Dr. Aya Tarek

❓ أكتر 10 أسئلة بتتكرر من الأهالي عن تأخر الكلام وجلسات التخاطب:

1️⃣ ابني عنده سنتين ولسه مش بيقول غير كلمة أو كلمتين.. طبيعي ولا محتاج متابعة؟
💡 محتاج متابعة فورًا، لأن في السن ده لازم يكون عنده حصيلة كلمات وجُمل بسيطة.

2️⃣ ابني بيفهم كل اللي بنقوله بس مش بيتكلم.. ده طبيعي؟
💡 لأ، ده معناه إن عنده تأخر في التعبير وده محتاج تدخل تخاطب.

3️⃣ هل كل الأطفال بيتأخروا في الكلام وبعدين يتكلموا طبيعي؟
💡 مش بالضرورة، بعض الأطفال محتاجين تدريب متخصص علشان يتطوروا.

4️⃣ هل جلسات التخاطب مجرد ترديد كلمات؟
💡 لأ، الجلسات بتكون أنشطة وألعاب ممتعة هدفها تطوير مهارات التواصل والنطق.

5️⃣ ابني عنده ٤ سنين ولسه بينطق غلط.. ده عادي؟
💡 في بعض الحروف بتتظبط مع العمر، لكن لو في كلمات كتير مش مفهومة لازم جلسات.

6️⃣ هل تأخر الكلام ممكن يروح من غير جلسات؟
💡 في حالات بسيطة ممكن، لكن أغلب الحالات بتحتاج تدريب منتظم علشان يحصل فرق واضح.

7️⃣ هل الجلسات مؤلمة أو بتضايق الطفل؟
💡 أبدًا 🙂 بالعكس، بتكون بشكل مرح ولعب علشان الطفل يحب يشارك.

8️⃣ ممكن ابني يدخل المدرسة ولسه متأخر في الكلام؟
💡 الأفضل لا، لأن ده بيأثر على دراسته وثقته بنفسه، ولازم يتأهل قبل دخول المدرسة.

9️⃣ هل الجلسات بتطول سنين؟
💡 مدة المتابعة بتختلف من طفل للتاني حسب الحالة، لكن التدخل المبكر بيخلي التحسن أسرع بكتير.

🔟 هل أنا كأم أو أب ليّا دور في تحسين ابني غير الجلسات؟
💡 طبعًا! تطبيق الأنشطة في البيت جزء أساسي من نجاح الطفل، وأنا بوجّه الأهالي دايمًا بخطوات عملية يعملوها.

---

أنا د. آية طارق 👩‍⚕️
أخصائي اضطرابات لغة وتخاطب – جامعة بني سويف، كلية علوم ذوي الإعاقة والتأهيل.
📍 العبور

💌 للاستفسار أو الحجز: من خلال رسائل الصفحة أو واتساب.
01018780427

✨👩‍👧👩‍👦 عايزة ابنك/بنتك لما يرجع من الحضانة يحكيلك يومه؟

الحوار مع أولادنا مش بيبدأ فجأة عند 3 أو 4 سنين الحوار لازم نزرعه من بدري جدا 🌱

من عمر سنة ونص لسنتين إنتي كبداية بتحكي لطفلك عن يومك:
✔️ رحت الشغل
✔️ رجعت البيت
✔️ عملت أكل
✔️ دخلت المطبخ
✔️ غسلت هدوم
أي تفاصيل بسيطة من يومك 👩‍🍳👩‍💼

المهم إن الطفل يسمع منك ويحس إن في لغة حوار ما بينكم

لما يكبر ويوصل 3 سنين ويدخل الحضانة هيكون طبيعي جدا إنه يبدأ يحكيلك عن يومه لأنه متعود من الأول على فكرة تبادل الكلام والمشاركة 🥰

ابدأي بنفسك الأول… علشان ابنك يتعلم يحكيلك بعد كده♥

د. أية طارق
اخصائي اضطرابات اللغة و التخاطب
كلية علوم ذوي الإحتياجات الخاصة جامعه بني سويف

📱للتواصل واتساب : 010 18780427

👶✨ كتير من الأهالي لما يلاحظوا إن ابنهم متأخر في الكلام، يقولوا "هيكبر وهيتكلم لوحده". لكن الحقيقة إن مش كل تأخر بيتحل مع الوقت!
التدخل المبكر بيفرق جدًا، وكل ما نبدأ بدري كل ما نوفر على الطفل صعوبات ممكن يواجهها بعدين.

