. خلي دايمًا مسافة مش أقل 10 سم بين أي عنصرين في الـ MEP، و نفس المسافة بين أي عنصر و الحيطة. علشان الفني يعرف يركب و يثبت شغله.

2. لما تعدي أي مواسير أو كابلات من الحيطة، خليها دايمًا عمودية على الحيطة. و خد بالك إن كل الفيتنج (الأكواع، إلخ) لازم تكون بره الحيطة مش جواها، علشان لو حصلت أي مشكلة تعرف توصلها بسهولة (متستغربش بس آه و الله في ناس بتعملها جوه الحيطة).

3. بين أي كيبيل تراي والتانية، خلي مسافة 20 سم مثلًا. و المسافة بين التراي والسقف لازم تكون 25 سم على الأقل، علشان تعرف تسحب الكابلات و تصيبها بعدين.

4. و إنت بتعمل الكوردينيشن، لازم تضيف العزل بتاع المواسير والدكتات (ايوه عارفين إنها بتتضغط عادي)، حط أبعاد البانلز التقريبية برضو علشان تحجز لها مكان من بدري.

5. الأفضل إن Chilled Water Pipes تكون على نفس المنسوب علشان تسهل التعليق. بس لو حصل ومش لاقي مكان، ممكن تعملهم فوق بعض. وده بيحصل كتير في الكوريدورز الضيقة. المهم إنك تظبط منسوب السقف المعلق.

6. خلي بالك إن مواسير المياه أو الصرف لازم تكون تحت أي حاجة زي كيبيل ترايز مثلًا، إلا في نقط التقاطع بس.

7. في بعض المشاريع بيكون مثلًا في تمديدات كهربا تحت الفينيش الى في الأرض، و محتاج تدخل غرفة معينة مثلًا لازم تعرف تعمل ايه مع عتب الأبواب علشان متجيش في الموقع تلاقيها تكسر.

8. مشكلة واجهتها كتير، إنت شغال في أي روف عليه services بسبب ممرات للصيانة علشان العمال تعرف تتحرك بعدها مثلًا لو محتاج سلم ولا حاجة.

تم عمل مكتبة كاملة على جوجل درايف بحيث تكون مجمعة كل حاجة.
​مساحة الدرايف 100 جيجا وهو مجاني للجميع وتقدر تحمل منه في أي وقت.
​اللي تم رفعه حتى الآن:
​مجموعة كبيرة من رسومات الأوتوكاد.
​الأدوات المساعدة للأوتوكاد زي Fonts - lisp - Autocad classic.
​مجموعة كبيرة من شيتات الإكسيل لتصميم العناصر على الكود المصري والأمريكي والأوروبي.
​مجموعة كبيرة من كتب pdf لشرح الخرسانة وشرح التنفيذ.
​لينكات مباشرة لتحميل البرامج والكركات.
​اللي ارفع حتى الآن هو جزء قليل جداً من المكتبة اللي بإذن الله نرفع فيها كل اللي هتحتاجوه.
​لينك الدرايف:

https://drive.google.com/drive/folders/1_grnY5BfdyXzLG0YlJLDbgGIO2ONVK3h

تعريف المضخة (Pump Definition) وحساب الـ Head في برنامج WaterGEMS.
Pump Definition in WaterGEMS
من أهم خطوات تعريف المضخة داخل WaterGEMS هي إدخال قيم Head و Flow.
لكن السؤال: قبل ما أبدأ التصميم، إزاي أحدد قيمة الـ Head؟
لازم نفهم إن الـ Head ناتج من أكثر من مكون:
1- Static Head

هو الفرق بين أعلى وأقل منسوب في الشبكة، وفي بعض الحالات بيستخدم كفرق بين منسوب ضخ المياه ومنسوب أعلى نقطة في الشبكة.

2- Friction Losses (Hf)

Hf = (f x L x V^2) / (2 x g x d)

​f: معامل الاحتكاك (Friction Factor).
​L: طول الأنبوب.
​V: سرعة المياه.
​g: عجلة الجاذبية الأرضية.
​d: القطر الداخلي للأنبوب.

3- Minor Losses Head (Hm)

( Hm = (Km x V^2) / ( 2 x g

Km: معامل المفقودات الثانوية (Minor Loss Coefficient)، وهو قيمة خاصة بكل نوع من التركيبات.
V: سرعة المياه.
g: عجلة الجاذبية الأرضية.

