قُطوف لُغوية

لو راجل راح اتهم مراته بالزنا من غير دليل ،من غير شهود…

الإسلام بيقوله: الاتهام ده مش هزار… يا تجيب ٤ شهود عدول…. يا إمّا تتحاسب (حد القذف)…

طب افرض قفشها وشافها بعنيه… الإسلام ماظلموش، عمله نظام اللعان (يقفو يحلفو قصاد بعض قدام القاضي)…وبعدها تفريق نهائي بينهم (طلاق بلا رجعة) ويستحمل نتيجة كلامه…
لا حد قذف ( إنه اتهمها بالباطل) ولا حد زنا …
طب لو ثبت انها وقعت في الزنا..
هنا الحد قاسي جداً…
القسوة في الرجم مقصودة علشان الجريمة نفسها قاسية في أثرها. الزنا العادي ذنب، إنما زنا المتجوز / ة جريمة مركّبة: ش**ة + خيانة + هدم بيت + ضياع أنساب + ظلم طرف بريء ملوش ذنب. الإسلام بيبص للنتيجة مش للحظة، وبيحط خط أحمر عند الجريمة اللي لو انتشرت، المجتمع كله يبوظ.
وبرضه حد الرجم شبه مستحيل التطبيق علشان شروطه: أربعة شهود عدول شافوا الفعل نفسه بوضوح…
أو اعتراف صريح متكرر من الشخص نفسه، من غير ضغط، ومن غير إكراه…
وأي شبهة..؟ الحد يسقط فورًا.
وفي نفس الوقت، الإسلام فتح باب التوبة على مصراعيه. لو الشخص ستر نفسه وتاب بينه وبين ربنا، مفيش حد ولا عقوبة. الإسلام مش مستني يعذّب، الإسلام عايز يصلّح.

طيب اتخيل بعد مالنظام يحط العقوبة والصعوبة دي في الإثبات…
واحدة تتصور وهي بتمارس الزنا ضاربة بعرض الحائط كل رادع… تستاهل ساعتها العقوبة ولا لأ…؟؟
طب ساعتها حد هيستجري يصور نفسه أصلاً..؟؟

الإسلام مش بيطارد الناس في بيوتها، ومش بيحب يفضح، بالعكس، الأصل هو الستر.
اللي بيُقام عليه الحد في الغالب هو شخص أصرّ يفضح نفسه، أو جريمة اتعملت في العلن بطريقة مستفزة للمجتمع كله.

الحدود في الإسلام…
قاسية… لأن الجريمة اللي وراه قاسية،
ونادرة التطبيق… لأن الإسلام يحب الستر،
وموجودة…. علشان تحمي المجتمع مش علشان تعذب الناس.

الحدود ده مش معمولة علشان تتطبق كتير،
معمولة علشان ما تحصلش أصلاً.
ومش معمولة لمعاقبة الذنوب الشخصية، لكنها مخصوصة بجرائم بتضر المجتمع كله وبتعتدي على الدين أو الناس أو الأمان العام. أي ذنب شخصي ما اتشهرتش أضراره، الأصل فيه الستر، وممنوع التجسس أو تتبع عورات الناس.
والحدود ما تتحطش إلا للناس اللي كسرت كل الخطوط واستهانت بحقوق غيرها. القسوة في الحدود مقصودة علشان تردع الجريمة من قبل ما تحصل، وتحط خط أحمر واضح يحمي المجتمع.

اللي يوصل لمرحلة إنه يرتكب الجريمة رغم كل التحذير ده، يبقى شخص لا نفع معاه وعقوبته حماية للناس وعبرة لغيره، بل وخير ليه قبل حساب الآخرة.

