مطبخ ساره وبندق Sarah & Bondok Kitchen

حاجات هتسهل عليكي وقفة المطبخ

1. 🧄 ثوم مفروم جاهز من غير سلق أو سواد:

افرمي كمية ثوم، وضيفي عليه شوية زيت + رشة ملح، وحطيه في برطمان في التلاجة.
➕ بيعيش معاكي أسبوعين من غير ما يغمق أو ريحته تبقى مزعجة.

⸻

2. 🧀 علشان الجبنة المبشورة ما تلزقش:

رشي عليها شوية نشا أو دقيق ذرة وقلبيها.
➕ هتفضل مفصّلة وماتلزقش ببعض.

⸻

3. 🍞 عيش طري لأيام من غير ما يعفن:

لفّي العيش (البلدي أو الفينو) في مناديل مطبخ، وحطيه في كيس نايلون في الفريزر.
❄️ وقت الاستخدام، سخنيه على بخار ماء أو في الميكروويف بـ منديل مبلول عليه.

⸻

4. 🥔 البطاطس المحمرة ماتشربش زيت:

انقعيها في مياه سخنة فيها شوية خل وملح لمدة 10 دقايق قبل القلي.
➕ هتقرمش وماتشربش زيت.

⸻

5. 🧼 تنضيف الطاسة أو الحلة اللي لزقت فيها حاجات:

اغلي فيها شوية مياه مع خل وبيكنج بودر، وسيبيها تهدى شوية.
➕ هتنضف بسهولة من غير دعك عنيف.

⸻

6. 🥚 كسر البيض من غير قشر يقع:

اكسر البيضة على سطح مستوٍ مش على حافة الطبق، علشان القشر ما يدخلش.

⸻

7. 🧁 عجينة طرية وبتفرفر زي الجاهزة:

لما تعملي أي عجينة، خلي فيها شوية زيت أو سمنة في آخر العجن واعمليها “تغليف” خفيف.
➕ العجينة تترفع أسرع وتكون طرية بعد السوا.

نصائح لكل ست بيت👇👇👇👇👇🌹🌹🌹🌹🩵❤️🩵❤️❤️🩵❤️🩵❤️🩵❤️🩵❤️🩵❤️
👈 لو الحلة سخنت......
ما تحطيش السمنة أو الزيت على طول عشان ما يتحرقوش.. حطي البصل الأول ياخد الحرارة وبعدين ضيفي المادة الدهنية👌.

👈 لو هتزودي مية للأكل:
لازم المية تكون مغليه عشان تحافظي على لون الأكلة.. خصوصًا الفول المدمس، البامية، الفراخ، اللحمة المسلوقة👌👌👌

👈 الكاكاو في الكيك:
انخليه قبل ما تضيفيه عشان ما يعملش تكتلات.

👈 الكيك بالسمنة:
اضربي السمنة مع السكر الأول وبعدين ضيفي البيض واحدة واحدة.

👈 الكيك بالزيت:
اضربي السكر مع البيض الأول وبعدين ضيفي الزيت بالتدريج.

👈 لما تطبخي رز أو أكلات تقيلة:
استخدمي خليط سمنة وزيت مع بعض.،،،،،

👈 الخولنجان:
بيطرّي أنسجة اللحوم جدًا.. استخدميه في التتبيلة بيسرّع السوا وبيساعد اللحمة تشرب التتبيلة كويس.
(ملحوظة: الخولنجان نوع نبات شبه الجنزبيل).

👈ورق الزهر (زر ورد جاف):
اطحنيه واستخدميه في التتبيلات هيعطر الأكل جدًا.

👈خلطة المشويات:
كل المطاعم بتتبل المشويات بخليط أعشاب: خولنجان – ورق الزهر – زعتر – روزماري – أوريجانو وغيره.

👈محلول النقع:........
الفراخ انا بستخدم خل وطماطم وليمون .👍

👈 غسيل الفراخ والممبار:
استخدمي ملح وليمون وقشر ليمون......

👈الخل في الأكل:
تحطيه على الكبدة – البطاطس – الكيك – الشاورما.

👈 الخل في التنضيف:
بينضف ويطهّر.. ضيفي شوية على البريل، بيطهّر الصحون وبيلمع الإستانلس.
اعملي بخاخ فيه بريل + شوية خل + مية، هيوفّر البريل جدًا.

👈 لو هتغلي لبن:
ضيفي معلقتين مية في الحلة قبل اللبن عشان ما يلزقش أبدًا.👌👌

👈 اللحمة الضاني:
لو هتشويها تتبليها قبل الشوي على طول.

👈 ورق اللورا:
بيساعد على تفتيح لون الفراخ ويعطرها وقت السلق ومفيد جدًا للصحة.❤️🩵

👈 الثوم الناشف:
لو فصوصه صغيرة، انقعيه شوية في مية وبعدين قشريه هيبقى أسهل.👌

👈 وأنتي بتقطعي الخضرة:
رشة ملح على لوح التقطيع تمنع الورق من التطاير.

