A group of professionals certified therapist offering workshops , group therapy, 1:1 sessions&courses
17/05/2026
مشاعرك مش ضدك… حتى لو أوقات بتوجعك 🤎
إحنا اتعودنا نكبت، نهرب، أو نحكم على نفسنا بالقسوة أول ما نحس بأي شعور تقيل مع إن كل إحساس جوانا جاي يقولنا حاجة محتاجة تتشاف وتتسمع
يمكن الحزن محتاج منك احتواء يمكن الخوف بيحاول يحميكي ويمكن التوهان معناه إنك محتاجة تقربي من نفسك أكتر
الفكرة مش إننا نمنع المشاعر…الفكرة إننا نتعلم نفهمها برحمة 🌿
قوليلي…إيه أكتر شعور حاسة إنه محتاج يتسمع منك الفترة دي؟ 💌
16/05/2026
“ مش كل مرة تسكتي فيها تبقي طيبة ...أوقات كتير بتكوني بتأذي نفسك من غير ما تحسي”
الحدود مش قسوة، الحدود حماية
لما تتعلمي تقولي “لا” للحاجة اللي بتستنزفك،
أنتِ مش بتخسري الناس…أنتِ بتكسبي نفسك
في ناس هتزعل أول ما تبدأي تحطي حدود مش لأنك غلط…
لكن لأنهم اتعودوا ياخدوا منك من غير حساب
طيب امتي احط حدود .. لما :
• تحسي إنك مجبرة توافقي عشان محدش يزعل
• تلاقي نفسك دايمًا بتدي ومحدش بيسأل عنك
• تحسي بالذنب لمجرد إنك اختارتي راحتك
• حد يتخطى احترامه معاكي وتسكتي
وافتكري 🧐
مش لازم تبرري كل “لا”
ومش لازم تشرحي ليه محتاجة مساحة
الناس اللي بتحبك بجد… هتحترم حدودك مش هتحاربها. 🤍
💫أصعب خطوة في الحدود هي البداية
“الطفل اللي جواك ما اختفاش…
هو بس كبر وبدأ يطلب احتياجاته بطرق مختلفة.” 💔
الاحتواء اللي ماخدتوش
الأمان اللي كان ناقص
الاهتمام، التقدير
كل احتياج ما اتشبعش وإحنا صغيرين بيظهر مع الوقت في حياتنا وإحنا كبار
ممكن يظهر في:
• تعلق زايد بالناس
• خوف مستمر من الرفض
• احتياج دائم للاهتمام
• صعوبة في وضع الحدود
• أو محاولة إرضاء الكل على حساب نفسنا
أوقات كتير بنفتكر إن المشكلة في شخصيتنا
لكن الحقيقة إن فيه جزء جوانا لسه بيدور على اللي كان محتاجه من زمان ❤️🩹
الوعي بجروح الطفل الداخلي مش ضعف
دي أول خطوة لفهم نفسك والتعامل معاها بحنان بدل اللوم ✨
13/05/2026
لو عندك استعداد تختاري راحتك النفسية بدل الاستنزاف المستمر…
فالكورس ده هيكون البداية اللي محتاجاها 🤍✨
12/05/2026
تفتكروا ليه بنتعلّق بشخص معين
حتى لو كان بيتعبنا؟ 💭”
أوقات المشكلة مش في الحب نفسه لكن في الطريقة اللي اتعلمنا بيها نحب
فيه اللي بيتعلق بسرعة وبيخاف من البُعد
✨ وفيه اللي يهرب أول ما يقرب من حد
✨ وفيه اللي طول الوقت محتاج تطمين
✨ وفيه اللي بيعرف يحب بأمان وراحة
وده بنسمية “أنماط التعلّق”
وبيتكون من تجاربنا القديمة…
خصوصًا أول علاقات الأمان في حياتنا
عشان كده أوقات بنتمسك بعلاقات بتوجعنا ونقنع نفسنا إننا “مش قادرين نبعد”
لكن الحقيقة إن التعلّق الشديد مش دايمًا دليل حب قوي…
أوقات بيكون خوف من الفقد.