مثلاً ؛ الناس دايمًا تمسك في: “إزاي تقطع إيد واحد سرق؟!”
بس السؤال الصح:
إزاي مجتمع يسمح إن واحد يسرق وهو مش محتاج؟

حد السرقة… مش على الجعان…. مش على المحتاج… مش على اللي سرق لقمة

حد السرقة بيتطبق على واحد شبعان وكسر أمان المجتمع باختياره وعن عمد
يكون المسروق له قيمة معتبرة مش أي حاجة تافهة (قيمة مالية معينة معتبرة شرعًا)، يكون المسروق محفوظ، السرقة تحصل في الخفاء، ما يكونش السارق مضطر…طيب مع صعوبة الشروط وندرة تحققها… ممكن تتطبق علي مين…؟؟؟
تتطبق علي وزير مختلس مثلاً…
طب ساعتها فيه مسئول هيستجري يسرق…؟؟
الإسلام بيقوله:
خد بالك…إيدك اللي امتدت على مال غيرك ظلم… تتقطع علشان ألف إيد غيرك ما تمتدش.

نيجي بقا للخنازير اللي في الصورة 👇🏻
كل القرف اللي بتشوفه ده مش هيقف غير بحاجة واحده بس مافيش غيرها…
حد الحرابة
الحرابة بالبلدي كده:
ناس بتطلع تقطع طريق الناس، تخوفهم، تسرقهم أو تقتلهم بالسلاح، تهددهم، تنشر الرعب في مكان عام، ومفيش أمان بسببهم.
والعقوبة بتختلف حسب اللي عمله الجاني:
خوّف الناس بس (من غير قتل ولا سرقة)…. النفي أو السجن…
سرق من غير قتل…. قطع اليد والرجل من خلاف…
قتل من غير سرقة….القتل…
قتل وسرق…القتل ثم الصلب…

طب هيتصلب ليه؟؟ هو هيحس؟؟؟
لا… علشان يبقي عبرة….

طيب بعد ده كله…
هل شوية الخنازير دول هيستجروا يعملوا اللي عملوه؟؟؟
و لو حد عمل كدا يستاهل العقوبة ولا ميستاهلش…؟؟

القسوة هنا وقاية مش انتقام.
الحدود مش مجرد “عقوبات”، الحدود جزء من نظام حماية مجتمع كامل.
الحدود معمولة علشان: تحمي الأعراض… تحمي الأموال… تحمي الأرواح… تحمي الأمن العام…

الحدود معمولة علشان الناس المحترمة تعيش في أمان.

بالظبط….
سور عالي وواضح حوالين المجتمع بيحميه
واللي يكسره- ده لو قلبه جابه إنه يكسره- ساعتها يستاهل اللي يجراله…
#منقول

‏كان مسيلمة الكذاب رجلا مشؤوما
إذا بصق فى بئر غار ماؤها
وإذا دعى لمريض مات
وإذا مسح رأسا أصيب بالقراع
وإذا مسح على عين مريضة عميت الصحيحة
وإذا سعى فى العمران حلّ الخراب
وعم فى عهده الفقر والقحط
ومع هذا كان يدعى أن الله أعطاه البركة
وأنه أتى بالرخاء
وأنه طوّر البلاد فى عشر سنوات أكثر مما حدث فى خمسين عاما قبله
والغريب أن المرتدين من أتباعه كانوا يصدقونه وقد أنهكهم الفقر والجوع!!!
اللهم أغثنا بأبى بكر ليُنْهِىَ ردته.

‏"إنَّ الأمَاني وإن جاءَت عَلى مَهلٍ
تكونُ أعظَم شأنًا حينَما تَصلُ".

تشكُو تفرّقنَا وأنتَ جنيتَهُ
ومنَ العجائبِ ظالِمُ يتظلَّمُ

_ صفي الدين الحلى

‏سُئلَ عبدُ اللهِ بن سلامٍ عن سببِ إسلامِهِ فقال :
‏تأمَّلتُ وجهَ النبيِّ ﷺ
‏فأيقنتُ أنَّهُ ليس بوجهٍ كذَّاب 🤍