👈 أكلات ما نغطيهاش:
، الويكة، الرز بلبن، المهلبيّة، المربات، الملوخية، الحليب.. كلها ما ينفعش تتغطى وإنتي بتسويها

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

تعالي اقولك يا شطورة في بيتك علشان مطبخك يفضل دايمًا زي الفل، في شوية حاجات لو عملتيهم هتكوني دايمًا جاهزة ومستعدة لأي حاجة 💪

🌟 أول حاجة: 🧴 بخاخة فيها شوية كلور ألوان + شوية خل أبيض + مية
رُشي بيهم الرخام، البوتاجاز، الحوض... وحتى العيال ممكن يلمعوا من كتر الحلاوة 😄
بس خد بالك لما تخلصي الطبيخ، بسرعة شيلي الحلل ورُشي البوتاجاز بالمحلول ده وهو لسه دافي، وادعكيه وهتلاقيه بيلمع… بس اوعي تتلسعي يا قلب أُمك!

🌟 تاني حاجة: ✅ بعد الغدا، متسيبيش معلقة ف الحوض!
وانتي بتجهزي كوباية الشاي، تكوني شطبتي المواعين وريحتي دماغك 🌿
بس طبعا ده مستحيل، عشان دايمًا بيجوعوا تاني بعد نص ساعة 🤭

🌟 ثالث حاجة: 🧼 لمي فوط المطبخ، وهاتي شوية برسيل جيل سايب، حطيهم في إزازة، وضيفي عليهم قشر ليمون مبشور
ولو مش عندك ليمون، ضيفي نص كيس كلور ألوان
نقّعي فيهم الفوط لحد آخر اليوم، واغسليهم قبل ما تنامي وسيبيهم ينشفوا

🎯 ونصيحة كمان:
وانتي بترصي الكوبايات بعد الغسيل، رتبيهم حلو
لو فتحتِ ضلفة الحلل، رتبيها قبل ما تدخلي فيها النضيف
علبة السكر فاضيه؟ اغسليها ونشفيها قبل ما تعبيها
علبة التوابل؟ اغسليها ونشفيها واطحني التوابل قبل ما تحطيها

🙌 كل ما تفضي حاجة... نظفيها قبل ما تعبيها
ودي سر النظافة الدائمة 👌

📦 وكل أول الشهر، وإنتي بتفضي خزينك، خلي عندك عادة:
نظفي كل برطمان قبل ما تعبي فيه حاجة جديدة
وافتحي إذاعة القرآن في المطبخ… هتسمعي حاجات مفيدة في الفقه، الفتاوى، وتلاوات هادية تريح قلبك 🕊️

💡 وعايزة شغل البيت يخلص بسرعة؟
شغّلي سورة البقرة، وقولي “هخلص شغلي مع السورة”، وقولي معاها، هتلاقي نفسك حفظتيها من غير ما تحسي بإذن الله ❤️

ربنا يديكِ الصحة والقوة ويباركلك في وقتك وبيتك 🤲

#نصائح #معلومات #منزليه #مطبخيه
١-لو شرابات جوزك البيضاء لونها اتغير قبل ما تغسليها انقعيها فى ميه دافيه جواها شرايح من الليمون.
🌯🍒🍅🍒🍅🍒🍅🍒🍅
2. مسح الثلاجه بكلور بيخليها تقشر كفايه مياهه، وخل
🌯
3. لو بتفرمى اللحمه فى البيت بعد ما تخلصى افرمى فى المفرمه حته عيش ناشفه هتـنضف و مش هتسيب اثر لريحه اللحمه.
🌯🍂🌿🍂🌿🍂🌿🍂🌿
4. لو عندك دهون في البوتجاز صعبة هاتى ماية دافية و نقطتين سائل تنضيف الاطباق و 3 معالق كبيرة من الخل و ادعكى الدهون هتختفى.
🍒💜🍒💜🍒💜🍒💜🍒💜
5.و انتى بتقلى السمـك حطى رشه فانيلييا وقشر برتقال أغليهم علي النار هتخلي ريحه بيتك ومطبخك أجمل من المعطر اللي بنشترية ومش هيبقى فى ريحه زفاره .
🍆🩵🍆🩵🍆🩵🍆🩵🍆
6. لو التلاجه فيها بارومه او صدأ املى الفراغات بالكوريكتور او مونيكير نفس لون التلاجه.،

7. لو حطيتي كوبايتن جوا بعض و معرفتيش تخرجيهم حطي الكوباية الي تحت في مية سخنه و صبي في اللي فوق مايه ساقعة هينفصلوا.

