HM academy for marketing

مفاجأه قبل العيد انتظروها خلال ساعات هنعلن عنها 🎉

🔥
لقاء متميز مع الأعلامية مريم إدريس برنامج ع قناة .. 🔥

الجميع مدعو على حفلة مجانااا من HM academy 🤍🥳
احجز مكانك ف الحفله بالاسم و اسم كليتك و الفرقه بتاعتك و حتى لو خريج متاح للجميع يحضر🧏‍♀️🔥

الحفله عباره عن
⚫فقرات اغاني🎼🎹
فقرات شعر🎤
⚫العاب مختلفه و مسليه 🤹‍♀️🤹🏻‍♂️
⚫محاضره مجانيه عن التأهيل لسوق العمل و اداره الأزمات و المرونه
⚫حضور رجال أعمال و شخصيات عامه
⚫ اناشيد دينيه

⚫و كمان حضور ايفينت إلى هتتعرف في عن مجالات من العلوم المختلفه و الكورسات المتنوعه🎤🔥

كل ده مجانا # مستنينكم كلكم مسرح بيبيتو شارع الألفي وسط البلد القاهره الميعاد الخميس القادم الساعه ٤م ☺️🤍♥️
نشوفكم على خير و بإذن الله ننبسط كلنا
للتواصل و حجز تيكيت الحفله المجاني
🖤 https://wa.me/201124171117

Be Ready 😉

الشخص الناجح...
كلنا لما بنسمع الجمله دي بنفرح و بنحس بطاقه (انت شخص ناجح) كفيله تغير مودك و تعوض عن أي تعب يعني لما ارسمي رسمه و تعجب الناس ،تطبخي اكله و تعجب اهلك ،تعملى مشروع وينجح ،تحط هدف قريب أو بعيد و تحققه دي كلها حاجات بتزود ثقة الشخص بنفسه
عمرك شوفت حد ناجح فحاجه و وحيد؟؟
عمرك شوفت حد بيعرف يعمل حاجه بطريقه برفيكت و الناس بتنفر منه؟
مظنش ابدا .. وفي حاجه معرفش بتاخد بالك منها ولا لا أن الشخص الناجح بيكون بصة عينه مختلفه و جريئه و فيها حيويه فأغلب الوقت
..طبعا كل دي مقدمات لموضوعي الأساسي وهو (ازاى تبقى شخص ناجح)
طبعا اتهرست اووى جمله أن النجاح مش بمجموع الثانوي و مش بالكليات فمش هقولها لان ده شيء كلنا عارفينه اصلا
في كام خطوة نتبعهم عشان نكون ناجحين فحياتنا مش بس فمجالاتنا و شغلنا
اولا علاقتك بربنا و دي الأهم أيا كانت ديانتك بس صفي نيتك لربنا و صلي و اقرا فالدين كتير و خليك ملم بمعلومات كتير عنه عشان لما تتعامل مع حد من ديانه مختلفه عن ديانتك و سالك عن دينك تعرف ترد الرد الصح و عشان ربنا يبارك فحياتك و عشان تنضف قلبك من أى شر

ثانيا علاقتاتك الاجتماعيه (اسرتك * عيلتك * صحابك * زمايلك * شريك حياتك * باقي أفراد المجتمع)
اولا اسرتك الي هما عايشين معاك فالبيت بابا و ماما و اخواتك ..كلنا بيكون في بينا و بين حد منهم اختلاف وجهات نظر و كل طرف شايف أن رأيه هو الى صح فعشان تنجح علاقتك بأسرتك يبقا تحاول تسيب بصمه فحيات كل شخص فيهم يعني عود كلمتك مثلا كل يوم الصبح تبوش أيدها و رأسها و اعملها المشروب الي بتحبه و استمر على ده فترة طويله و تعالى اقعد يومين متعملش كده وشوف هل ليك اثر وهي لاحظت اختلاف ولا لا و اكيد هتلاحظ فترجع تعمل كده تاني و كده أثبتت لنفسك انك شخصيه مؤثرة و سيبت اثر في والدتك
والدك مثلا تعالى كل يوم اساله عملت ايه فشغلك النهارده و لو معاه مشكله فكر معاه لحل فيها حسسو انك شخص ممكن يعتمد عليه لو لقدر الله وقع هيلاقي الى قلبه عليه و يقومه تانى متحسسوش انك مش موجود او أن ده عشان حاجه هو الى بيعملها فانت مش مهتم لا لازم تكون مهتم
اخواتك بقا بالنسبه للاخ الكبير اديلو وضعه ساعات عشان ميحسش أن مفيش فرق بينكم و يبدأ يقارن نفسه بيك الى هو ليه انا الى اعمل ده مش انت انما لو حسسته أن هو الكبير و احترمته و لو طلب حاجه منك تحاول تعملها هتلاقيه بيقرب منك و بيساعدك و بيتعامل معاك كويس و عمره ما هيقارن نفسه بيك بالعكس هيكون شايف نفسه انك مسؤل منه انو لازم يهتم بيك
الاخ الصغير لازم تلعب معاه دور الصديق الي هو مفيش فرق سن بينا احنا اصحاب عشان لو غلط فحاجه يجي يحكيلك و فنفس الوقت تكون مرشد ليه و تساعده و تحسين انو لو احتاج اى حاجه هيلاقيك انت عشان ميلجأش لأصحابه و للغريب

كده خلصنا الاسره ثانيا بقى بالنسبه العيله بقا و هي كل قرايبنا دورنا معاهم هو انك لما تروح عند حد فيهم متجيبش سيرة حد تاني ولو شوفت فبيت حد اى حاجه مهما كانت ايه متحكيهاش خليك خفيف عللقلب متكونش كثير الشكوى ليهم و لو بيعملوا حاجه حاول تساعد على قد ما تقدر و متشاركش حياتك الخاصه مع حد الا اسرتك بس..