4- Minimum Required Pressure

H total= H static+ Hf + Hm +
H min.required
وهو أقل ضغط مسموح عند الـ Tie-ins طبقًا للكود أو المواصفات اللي المشروع بيشتغل بيها.
بالتالي:
الميزة هنا إنك بدل ما تدخل قيم Head مختلفة كل مرة وتجرب، الحسابات دي بتديك قيمة واقعية من أول مرة.
بعدها بنحسب الـ Demand ونستخدمه كـ Flow، وبهذا الشكل بيتكون كيرف Head-Flow.
الكيرف ده بتبعت لمهندس الميكانيكا يعمل Selection للمضخة، وبعدها برجع أتحقق أنا كمهندس شبكات من أداء الـ Pump بكامل البيانات.

الكود المصري لتعليم BIM في اول كومنت
لو بتشتغل في أي مشروع كبير أو حكومي في مصر، لازم تعرف إن دي بقت الـ"دستور" الجديد للشغل بالـ BIM.
​المعايير المصرية القياسية لنظام نمذجة معلومات البناء (Egyptian BIM Guiding Standards) التحديث الأخير 2025
​الخلاصة في كلمتين:
​الموضوع كله إطار موحد: الوزارة (ممثلة في المركز القومي لبحوث الإسكان والبناء) عملت لنا دليل موحد عشان نشتغل كلنا صح بنفس الطريقة، ونقول وداعًا للشغل العشوائي.
​هدفها: نشتغل بكفاءة أعلى، نغلط أقل، نوفر فلوس، ونضمن إن المشروع يتعمل بجودة عالية ويسهل صيانته بعد التسليم.
​إيه أهم الحاجات اللي بتنظمها المعايير دي؟
​المعايير بتنظم كل حاجة في المشروع من أول التخطيط لحد التشغيل:
​مستويات النضج (Maturity Levels): بتقولنا إزاي مصر هتبدأ تتطور في استخدام الـ BIM، بداية من اللي بيشتغلوا بـ 2D لحد ما نوصل للمرحلة المتقدمة (Level 3) اللي كلها شغل ديجيتال متكامل.
أبعاد BIM (BIM Dimensions)
مش مجرد 3D (شكل المبنى)، المعايير بتغطي الأبعاد لحد 10D، زي:
4D (الزمن): ربط الموديل بالبرنامج الزمني عشان تشوف إمتى هيتنفذ إمتى.
5D (التكلفة): استخراج حصر كميات دقيق وتحديد التكلفة وإدارة الميزانية مباشرة من الموديل.
6D (الاستدامة): تحليل كفاءة الطاقة والأداء البيئي للمبنى قبل ما تبنيه.
7D (الصيانة): إضافة كل بيانات التشغيل والصيانة لتسهيل الإدارة بعد التسليم (FM) والأصول.
8D (السلامة): محاكاة وتخطيط إجراءات السلامة والأمان في موقع العمل لتجنب المخاطر.
9D (البناء الهزيل): التركيز على تقليل الهدر والعيوب وتوفير الوقت والجهد في كل مراحل التنفيذ.
10D (التصنيع المسبق): تخطيط لعمليات تصنيع أجزاء المبنى خارج الموقع (Off-site) لزيادة السرعة والجودة.
مستوى التفاصيل المطلوبة (LOD - Level of Development)
دي أهم نقطة فنية! بتحددلك بالظبط كمية المعلومات والتفاصيل اللي لازم تكون موجودة في الموديل بتاعك في كل مرحلة:
LOD 100 - LODIN: لو لسه بتعمل تصميم مبدئي (Conceptual)، هتحتاج LODIN-100.
LOD 500 - LODIN: لو بتسلم الموديل زي ما اتنفذ (As-Built) عشان التشغيل، هتحتاج أعلى مستوى وهو LODIN-500.
خطة تنفيذ الـ (BIM: BEP): ودي الوثيقة اللي بتلزم كل المقاولين والمكاتب إنهم يحددوا فيها مين هيعمل إيه وإزاي وإمتى، عشان كله يبقى متفق من قبل ما يوقع العقد.
الخلاصة؟
المعايير دي مش رفاهية، دي الورقة اللي هتضمن إن شغلك قانوني ومطابق للمواصفات في سوق العقارات المصري.
لو بتشتغل في الـ BIM، ده مرجعك الأساسي اللي لازم يكون على مكتبك.
المعايير دي بتنقلك من شغل "الرسومات" لشغل "المعلومات المنظمة". لو بتشتغل في الـ BIM، ده مرجعك الأساسي اللي لازم تكون فاهمه وحافظ كل مصطلح فيه.