سنيور التمريض

مهنة التمريض في مصر تجبلك ٣ قصور.
واحد في الجنه واتنين في الشريان التاجي

هى الدنيا كدا
يوم ليك ☝️
وسته للمستشفى 🏨

مش هتلاقى حد ماشى يوم الجمعه الصبح فى الشارع غير الغلابه التمريض اللى عندهم شفتات او راجعين من الشفتات 🥳
صباح الفل ❤️

بتحبها ياهمام ؟!
كنت بشيل حالاتها واكيرهم واديهم علاج 6 ياما

انا حاسس ان كل اللى بيحصلى ده علشان كنت بدى saline للمريض على انه مسكن.

مع كامل احترامي لكل لحظات الوصول
مفيش اجمل من لحظة وصول البنى ادم للسرير عشان يتخمد بعد الشفت 😴

‎انا حياتي بسيطة جدا ، بصحي الصبح أروح الشغل اضييع صحة وفلوس واشيل ذنوب وارجع

لما نزلت عنايه مركّزه
شوفت ناس موتها سهل وسريع.. وناس عانت أيام ف الالآم وهي واعية وبتموت نفسيًا وجسديًا بالبطئ
أنت عارف اي الاسوء من الموت ؟ انتظااااره
‏ ‏سامع بودنك دكاترة بتتكلم إن مفيش امل ف تحسن الحاله وان الحاله بقت (flat) او (hopeless) وان الجسم مجرد متوصل بشويه انابيب وخراطيم ومعندهاش القدره إنها تحرك لسانها عشان تتمني اي حاجه او حتي بس تااخد نفَسها من غير أجهزة
اخر حاجه بتمناها من ربنا أما الأجل يجي الواحد يخرج من الدنيا خفيف خفيف ميتبهدلش ولا يتيب ولا يتسنتر ولا يتقسطر ولا حد يشتغل عليه CPR ... نخرج منها يارب من غير اي وجع ولا بهدله ولا عمليات ولا مستشفيات
اللهم نحتسب هذا العمل عندك فاكتبه لنا فى ميزان حسناتنا🙏🏻

أنا كنت فاكر لما أهتم بشغلي هيدوني فلوس زياده أتاريهم بيدوا شغل زيادة..

اولا: اختبار الحساسية لازم يتعمل ف المستشفى مش صيدلية
ثانيا: المفروض مكان الحقن يكون في تجهيزات طواريء ..
خلي بالك اختبار الحساسية ممكن يطلع سلبي والمريض يتحسس بردو وخلي بالك ممكن دوا المريض بياخده بقاله سنين وتحصل حساسية فجأه منه
مانستهونش ياجماعه ربنا يحفظنا 🤲

- فاضي شويه ...
* ايه هنشرب قهوه فى حته بعيده ؟ ☕☕
- لا هحطلك ايام زياده ف الروستر 🤗😅🙄

يااهلا وسهلاا 🙆

احبسوا الأطباء والتمريض و دفعوهم غرامة و أول ما المتحور الجديد يظهر ..
سي عاطيف سي عاطيف أنتم جيشنا الأبيض ياسي عاطيف 😏😏

ويرجعوا يقولوا الناس بتمشى ليه برا مصر

هتكمل فى تمريض سيب مصر
هتكمل فى مصر سيب تمريض

هتكمل فى الاتنين ، سيب نفسك خالص

لما تسمع عن أي جيش ، دائما تلاقي جواه فرقة القوات الخاصه ، وكذلك برضه فالتمريض دائما " تمريض الرعاية المركزة " هم فرقة القوات الخاصه في أي مستشفى ❤️

بعتذر لمخي ونفسيتي وصحتي عن اختياري للتمريض. 😅
بس الحمدلله على كل شيء ❤️