Life coach : Sara Essa

05/09/2026

20/08/2026

هو فعلًا وقت الخناق… بنقول الحقيقة؟ 👀

ولا ممكن نقول كلام عمرنا ما كنا هنقوله وإحنا هاديين؟

والأغرب…
إننا بعد ما نهدى ممكن نبص لنفسنا ونقول:
“أنا قولت إيه ده؟!”

طب إيه اللي بيحصل لنا في اللحظة دي؟
وليه مش كل كلمة بتطلع وقت الغضب معناها إنها مشاعرنا الحقيقية؟

شوفي الريل للآخر وقوليلي:
حصلت معاك قبل كده؟ 👇 #جرح #غضب

08/07/2026

“لسه مستني المباراة تتعاد؟ 😅”

يبقى غالبًا إنت كمان لسه مستني شخص يرجع يقولك:
“أنا كنت غلط.”

والخبر اللي محدش بيحب يسمعه…
الاتنين غالبًا مش هيحصلوا.

إحنا بنقنع نفسنا إننا هنرتاح لما الحق يظهر…
ولما الاعتذار ييجي…
لكن الحقيقة إن في ناس عمرها ما بتعترف، وفي مواقف عمرها ما بتتصلح.

وأول خطوة للتعافي…
إنك تبطل تربط سلامك النفسي بقرار أو اعتذار من حد تاني.

مش كل مباراة هتتعاد…
ومش كل شخص هيرجع…
بس حياتك تستحق إنها تكمل♥️

#تعافي #ظلم #المنتخبالمصري

07/07/2026

“الحق هيبان لوحده.”

جملة بنقولها لما نحس إننا اتظلمنا… ونفضل مستنيين اليوم اللي كل الناس تشوف اللي إحنا شوفناه.

زي إحساس ناس كتير النهارده بعد اللي حصل في ماتش مصر والأرجنتين…
الإحساس إنك لعبت، وتعبت، وفي الآخر قرار واحد غيّر إحساسك بالنتيجة.

الغريب إن أصعب حاجة في الظلم مش إنه وجعك…

أصعب حاجة إنك تفضل عايش مستني اعتراف.
اعتراف إن اللي حصل كان غلط.
إن الناس تصدقك.
إن اللي ظلمك يعترف.
وكأن راحتك واقفة على حاجة مش في إيدك.

وفي العلاقات… ده بيحصل أكتر مما نتخيل.

بتفضل تستنى رسالة…
اعتذار…
أو حتى كلمة تقول: “أيوه… أنا ظلمتك.”

لكن يمكن أكتر حاجة بتربطنا بالوجع…
مش الظلم نفسه.

إننا ربطنا نهاية القصة باعتراف الطرف التاني.

يمكن الحقيقة اللي محدش بيحب يسمعها…
إن في ظلم عمره ما هيتصلح باعتذار.
وفي ناس عمرها ما هتشوف اللي عملته.

وده لا يغيّر حقيقة اللي حصل…
ولا يقلل من قيمتك…
ولا يخلي روايتك أقل صدقًا.

يمكن العدل اللي بندور عليه برّه…
مش دايمًا هو اللي بيحررنا من جوّه.

وساعات… أصعب مباراة في حياتك،
هي المباراة اللي تبطل فيها تنتظر صافرة تثبت إنك كنت على حق.

#مصر #الظلم

25/06/2026

❤️ الشخص الصح مش بس بيقول “بحبك”…
بيخليكي تشوفي مكانك في مستقبله.

✨ ابعتي البوست للشخص اللي جه في بالك
أو منشنه في الكومنتات ❤️👇

22/06/2026

عمرك سألت نفسك ليه في ناس أول ما تزعل…
بتتصرف بطريقة تخليك تحس إنك بتكلم طفل مش شخص بالغ؟

الغريب إن الموضوع أوقات مابيكونش له علاقة بالعمر خالص…

لأن في فرق كبير بين سنك كرقم…
وسنك العاطفي.

السؤال اللي ممكن يغير نظرتك لناس كتير حواليك:

لو شيلنا رقم البطاقة…
تفتكر سنك العاطفي هيبقى كام سنة؟ 👀

شوف الريل وقولي رأيك 👇
❤️ #علاقات

19/06/2026

“اتقلي شوية علشان يحبك أكتر…”
يمكن دي من أكتر النصايح اللي البنات بتسمعها.

بس هل فعلًا الجاذبية بتكون في التقل والصعوبة؟
ولا في حاجة أعمق بكتير هي اللي بتخلي الشخص يتمسك بيكي ويحترمك؟

شاركوني رأيكم 👇

هل تعتقدوا إن الولاد بتحب البنت الصعبة؟
ولا بتحب البنت اللي عارفة قيمتها؟

#علاقات

17/06/2026

صدق إنك تتحب. ❤️

صدق إنك تستاهل أحلى حاجة في الدنيا،
مش لما تنجح أكتر،
ولا لما تبقى مثالي،
ولا لما ترضي كل الناس.

قيمتك مش بتتحدد بدرجاتك في الدراسة،
ولا بمنصبك في الشغل،
ولا بعدد الناس اللي معجبة بيك.

قيمتك موجودة لأنك إنسان.

إنسان بيحاول…
بيغلط وبيتعلم…
بيتعب وبيكمل…
وبيقدم حب وطاقة طيبة للناس اللي حواليه.

متخليش تجربة صعبة،
أو رفض من شخص،
أو فشل في مرحلة من حياتك،
يقنعك إنك أقل مما تستحق.

أنت تستحق الحب…
تستحق التقدير…
تستحق الفرص الجميلة…
وتستحق حياة تشعر فيها بالأمان والسلام.

ابدأ من النهارده وغيّر الرسالة اللي بتقولها لنفسك.

بدل ما تقول:
“أنا مش كفاية”

قول:
“أنا أستحق… وأستحق بجد.” ✨
❤️ #حب