⚠️ التأخر في الكلام أو النطق لو اتساب من غير متابعة ممكن يسبب:
🔹 ضعف في المهارات الاجتماعية وصعوبة يعمل صداقات.
🔹 إحباط وقلة ثقة بالنفس لأنه مش قادر يعبّر عن نفسه.
🔹 مشاكل في الدراسة لما يدخل المدرسة.

💡 جلسات التخاطب بتساعد الطفل:
✅ يحسن النطق ومخارج الحروف.
✅ يكوّن جمل واضحة ومفهومة.
✅ يزيد تركيزه واستجابته للتعليمات.
✅ يتعلم يتواصل بثقة مع الأسرة واللي حواليه.

أنا د. آية طارق 👩‍⚕️
أخصائي اضطرابات لغة وتخاطب – جامعة بني سويف، كلية علوم ذوي الاحتياجات الخاصة.

📍 مدينة العبور
📞 للاستفسار أو الحجز: 01018780427

✨ كتير من الأهالي بيشوفوا إن تأخر الكلام "طبيعي" وهيعدي مع الوقت، لكن الحقيقة إن التدخل المبكر هو المفتاح الذهبي 🗝️
الطفل لما يتأخر في الكلام أو يواجه صعوبة في النطق والتعبير، ده بيأثر على تواصله، ثقته بنفسه، وكمان علاقته باللي حواليه.

من العلامات اللي لازم ناخد بالنا منها:
🔹 الطفل بيعتمد على الإشارة بدل الكلام.
🔹 كلامه مش مفهوم لغير أفراد الأسرة.
🔹 عنده صعوبة في نطق بعض الحروف أو تكوين جمل بسيطة.
🔹 بيتأخر في الاستجابة للكلام أو التعليمات.

أنا د. آية طارق 👩‍⚕️
أخصائي اضطرابات لغة وتخاطب – جامعة بني سويف، كلية علوم ذوي الإحتياجات الخاصة.

بشتغل مع الأطفال اللي عندهم:
🧩 تأخر في الكلام
🧩 صعوبات نطق ومخارج الحروف
🧩 اضطرابات لغة وصعوبة في التواصل

📍 مدينة العبور

💌 للاستفسار أو الحجز: تقدروا تبعتوا على رسائل الصفحة أو واتساب.
01018780427

ممكن تلاقي طفلك فاهم كل اللي بيحصل حواليه:

بينفذ أوامرك

بيتفاعل مع اللعب

وبيفهم قصص الكرتون

لكن وقت التعبير.. تلاقيه ساكت 🙊 أو بيستخدم كلمات قليلة جدًا.
ده بيكون أحيانًا اضطراب في اللغة التعبيرية.

💡 محتاج مساعدة عشان يترجم اللي في دماغه لكلام:

تدريب على تكوين جمل بسيطة

تشجيع على الحكي والتعبير

استخدام الصور والقصص لدعمه

❤️ فاهم.. بس محتاج يتعلم "إزاي يقول".

📌 د. آية طارق – أخصائي اضطرابات لغة وتخاطب
جامعة بني سويف – كلية علوم ذوي الإعاقة والتأهيل
📩 للاستشارة والمتابعة عبر رسائل الصفحة أو واتساب
01018780427

👦 "ماما.. أنا.. أنا.. أنا عايز ألعب"
التأتأة مش دايمًا علامة ضعف، أوقات كتير بتكون مرحلة طبيعية عند الأطفال وهم بيتعلموا ينظموا كلامهم. لكن في بعض الحالات:
🔹 التأتأة بتستمر فترة طويلة أكتر من ٦ شهور
🔹 أو بتزيد مع القلق أو الخوف
🔹 أو الطفل يبدأ يتجنب الكلام عشان خايف يتسخر منه

💡 دور الأهل:

متقاطعوش الطفل وهو بيتكلم

ادّوله وقت يكمّل جملته من غير استعجال

وفروله جو هادي للتواصل

❤️ التدخل المبكر بيخلي الطفل ياخد ثقة بنفسه ويتجاوز المشكلة.

📌 د. آية طارق – أخصائي اضطرابات لغة وتخاطب
جامعة بني سويف – كلية علوم ذوي الإعاقة والتأهيل
📩 للاستشارة والمتابعة عبر رسائل الصفحة أو واتساب
01018780427

👂 هل لاحظت إن طفلك مش بيرد بسرعة لما تنادي عليه؟
أو مش بينفذ أوامر بسيطة زي "هات الكورة" أو "اقعد هنا"؟

ده مش دايمًا "عند" أو "لا مبالاة". ممكن يكون عنده اضطراب في اللغة الاستقبالية، يعني مش قادر يفهم كويس الكلام اللي بيتوجه له.

