Wikiلوجيست

نقاشات لوجستية #8

نواصل النقاشات اللوجستية

ايه علاقة سلاسل الامداد واللوجستيات بتلبية الشركة لطلبات العملاء ؟؟

السلام عليكم .... ده سؤال بيشغل بال كتير من اللي حابين يتعلموا سلاسل الامداد واللوجستيات... أو حتي الناس اللي شغالين بالفعل.
 خلينا نحاول سوا كده نبسط الفكرة....
 هتقولي: اتفضل..

 زاد فضلك والله ...... شوف يا صديقي ... طبعاً اي شركة المفروض انها بيتم إنشاءها أصلاً عشان تستمر و تنجح وتحقق أرباح ...

 كلام سليم.

 طيب ينفع الشركة أو المنظمة تنجح من غير لما يكون عندها معرفة بالسوق اللي هتشتغل فيه، ايه اللي يهم العملاءcustomer’s interest ، ومين المنافسينCompetitors ؟؟....

 طبعاً اكيد ردك هيكون ... مينفعش.

 الله ينور عليك ..... يعني الشركة بتعمل Marketing research and analysis عشان تجمع معلومات عن ( العملاء- المنافسين – طبيعة السوق ) وتقوم تختار الطريقة اللي تخليها تقدر تلبي احتياجات العميل customer priorities وتنجح وتعرف تاخد حته من السوق ( Market share ). وتعرف تحدد ازاي هتنافس وتعمل الــ Competitive strategy

 وهنا يظهر أهمية و دور سلاسل الامداد واللوجستيات ... فالشركة لازم تحدد شوية حاجات زي :
 هنوفر و نجيب المواد والمستلزمات منين؟Supply Base or Sourcing
 طيب موقع الإنتاج والتشغيل هيكون فين ؟Facilities
 عدد الفروع والمخازن قد ايه ؟
 كميات المخزون هتكون قد ايه ؟Inventory
 هننقل المواد لينا ازاي ؟ وهنوزع المنتج ازاي ؟Transportation
 وهل هنحتاج نظام الكتروني يكون قوي يربط كل الفروع مثلاً، وهل هنبيع اونلاين ؟؟Information

 وطبعاً ده يعتبر جزء مهم من تصميم سلسلة الامداد ... اللي هي تعتبر عصب الشركة زي ... الكاتب العظيم سونيل في كتابه قال ( الاتساق بين أولويات العميل customer priorities والاستراتيجية التنافسية للشركة Competitive strategy ، وده بيتم من خلال توفير وبناء قدرات سلسلة التوريد supply chain capabilities التي تهدف لتحقيق الاستراتيجية )

 خليني أوضح الفكرة بمثالين :
 المثال الأول : مصنع شغال في ملابس مرتبطة بشكل كبير بالموضة، طبعاً بيكون ضروري جداً الوقت والسرعة قبل نهاية الموسم.
 وبالتالي لازم يركز علي :
 الإتمام في وقت قصير، من المفهوم إلى السوق . from concept to market.
 أعلى دقة في التنبؤ، لتقليل تكلفة وساطة السوق.
 كفاءة شاملة، وضمان وضع تكاليف معقولة للعملاء Comprehensive efficiency, ensuring reasonable costs for customers
 وده بينعكس علي إن واحد من أهم استراتجيات هذه الشركات تنوع مصادر التوريد بشكل كبير، وده ربما في كتير من الأحيان يوثر علي تكلفة النقل الاجمالية .... ولكن ده مطلب عشان يعرف ينجح في السوق اللي ملئ بالتقلبات والموسمية والتغيرات .
 المثال التاني :
 فلو افترضنا اننا هنأسس مستشفي .. تقدم الخدمات العلاجية ...

 طبعاً بخبرة المؤسسين وبتجميع المعلومات عن طبيعة العمل في مجال الرعاية الصحية ... هتلاقي شوية أولويات كده زي ...ضرورة ضمان سلامة المرضى ، وتلبية الطلب المتقلب ، وإدارة تعقيد سلسلة التوريد ، و طبعاً الالتزام للمتطلبات التنظيمية ، والاستجابة بفعالية بسرعة لحالات الطوارئ ..... وغيرها .....

