محمود السعيد Mahmoud Elsaid

تقبل الله منا ومنكم صالح الأعمال 🤲🏻🌱

تهنئة قلبية بحلول شهر رمضان المبارك 🌙
وفقنا الله فيه وإياكم لكل خير وجعلنا وإياكم من الفائزين 🤲🏻
رمضان شهر التغير والبدايات جديدة 🌱

حكايتي مع الزمن ⏰️
من حوالي ٤ سنين كان عندي مجموعة من المشاكل الكبيرة واللي كنت حاسسها موقفة حياتي ، وكنت بتلكم مع صديقي الكوتش وبعد ما خلصت كل كلامي ، قالي:
"مشكلتك انك مش عامل حساب لعامل الوقت والزمن اللي بيحلو مشاكل كتييير".
استغربت أوي من رده اللي شرحهولي وكلامه كان صادم وقتها ، بس خلاني اقدر أشوف نسبيا أن الزمن فعلا ممكن يحل وده إداني أمل ، وبالفعل بدأت ادخّل عامل الوقت في حساباتي من بعدها.

ولما بدأت أدرس وأتعلم في المجال النفسي ، فهمت ليه الوقت مهم جدا ويمكن هو الأهم على الإطلاق.
فهمت أن كل يوم بيعدي علينا بنختبر فيه تجارب جديدة ، وده بطبيعة الحال بيأثر فينا وفي طريقتنا في فهم الأمور والتعامل مع الأشياء وده ممكن يغير النتايج.
ولما بنقرر نمشي في طريق التغيير بردو بنحتاج ندي نفسنا وقت لأن الوضع اللي وصلناله هو نتيجة تراكمات على مدار شهور وسنين ، بس احنا دايما مستعجلين على الحل.

واللي بقوله لنفسي وليك متستجعلش، الوقت كده كده بيعدي ، محتاجين نطور نفسنا ونستعد للي جاي بدون استعجال ، بدل ما الوقت يعدي والدنيا تتغير بصورة أكبر من امكانياتك وقتها ممكن تحس بالندم على الوقت اللي فات ومش ممكن يرجع تاني.

ولو حابب حد يساعدك في رحلة التغيير ، ابعتلي نبدأ مع بعض بداية جديدة 🌱

بمناسبة موجة الشراء والعروض اللي شغالة دلوقتي 🛍

في فترات من حياتي كنت ألاقي نفسي فجأه عمال بعمل شوبنج في حاجات مفيدة أو غير مفيدة ، محتاجها أو مش محتاجها ، خصوصا من المواقع الأونلاين 🤑

بعدين ربطت أن الشوبنج ده كان بيحصل لما أكون مضغوط او متضايق من مشاكل الشغل تحديدا 😮‍💨

وفهمت ان اللي كان بيحصل كان عبارة عن حاجة بتداري على المشاعر الغير مريحة اللي حاسسها،
كأني بعوض نفسي بفرحة الحاجات اللي أشتريتها بدل ما أحس بالمشاعر الغير مريحة ..
بس الفرحة مكنش بتدوم كتير للأسف 😔 ، لأني كنت بأرجع أندم إني صرفت على الفاضي 🥵

لما فهمت الرابط ده عرفت إني كنت بزود الطين بله وبدل المشكلة بقو أتنين ، وبدأت وقتها أعالج المشكلة الأساسية

🔸️قدرت أتعامل مع مشاعري بطريقة أفضل ، وبدأت اتحكم بنفسي وردود أفعالي بصورة أفضل.
🔸️وده خلاني أقدر أفرق بين الرغبات اللي جاية تعوضني عن حاجة مضايقاني ، والرغبات الحقيقة في الشراء للحاجات اللي محتاجها فعلا وبدأت أحس بالأتزان.

ياترى أنت بتشتري احتياجاتك فعلا ، ولا بتعوض نفسك أنت كمان ؟!!!
لو عاوزني أساعدك تغير ده أبعتلي عشان نبدأ رحلة التغيير بتاعك ، واللي هتبدأ منها بداية جديدة 🌱

-بدايتي مهندس ميكانيكا، شغلي كان مليان أهداف بقدر أحققها والحمد لله، وكل حياتي كانت عبارة عن سباق ورا الإنجازات.

-اتربيت على فكرة إن لازم أكون "راجل قوي وأتحمل كل حاجة" لكن كنت بعيد عن مشاعري واحتياجاتي الحقيقية🥹

-حياتي كانت مليانة ضغوطات، وكل تركيزي كان على الشغل، كنت بحاول أساعد اللي حواليا بطرق وخطوات للحل، لكن مش متأكد بالضبط إذا ده مفيد ليهم، وكنت دايمًا مش بحب اتواجد في المواقف الحزينة بزيادة لاني مكنتش بلاقي حل لحزنهم.

** مفاهيمي بدأت تتغير لما اتعرفت على عالم الكوتشنج بتجربة مع صديقي الكوتش، واللي ساعدني أكتشف طرق جديدة للتعامل مع المشاكل بدل من إني أجري عالحل .

** لكن التحول الحقيقي حصل لما قابلت شخص فتح لي عيوني على قدراتي وشغفي في مساعدة الآخرين💪🏻

** بدأت أدرس علاج الصدمات والكوتشنج، واكتشفت إن فهم المشاعر والعقل اللاواعي هو المفتاح لفهم السلوك البشري، بقى عندي رؤية جديدة للمشاعر السلبية، وفهمت إن دي جزء من انسانيتنا.

** علاقتي مع أهلي اتغيرت، وبقيت أقدر أفهمهم وأدعمهم بشكل أفضل، كمان ضغوطات الشغل قلت بعد ما قدرت افهم ان قيمتي مش مرتبطة بإنجازاتي.

🔶 دلوقتي ..
أنا كمعالج صدمات ولايف كوتش، مهمتي هي مساعدة الآخرين على اكتشاف ذواتهم وحقيقة مشاكلهم للتغلب على التحديات اللي بتواجههم ومعطلاهم يكملوا طريقهم ، لاني بآمن إن كل شخص عنده القدرة على التغيير، وهدفي هو دعمهم في رحلتهم ل"بداية جديدة 🌱"

دي كانت رحلتي، ودي رؤيتي.