الاصدقاء ، دورك نحية صديقك هو انك تسمعه كتير وقت ميحتاجك أو لما يحتاج يتكلم عموما و تاخد صديقك بعيوبه و مميزاته متحكيش عن عيوبه لحد ...لما تكونو مع بعض متقعدش تحكي عن نفسك طول الوقت لأن الموضوع ده مع الوقت بيضايق و بيخلي قعدتك تقيله وسط اصحابك و طبعا مش محتاجه اقول ان الصحاب مواقف يعني لازم تقف معاه فاي موقف و تدعمه و تمدحه دائما

الزمايل و هما زمايلك الشغل الدراسه او الجيران ..المفروض اننا نحسن معاملتهم ،منظنش فيهم من سوء ، منقابلهمش بوش غضب نحاول مبتسم قدام اى حد عشان يمكن ابتسامتك تخليه يبتسم فوقت هو مخنوق فيه مثلا وكمان واجب علينا اننا لو لقينا من عنده اي تاثير ننصحه عشان ميتضرش فشغله أو فدراسته أو .... و اهم حاجه تبعد عن سوء الظن

بالنسبه لشريك الحياه انا مش هقول اكتر من رساله كنت كاتباها و كنت مقرره اني يوم ما احب ابعتها للشخص الي حبيتو(الي زوجي المستقبلي..
تحية طيبه معطره بريح ذكر النبي و بعد♥️
اولا انا هستحمل كل ظروفك أيا ما كانت ماديه أو صحيه أو نفسيه او ...ومش هشتكى كمان ، بس هل انت هتعرف تستحملني هتعرف تحافظ عليا و تطمنى و تهديني لما اتعصب هتبقى حنين عليا و تحبني مش بس ك حبيبه و زوجه لا كانى بنتك و اختك و صحبتك و امك ..لو هتعرف تعمل كده ف تمام هتلاقيني اصلح مما تتخيل ♥️
ثانيا هقبل بشبكتك ولو دبله و خاتم بس لو ظروفك متسمحش غير بيهم و لو عايزهم بعدين كمان هديهملك بس لما تكون شاريني و تخليني غاليه فنظر نفسي زي مانا متخلينيش اخاف اكلمك فبابا أو ماما يسمعو ساعدنا أن حبنا يكون حاجه تشرف مش نخبيه احنا مبنسرقش ...هقبل استناك ولو عشر سنين لو ظروفك مش سامحه تتجوز ع طول ومش هشتكى بس اكون مستنياك وانت خطيبي مش واحنا فعلاقه ملهاش اسم ..
هستحملك وقت غضبك و هفكرك بكل الى وراك و هبقى جزء مريح فحياتك بس اوعدني تجبر بخاطرى ميعديش علينا مناسبه واحنا سوا و متجيبليش هديه و المقصود بالهديه ورقه فيها كلام حلو من قلبك و جنبها ورده بسيطه مش شرط هديه غاليه أنا الى يفرق معايا اني احس انك عايز تفرحني مش انك تجيب حاجه غاليه أو لا
...حاجه تانيه هفرح بنجاحك و هشجعك و هكون كل جيشك بس تكونلى ضهر و سند و امان مخافش منك فيوم ..تشجنى احقق احلامي و متحبطنيش متحسسنيش انى فاشله ومتجيش عليا فيوم ولا تخلى حد يجي عليا
عاملني ع انى اميرتك هعاملك انك تاج على راسي
نتعاهد اننا نقرب من ربنا سوا و كل شويه نقرب اكتر
نتعاهد اننا مننامش زعلانين من بعض
نتعاهد تكون علاقتنا فيها موده و رحمه
نتعاهد منكدبش ع بعض ابدا
نتعاهد نكون قوة لبعض مش ضعف ...
هتعرف تكونلى ده؟ ♥️) اظن الحاجات دي لو اتعملت بين اي اتنين هتكون علاقتهم ناجحه بس المهم ميبصوش انا عملت وهو معملتش لا يتنافسو مين يعرف يفرح التاني اكتر ..

*بالنسبه لباقي الناس الي فالمجتمع بقا نتعامل بمبدأ انت حر ما لم تضر يعني لا تضر حد بكلمه ولا بصه ولا تدخل فحياتك

# ده بالنسبه للنجاح في العلاقات الاجتماعيه الباقي هكتبه فبوستات تانيه⁦❤️⁩