 هل ينفع في ظروف زي ديه ... نقول لازم نقلل المخزون باقل كمية ممكنة ونعمل توريد متكرر أفضل من زيادة كمية المخزون ؟؟!!
 طبعاً ما ينفعش .... بالتالي ... هنا المستشفي بتختار ... استراتيجية عمل مناسبة Responsive Strategy
 من خلال تنفيذ استراتيجية سلسلة التوريد سريعة الاستجابة Responsive Strategy

 يعني ...بشكل عام يمكن للشركات التكيف بشكل أفضل مع تغيرات السوق ، وتقليل فترة التوريد، وتحسين رضا العملاء ، واكتساب ميزة تنافسية في بيئات يمكن وصفها بالاعنف العنف من ناحية الديناميكية والتقلب والتغير.

 يعني بتكون الأولية في تصميم وتخطيط العمل للسرعة في تلبية احتياج العميل و ده طبعاً علي حساب التكلفة.
 بمعني عادي ممكن نضحي ونتحمل مخزون اكتر (بما فيه من مخاطر وتكاليف)، بس المهم سرعة تلبية احتياج العميل .

 وطبعاً يا صديقي ده راجع لطبيعة المنتجات أو لطبيعة السوق وأوليات العميل. وزي ما شوفنا من أشهر الأمثلة الناس اللي شغالة في ملابس الموضة، وكذلك المستشفيات.
 وده كان تبسيط لأحد أهم بدائل تصميم وعمل سلاسل الامداد وهي اتباع سياسة سرعة الاستجابة لطلبات العملاء ...
 الموضوع كان يستحق الإطالة عشان نحاول نفهم.... ودمت بخير موفق ...

محاضر/ اسماعيل نصار
باحث دكتوراة – مدير اللوجستيات والتصدير – سابقاً.

يعتبر هذا المؤشر ( الأداء اللوجستي LPI ) أداة تستخدم في العديد من الأنشطة والقرارات... مثلاً مؤشر الأداء والقدرات اللوجستية قد يستخدم في إدارة مخاطر سلاسل التوريد ... حيث كشفت دراسة منشورة لـــ R. Sreedevi سنة 2023 أن القدرات اللوجستية لدولة ما ، التي يتم قياسها باستخدام مؤشر أداء السوق ، لها تأثير كبير على إدراك المديرين للمخاطر.
تدرك الشركات الواقعة في البلدان ذات مؤشر أداء عالٍ منخفض المخاطر في سلسلة التوريد الخاصة بها في كل من المنبع والمصب ، وبالتالي لا تستثمر كثيرًا في التكامل الخارجي ، مقارنةً بالشركات في البلدان ذات الدخل المنخفض من حيث الدخل ، وبالتالي فهي معرضة لمخاطر عالية.

مسؤوليات إدارة المشتريات أهم مسؤوليات إدارة المشتريات. كتبه د/ إسماعيل نصار- باحث دكتوراة جامعة القاهرة .

اللوجستيات وإدارة المخزون .... عشان مصنعك يصنع او شكرتك تبيع في معظم الأحوال لازم من وجود مخزون ... زي خامات القطن والخيوط وقطع الغيار لمصنع الملابس .
بس خليك فاك .... إن المخزون هي رأس مال مجمد

لذلك ... الحفاظ على المخزون عند أدنى مستوى وفي نفس الوقت كميات كافية لضمان انتظام عملك .... ده واحد من اهم أهداف سلاسل الامداد وإدارة المخزون .... وللوصول للهدف ده ، الشركات بتحاول تتحكم في المخزون .... وده من خلال تحديد عدة مستويات للمخزون زي مثلاً :
الحد او المستوي الأقصى للمخزون
الحد الادني وأحيانا بيكون هو نفسه حد الأمان أو مخزون الاحتياطي
حد أو مستوي إعادة الطلب ....
شوف الفيديو فيه تفاصيل كيفية حساب هذه المعدلات ....

لسلام عليكم ... سؤال من المصدر الجميل :
ليه مقاول النقل بيبعت الحاوية الصغيرة علي تريلة 12 متر، رغم إن الحاوية حولي 6 متر ، ألا تعتبر ذلك تكلفة زائدة؟
شوف يا صديقي: الحاوية 20 قدم خفيف (أقل من 8 طن) وديه ينفع تنقلها علي شاحنة ( عربية ) فرداني
أما الحاوية 20 قدم ثقيل (أعلى من 8 طن) ننقلها على تريلا
معلومات مفيدة من لوجست_Wiki