💡 المطلوب من الأهل:

نستبعد مشكلة في السمع بفحص بسيط

ندي أوامر قصيرة وبكلمات سهلة

نكرر الكلام ونساعده بالصور والإشارات

❤️ الطفل اللي بيفهم كويس.. يقدر يتكلم أحسن.

📌 د. آية طارق – أخصائي اضطرابات لغة وتخاطب
جامعة بني سويف – كلية علوم ذوي الإعاقة والتأهيل
📩 للاستشارة والمتابعة عبر رسائل الصفحة أو واتساب
01018780427

ابني عنده سنة أدخله حضانة ولا لأ؟ 🤔

الإجابة مش واحدة لكل الناس هي على حسب ظروف كل أم.

لو إنتي أم موجودة في البيت حتى لو مشغولة بالطبخ والغسيل وتنضيف البيت... لكن بتتكلمي مع طفلك بتلعبي معاه بتقضي وقت معاه بتعملي أنشطة بسيطة بتغنيله وتحكي له... ساعتها الطفل مش محتاج يروح حضانة لأنه أصلا بياخد كل اللي محتاجه للنمو والتطور وهو معاكي 💛

لكن لو إنتي بتشتغلي وبتسيبيه لوحده في البيت مع حد مش بيتكلم معاه أو مش بيلعب معاه أو بيتساب قدام التليفزيون طول اليوم... لا الأفضل ساعتها يروح حضانة 🏫 علشان يكون حواليه أطفال يسمع كلام ويتكلم يلعب ويتعلم يتحرك ويكتشف.

الخلاصة؟
مش كل طفل محتاج حضانة من سنة لكن كل طفل محتاج حد "معاه" طول اليوم يتكلم معاه يلعب يحسسه بالأمان والحب. 🧸💬❤️

في أمهات كتير بيتكلموا عن تربية ولادهم عن احتياجاتهم عن تعبهم بس نادر جدا لما تلاقي أم تقدر تقول إن ابنها بيزعق لها أو بيرد عليها رد مش لطيف أو بيرمي كلام يجرحها أو حتى بيشخط فيها وهي ساكتة وبتكمل كأن حاجة ما حصلتش
في نوع من العنف الأُسري مش لازم ييجي من راجل أو من زوج في عنف بتتعرض له أمهات من ولادهم خصوصًا لما يكبروا ويحسوا إنهم بقى عندهم رأي وإنهم كبروا خلاص
مفيش حاجة توجع أكتر من كلمة قاسية جاية من ابن أو بنت
مفيش حاجة تكسر القلب أكتر من لما الأم تبقى بتخدم وبتحب وبتدي كل اللي عندها ويترد عليها بجفاف أو عصبية أو تجاهل
الأم مش سوبرمان
الأم إنسانة بتتألم وبتتوجع وبتنهار حتى لو مبتقولش
خلي بالك من كلامك مع أمك
لو الأم بتغلط ساعات أو صوتها بيعلى أو بتتعصب فده مش مبرر نرد بطريقة جارحة
مش عيب نقول آسف
مش ضعف إنك تطبطب عليها
اللي شايف أمه النهارده قوية بكرة هتكون ضعيفة
واللي شايفها بتجري على البيت والشغل والطبيخ بكرة هتبقى محتاجة حد يحن عليها
خلي بالك من أمك قبل ما يجيلك يوم تقول فيه يا ريتني ما رديت
يا ريتني حضنتها بدل ما سبتها تدمع وتسكت

♥♥

🧠❤️ أطفال متلازمة داون... مش محتاجين شفقة محتاجين فرصة!

كل طفل عنده متلازمة داون هو روح جميلة وجاية الدنيا برسالة حب وصدق ونقاء.

مش ضعيفين... ومش "أقل" من غيرهم
هم مختلفين آه بس جواهم طاقة حب غير عادية وذكاء من نوع خاص ومهارات لو اتحطوا في البيئة الصح ممكن يبدعوا بيها!

🎯 مهمتنا إحنا الكبار:

نفهم احتياجاتهم كويس.

نآمن إن كل طفل فيهم يقدر يتعلم يشتغل ويعيش حياة كريمة.

نعلم أولادنا إن "الاختلاف مش ضعف" وإن الاحترام حق للجميع.

🧩 الأطفال دول بيحتاجوا دعم في:

التخاطب وتنمية المهارات.

العلاج الطبيعي والحسي.

الدمج في المدرسة والمجتمع.

ومتنسيش كل مجهود صغير معاهم بيعمل فرق كبير ❤️

من فضلك لو شفت طفل عنده متلازمة داون متبصش له بنظرة شفقة😔
بص له بنظرة احترام وحب.