Egypt Gold School

مدرسة إيچيبت جولد للتكنولوجيا التطبيقية تهنئكم بمناسبة عيد الأضحى المبارك، كل عام وأنتم بخير.

اللي معاه مهارة بيكون سابق من الأول.. لأنه بيكون عنده إيد اتدرّبت، وعين اتعلمت تشوف التفاصيل، وتجربة بتخلي قراراته أسرع وأدق. وبيكون بدأ يشتغل فعليًا ويكوّن خبرة حقيقية.

اختيارك بعد الإعدادية هو أول خطوة حقيقية في طريق مستقبلك.
في مدرسة إيچيبت جولد للتكنولوجيا التطبيقية، بنركّز إن الطالب يتخرج وهو معاه مهارة حقيقية تخليه يقدر يبدأ شغله من بدري، ويكون جاهز لسوق العمل. وفي نفس الوقت، بنهتم إنه يتطوّر كشخص، يفهم نفسه أكتر، يكتسب مسؤولية، ويكون قادر يعتمد على نفسه في أي مكان.

النهارده، ناس كتير شايفة التعليم الفني بشكل مختلف. وإنه مش بديل.. وطريق أسرع لبداية مستقبل واضح. وبتقدر تبدأ من بدري وتبني مهارة حقيقية من أول خطوة. وفي مدرستنا، الطالب بيتخرج وهو جاهز، ومعاه خبرة عملية، وقادر يدخل سوق العمل بثقة.

الإبداع مش بس لحظة إلهام، ده عادة بتتبني خطوة خطوة. في مدرسة إيچيبت جولد للتكنولوجيا التطبيقية، بنشجع طلابنا يفكروا، يجرّبوا، ويطلعوا أفكار جديدة من واقعهم اليومي. لأن كل فكرة بسيطة.. ممكن تبقى بداية كبيرة.

بدأت مدارس التكنولوچيا التطبيقية في مصر عام 2018، كجزء من تطوير التعليم الفني، بهدف ربط الدراسة بسوق العمل من خلال شراكات مع القطاع الصناعي وتدريب عملي حقيقي للطلاب، بجانب التعليم الأكاديمي. علشان تقدر تأهّل جيل جديد جاهز يشتغل، ينافس، ويطوّر من الصناعة في مصر. ومع التوسع المستمر.. التعليم الفني مابقاش اختيار بديل، وبقى بداية حقيقية لمستقبل مختلف.

القطعة هنا مش مجرد تطبيق عملي، دي نموذج لشغل بيتعرض ويتباع. وده نتيجة تدريب على الدقة، الالتزام، ومستوى تنفيذ بيقرّب الطلاب من سوق العمل خطوة بخطوة.

بحضور أ/ رافت نصّار رئيس مجلس إدارة MNG وضيوفنا من إدارة العبور التعليمية ووزارة التربية والتعليم والتعليم الفني، احتفلنا مع طلابنا باليوم الرياضي، اللي بنعتبره فرصة للتعبير عن إبداعهم وقدراتهم كل سنة، وكمان بنكرّم مدرسينا المؤثرين، العاملين بالمدرسة، وطلابنا المتفوقين علشان نشجعهم على ممارسة هوايات رياضية وفنية مختلفة، لإن هدفنا نبني شخصية متكاملة قادرة على تحديد مسارها ومستقبلها.