Omnia mohamed

رسايل لذيذه من الكتاكيت الصغيرين تطبطب على قلبي وتملاني بالحب🧡🫂

تكريمي من إدارة مصر القديمة التعليمية
أنا ومجموعة كبيرة من مدرسي ومدرسات مدرسة تواصل للتعليم المجتمعي✨✨

ربنا عز وجل ليه ترتيبات عظيمه في كل حاجه جايز نفهم ده في بعض المواقف ونفهم حكمته عز وجل من الموقف وأوقات كتيره مانقدرش نفهم ده ، المهم في كل الأحوال نبقى واثقين إن ترتيبات ربنا خير لينا ايا كانت اي🧡

يامعشر البنوتات الحلوين 💃💃
إحنا محتاجين نبقى حاسين بانوثتنا بشكل حقيقي يبقى نابع من جوانا إحنا ، مش علشان نثبت حاجه لحد ولا علشان حد يشكر فينا ، لا علشان دي الفطره الجميله الي ربنا خلقنا بيها ، فبالتالي مش مضطرين نبقى بنقلد الرجاله في تصرفاتهم علشان نبقى اجمد ولا مضطرين نبقى بنبالغ في ظهور صفات معينه علشان نحس بالانوثه ، كل الي محتاجينه إننا نبقى إحنا ونتمرن إننا نتواصل مع الفطره الجميله الي فينا دي الي بيسموها انوثه🧡

وجود الإنسان وسط ناس صعبه ده شئ قاسي جدا جدا ، وأقصد بناس صعبه هنا ناس بِتصَعَب اي حاجه عاديه بِتصَعَب علينا حقوقنا ، مصالحتهم ، وجودهم ودعمهم كمان وحاجات تانيه كتيره😞

بمناسبه طلوع نتيجه الثانويه العامه إنهارده 🤍
مبرووووووووك لكل حد حاول🤍
وكل حد حاسس إنه محققش الي عاوزه في الخطوه دي فحابه اقوله إن..........
الثانويه العامه مش سنة مصيريه✖️
الثانويه العامه مش هي الرحله كلها✖️
الثانويه العامه سنه مهمه مختلفناش بس مش هي معيار نجاحنا ، بعد الثانويه في جامعه بعد الجامعه في شغل في دراسات عليا ، في تجارب تطوع فهيئات مختلفه ، في دورات تدريبيه ممكن ناخدها ، في حاجااااات كتير اوي هنعملها لسه في السنين الجايه باذن الله، الثانويه العامه مش نهايه المطاف ، هي جزء من رحله كبيره هننجح فيها وفبعض الخطوات برضه مش هنحقق النجاح الي عايزينه، علشان في نهايه الرحله نبقي حققنا التوازن الي محتاجينه قي حياتنا🧡

الخلاصه / مبروووووك لكل حد حاول ونحط ١٠٠ خط تحت كلمه حاول ، وبإذن الله موفق في الخطوات الجايه 🧡

الحِقد والغيره من اسوأ الصفات الي ممكن تبقى موجوده في حد ، حد كاره يشوفك بخير كاره يشوفك بتطور كاره يشوف الضريبه الي إنت بتدفعها قصاد اي حاجه بتوصلها هو عايز بس يشوف الي بتوصله ويغذي جواه شعور الحقد والغيره الي عنده ، في ناس بتكتفي بس بإنها تحقد من بعيد لبعيد وفي ناس بتقرر تقرب اكتر وتحاول من وجهه نظرها تعدل الي بيحصلك وده طبعا من خلال إنه يسببلك اذى ، يعملك حوار في شغلك لو هو يقدر أو يطلع عنك كلمتين ملهومش لازمه أو حتى يحسسك وهو بيتعامل معاك إنك ولا حاجه ، الحقد والغيره من الصفات الي محتاجه وقفه لو هي عند حد من دايره قريبه منك ، ومحتاج تفكير عميق هتتعامل معاها ازاي.........

من مده مش طويله تعبت شويه وكان الالم في جسمي كله وده الي خلى التشخيص صعب شويه ، ساعتها بدأت افهم لغه من لغات جسمنا وهي الالم جسمنا احيانا بيوصلنا بيه رساله معينه علشان نقلل ضغط معين إحنا بنعمله في نفسنا ، أو علشان نهتم بنفسنا بشكل معين ، رغم إني لسه مش قادره اتعامل مع الإنذارات الي جسمي بيدهالي كل مده بشكل كافي إلا إني بدات افكر اي الحاجات الي محتاجه تعديل في نظام يومي واي محتاجه اضيفه علشان ابقى بصحة أفضل بإذن الله 🤍

كنت من مده مستنيه حاجه معينه تحصل في حياتي ، مستنياها بحماس شديد جدا اصحى انام افكر فيها ، وبقى يومي كله ياترى الحاجه دي هتيجي ولا لأ ، بس مكنتش بتيجي😞 مفروض افضل مستنياها لحد دلوقتي ، بس قررت افكر بطريقه مختلفه شويه ...
هو انا فعلا كنت عايزه ده يحصل ؟ ولا مجرد إنبهار مش اكتر؟ طب اي ممكن يحصل لو فضلت مستنيه الحاجه دي ؟ هكسب اي ؟ وهخسر اي؟ لاقيت إني خسرانه اكتر ماكسبانه فقررت مستناش حاجه واركز على حاجات تانيه احسن ليا❤️

الإنبهار مش معناه إن الحاجه دي تنفعنا............
ممكن تنبهري بشخص أو بطبيعه وظيفه معينه او حتى بفستان أو تسريحه شعر جديده ، بس ده مش معناه إن دي الحاجه الي تنفعنا و تليق علينا وهتلبي الإحتياج....
علشان كده محتاجين مناخدش قرارات مهمه في حياتنا بدافع الإنبهار بس🤝

برنامج البنات من عمر ١١الى١٥ سنه هدفنا نساعد بناتنا في فهم نفسهم وتصحيح مفاهمهم الخاطئه ....
بنحتوي مشاعرهم ونقرب منهم علشان نقدر نعدل سلوكه🤍
الي هيقدم الكورس / امنيه محمد
مُرشد نفسي واخصائي تعديل سلوك ومدرب معتمد
تحت إشراف /
د. زهراء محمد إستشاري نفسي واخصائي تعديل سلوك ومدرب تربيه إيجابيه

#تدريبات