19/11/2022
تعرف تبني عمارة من غير عمدان ؟
أكيد لا , عشان تبني بيت محتاج تحط الأساس صح , بالخطوات المظبوطة , متعرفش ترمي السقف قبل ما ترص الطوب
ده بالظبط زي البرمجة من غير ال problem solving
ال problem solving ما هى الا الخطوات المظبوطة اللي محتاجها عشان تخلص اى process أو تحل أى مشكلة , لازم تكون مرتب ال process الأول عشان تعرف تستخدم ال programming tools صح
الProblem solving عبارة عن مهارة بتكتسبها بتعلمك ازاى تفكر وازاي تدور وتلاقي حلول لأي مشكلة
أول خطوة هي تحديد المشكلة يعني مثلا: موبايلك ضاع دي كده المشكله
تاني خطوه انك تدور ازاي تحل المشكلة دي ،ممكن تبدأ انك تشوف فين اخر مكان كان الموبايل موجود فيه ؟
تالت خطوة هو انك تطبق الأفكار دي بقي ، لما تروح المكان ممكن تتابع الكاميرا مثلا وتلاقي الموبايل
ازاي تبدأ بقي ؟
اول حاجه انك تبدأ تتعلم ال ++C، لية ال ++C تحديدا ؟
عشان هي تعتبر اقوي لغه برمجه وفيها تفاصيل كتير هتساعدك تتعلم اسرع وتحل عليها
واخيرا اهميه ال problem solving مش بس في البرمجة لأن الTechnology كل يوم بتتغير وتتحدث لكن الskill دي بتفضل معاك
ولازم تحاول دايما ومتستسلمش من اول خطوة لأن النجاح بيجي بالاستمرار .
"If you focus on what you left behind you will never see what lies ahead!"
"لو ركزت على اللي ضاع منك عمرك ما هتشوف اللي بيستناك"
Chef Auguste Gusteau - Ratatouille
19/11/2022