✨ ولما نفهم نفسنا أكتر
هنعرف نفرّق بين:
✅ الحب الصحي
❌ والتعلّق اللي بيتعب القلب
البوست الجاي هنتكلم أكتر عن أنماط التعلق وازاي نقدر إننا نتحنب التعلق دا من البداية
💭 شاركونا
شايفين التعلّق بييجي من ؟
في مرحلة المراهقة… المشاعر بتبقى أعلى من أي وقت والأفكار بتجري بسرعة وردود الفعل ساعات تبقى مندفعة أو حادة
وده مش معناه إنه “صعب” أو “مستهتر” قد ما هو لسه بيتعلم يفهم نفسه ويتعامل مع اللي جواه 🤍
هو بيكون حاسس بمشاعر كبيرة لأول مرة بس لسه معندوش الأدوات الكاملة إنه يسيطر عليها أو يعبّر عنها بهدوء
فبدل ما نحكم عليه… يمكن يكون محتاج حد يسمعه، يحتويه ويفهم إن اللي بيمر بيه حقيقي ✨
هو كل اللي محتاجه مننا مساحة آمنة يتعلم فيها من غير خوف أو قسوة
#المراهقة
#بسمةـطه
#العلاقات
الدعم_النفسي
10/05/2026
مش كل المشاعر اللي بنسكتها بتختفي…بعضها بيتراكم جوانا بهدوء لحد ما يخرج في شكل عصبية، تعب، بُعد عن الناس، أو حتى فقدان شغف 💔
تجاهل مشاعرك مش قوة
القوة الحقيقية إنك تسمع نفسك قبل ما توصل لمرحلة الانفجار.
دي خطوات بسيطة تساعدك تحتوي مشاعرك بدل ما تكتميها 🤍
قوليلنا…إيه أكتر شعور بتحاولي تهربي منه مؤخرًا؟ 👀
💥جزء من الويبينار أمس
مكنش مجرد ويبينار كان مساحة للفهم ،الوعي،والراحة 💙✨
لكل اللي حضروا معانا .... شاركونا احساسكم واكتر جزء اثر فيكم ؟
📌ويبينار مجاني النهاردة الساعة 7 م أن شاء الله
هنتكلم عن:
• ليه بنكرر نفس المشاعر والتجارب؟
• إزاي نبدأ نفهم جذور اللي جوانا بوعي
• وضع حدود واضحة وآمنة
• التعامل مع العلاقات المؤذية والتحرر منها
• أول خطوات حقيقية للتعافي النفسي
دي مساحة آمنة تساعدك تشوفي نفسك بوضوح وتبدأي خطوة حقيقية تجاه نفسك
والأجمل؟ إن ده جزء من رحلة أكبر جوه الكورس الكامل "Me,myself&you "✨
الويبينار بيقدمة مجموعة من المتخصصين النفسيين :
▪️رولا خرسا
▪️ساندي مجدي
▪️امل الباجوري
▪️مها شرف الدين
▪️مي فؤاد
▪️بسمه طه
▪️فرح غتوري
▪️دارين الرفاعي
الهروب بيبان مريح في الأول
بس مع الوقت بيخلي كل حاجه اتقل وأصعب
كتير مننا لما يتوجع أو يضغطه التفكير يحاول يهرب بأي طريقة
شغل زيادة، نوم، سوشيال ميديا، أكل، انشغال طول الوقت، أو حتى تجاهل كامل للمشاعر.
لكن المشاعر اللي بنتجاهلها…
مش بتختفي.
هي بس بتتراكم جوانا لحد ما تظهر بشكل تاني:
توتر، عصبية، خوف، فقدان شغف، أو إحساس مستمر بالثقل.
الهروب عمره ما كان شفاء.
لأن اللي بنهرب منه بيفضل مستنينا.
أوقات كتير الحل الحقيقي مش إننا “نهرب من الضغط”
لكن إننا نفهم:
إيه اللي جوانا محتاج يتسمع؟
إيه الوجع اللي بنحاول نسكته بدل ما نعالجه؟
أصعب خطوة في التعافي
هي إنك تبطل تجري…
وتبدأ تواجه نفسك بحنان مش بقسوة ✨
مشاعر الضغط مش بتظهر فجأة… هي بتتراكم جواك من مواقف، أفكار، ومسؤوليات كتير 💭
المهم مش إننا نمنع الضغط، لكن إزاي نتعامل معاه بطريقة أهدى وأوعى 💛
✨ أول خطوة: اعترفي إنك مضغوطة من غير ما تقللي من إحساسك
✨ تاني خطوة: خدي نفس ووقفي لحظة بدل ما تكملي اندفاع
✨ تالت خطوة: اسألي نفسك “أنا محتاجة إيه دلوقتي؟ راحة؟ كلام؟ ترتيب أفكاري؟”
✨ رابع خطوة: اختاري رد فعل صغير يساعدك تهدي مش يزيد الضغط
ومن أهم الحاجات اللي بترجعلك توازنك… إنك تفضفضي مع حد بتحبيه وترتاحيله 🤍
التعامل مع الضغط مهارة… ومع الوقت بتتعلّمي تسمعي نفسك بدل ما تتجاهليها ✨
شاركينا فالكومنتات أكتر حاجة بتعمليها غلط وقت الضغط إيه؟ 👇