8.لو جبتي جزمة جديدة و لاقيتيها ( بتزقزق) هاتي زيتتتت و مايه دفيه و هاتي قماشة و ادهني النعل و الجناب بيه .. والصوت هيختفى تماما

9.حطي في ملاحة الطعام .. كام حباية أرز عشان الملح ميتجمدش منك.

10لو بتستعملى شموع في بيتك وعايزاها تعيششش و تقعد فترة طويله و متخلصش بسرعة حطيها قبل الاستخدام بفترة في الفريزر.

ودى صورة من شغلى 💪🥰

شغل الشوكلت عندنا غير 🥰

دا شغلى من اول تصميم البوكس لحد صناعة الشوكلت وحشوتها بفضل الله
اللهم انبت ليلي نباتا حسنا وبارك فيها يارب العالمين

نصايح من دهب يا ست الكل
1_لما تقدمي التفاح لأولادك او لضيوف عندك قوريه بالمقوار وهتشيلي القلب بسهوله وهيكون شكلها جميل ويفتح النفس. 😋
👌وكمان الخيار حطيه في علبه بلاستك ورصيه جمب بعض وكل طبقه والتانيه بينهم مناديل هتحافط عليه بالشهر ف التلاجة وادعيلي

٢- تعرفى انك لما تيجى تعملى معجنات وتضيفى للدقيق بيكنج بودر مع الخميرة العجينة هتبقى اجمل وهتعلى اكتر (جربوا 😎🤨)

٣- وانتى بتعملى معجنات حطى معلقة خل على الدقيق هيخلى العجينة هشة معاكى (ومش بعيد مايصدقوش اصلا انك انتى اللى عملاها وتاني يوم بتبقي طريه أوي ومش بتبرول 😊🤣)

٤- لو عايزة تعملىييي كيكة برتقال ومفيش برتقال حطى معلقة عصير تانج برتقال مع كوب لبن وهيبقى عندك عصير برتقال(ومش ضرورى تفضحي الدنيا وتقولى🙈)

٥- لو عندك اكلة محتاجة كريمة وملقتيش دوبى معلقتين زبدة مع لبن كامل الدسم واستخدميهم وهيبقى عندك كريمة طبيعى( يا سلام على التركات 🙈😊☺️)

٦- لو عايزة اكلك خفيف شوحى البصلة على النار من غير زيت او سمنة بس وطى النار والبصله هتنزل ميتها وتستوى فيها وبهريها على النار وانزلى بالطماطم وكلى احلى تسبيكة من غير دهون
(فرصه توفرى الزيت والسمنه😉😄😁)

٧- لو الطاسه سخنت جامد متنزليش بالسمنه انزلي بالبصل الأول وبعد كده السمنه عشان متتحرقش منك☺️😱

٨- متحطيش الليمون علي الجمبري المقلي عشان الدقيق ميقعش من عليه جربي وادعيلي 😍

٩- لو درج الثلاجة مليان حطى الخضار فى الازايز اليلاستيك ومعاها ملعقة أستانلس هتمتص الرطوبة والخضار هيقعد شهر فى الثلاجة من غير ما يبوظ👌

١٠-لو عندك بقعه حبر على الهدوم استعملي ديتول خام 💗

بدايل حاجات بنحتاجها فى المطبخ
احفظ البوست عندك
بديل الدريم ويب او كريم شانتيه👌🌹🌹
علبة قشطة
ملعقتين سكر
ملعقتين زبدة
حتخلطيهم وترفعيهم على النار ياخدو غلوة بسيطة كدا واخلي يبرد واجي اخفقو بالمضرب ويطلع معاكي دريم ويب
🌺🌺🌺🌺🌺🌺🌺🌺🌺

بديل البسكويت في الحلويات 👌
كيك مفتت
خبز مطحون مع سكر بودرة
كورن فيلكس مطحون
🌺🌺🌺🌺🌺🌺🌺🌺🌺🌺

بديل البيض 👌
اذا كان عندك حساسية من البيض في الكيك والمعجنات
استخدمي علطول بداله الزبادي كل ملعقتين من الزبادي تعادل بيضة
وبديل البيض لدهن المعجنات👌
ملعقتين حليب بودرة مذوبة في شوية موية دافية ورشة نسكافيه امزجهم مع بعض كويس وادهن المعجنات
🌺🌺🌺🌺🌺🌺🌺🌺🌺🌺

بديل الهيرشي ( كريمة الشوكولاته ) لتزين الحلويات👌
المعيار بكوب الشاي
حليب بودرة
زيت
سكر
ماء
ملعقة نسكافيه
ملعقة كاكاو
نخلطهم في الخلاط ونرفعهم على النار ياخدو غلوة ونخليها تبرد ونستخدما
🌺🌺🌺🌺🌺🌺🌺🌺🌺🌺

