27/09/2026
مش كل ابتلاء بييجي عشان يعلّمنا درس واضح من أول يوم…
في حاجات بنعيشها وإحنا مش فاهمين ليه حصلت.
لكن مع الوقت، لما نبدأ نفهم نفسنا أكتر، ممكن نكتشف إن التجربة غيّرت فينا حاجات كتير.
يمكن خلتك تعرف نفسك أكتر…
تعرف إيه اللي بيأذيك وإيه اللي محتاجه فعلًا.
يمكن علمتك إنك مش لازم تستحمل كل حاجة لمجرد إنك متعود عليها.
يمكن خلتك تحط حدود، تقول «لأ»، أو تختار نفسك بعد سنين كنت دايمًا بتحط فيها نفسك آخر واحد.
وأحيانًا الابتلاء بيكشف لنا حاجات مش شايفينها وإحنا عايشين وسطها…
عن أشخاص، عن اختيارات، عن طريقة تفكير، أو حتى عن قوتنا اللي مكناش عارفين إنها موجودة.
بس مهم نفتكر إن التعلُّم من الابتلاء مش معناه إننا ننكر وجعنا أو نقول إن اللي حصل كان سهل.
ومش معناه إن كل حاجة مؤلمة لازم يكون لها تفسير نقدر نفهمه دلوقتي.
ممكن تكون لسه موجوع… وفي نفس الوقت بتتعلم.
ممكن تكون لسه بتتعافى… وفي نفس الوقت بتتغير.
وفي النهاية، مش دايمًا نقدر نختار إيه اللي يحصل لنا،
لكن نقدر مع الوقت نختار إيه اللي هنعمله او ازاي نتعامل معاه.
يمكن أهم سؤال تسأله لنفسك بعد أي تجربة صعبة مش:
«ليه ده حصل لي؟»
لكن كمان:
«التجربة دي عرّفتني ايه عن نفسي » 🤍
لو حابب/ة تشاركنا…
إيه أكتر تجربة صعبة في حياتك وعلمتك ايه؟