بديل السكر البني👌
كوب سكر
ملعقة كبيرة عسل اسود او دبس التمر
حنخلطهم مع بعض بأطراف الأصابع لحدي يندمج مع بعض
🌺🌺🌺🌺🌺🌺🌺🌺🌺🌺

كاتشب بيتي لذيذ😋
رجعت ليكم بكاتشاب ساهل جدا ومتوفر للجميع والكاتشاب عشق الأطفال 👧🧑
عبارة عن ربع كوب سكر
ربع كوب صلصة
فنجان خل
وملح
وملعقتين نشا
نجي في الحلة نحط كوب موية والملح والصلصة والسكر نقلبهم مع بعض ونخليهم يغلو نزلي عليه الخل والنشا حليه بشوية موية ونزلي عليه خليها تاخد غلوة وطفي النار وقدميه لعيالك مع السندويتشات 🌭🥪🌮🍟وبالعافية
ملاحظة(ممكن تستخدميه كصلصة للبيتزا🍕
🌺🌺🌺🌺🌺🌺🌺🌺🌺🌺ََ

بديل الزبادي "
حليب دافيء مضاف لكل كوب ملعقة خل او عصير ليمون🍴ماتحركي لمدة عشرة دقائق
🌺🌺🌺🌺🌺🌺🌺🌺🌺🌺

بديل السميد في البسبوسه
"خبز مطحون أوصامولي" 🍴
🌺🌺🌺🌺🌺🌺🌺🌺🌺

بديل الدريم ويب "
علبة قشطة + ملعقتين سكر + ملعقتين زبدة +ويخلط على النار الى ان يذوب السكر وينتج عندنا دريم ويب.🍴
🌺🌺🌺🌺🌺🌺🌺🌺🌺🌺

بديل القشطة ف البسبوسة "
ممكن تستبدلي القشطة اللي في البسبوسة بلبن زبادي🍴

🌺🌺🌺🌺🌺🌺🌺🌺🌺🌺

بديل الحليب للكيك
زبادي
عصير برتقال
عصير مانجو
او اي عصير عندك
مريندا
لبن بودرة محلول بي موية
🌺🌺🌺🌺🌺🌺🌺🌺🌺🌺

بديل الفانليا للكيك
بشر برتقال او عصير برتقال
او بشر ليمون او عصير ليمونة
او نقطتين خل
او ربع معلقة قرفة
🌺🌺🌺🌺🌺🌺🌺🌺🌺

بديل البقسماط اي عيش فينو تطحنية كويس او كورن فليكس
🌺🌺🌺🌺🌺🌺🌺🌺🌺

صوص الشوكولاتة بالكاكاو 👌
نص كوب حليب سايل
نص كوب سكر
2ملعقة كبيرة حليب بودرة
نص ملعقة نسكافيه
ثلاثة ملاعق كاكاو
ربع كوب زيت
فانليا
كلهم مع بعض في الخلاط اخلطو كويس واحتفظ بيهو في علبه قزاز في الثلاجة
🌺🌺🌺🌺🌺🌺🌺🌺🌺

المايونيز البيتي
عبارة عن في الخلاط:
كوب حليب سايل بارد
فنجان صغيرة خل
ملح
3حبات جبن المثلثات
كوب زيت او زيدي اذا حبيتي تقيل اخلطيه كويس واحتفظي بيه في علبة قزاز في الثلاجة لمدة اسبوعين
🌺🌺🌺🌺🌺🌺🌺🌺🌺🌺

بديل القشطة البيتي👌
٣اكواب موية
٢كوب حليب بودرة
٤ملاعق كبيرة سكر
٣ملاعق دقيق
لخبطيهم كلهم كويس مع بعض وارفعيهم على النار لحدي يتقل واحتفظي بيها في الثلاجة كدا بتكون معاكي قشطة تقدري تستخدميها
وفي طريقة ٢:
كوب حليب بودرة
كوب حليب سايل
٢ملعقة سكر وفانليا
ملعقة كبيرة دقيق
ملعقة زبدة او سمنة
تلخبطيهم كويس وترفعيهم على النار يتقل بس وتختي في علبه قزاز وعلى الثلاجة
🌺🌺🌺🌺🌺🌺🌺🌺🌺🌺🌺

بديل الساور كريم أو القشطة الحامضة
علبه قشطة
علبه زبادي
الخبطهم مع بعض بيدكي نفس النتيجة
🌺🌺🌺🌺🌺🌺🌺🌺
بدل الباكنج بودر
ربع ملعقة صغيرة من بيكربونات الصوديوم
مخلوطة مع كوب حليب سائل
🌺🌺🌺🌺🌺🌺🌺🌺🌺

بديل كريمة الخفق 👌
كوب موية
٣ملاعق حليب بودرة
علبه قشطة
كلهم في الخلاط اخلطهم كويس مع بعض واستخدمو
🌺🌺🌺🌺🌺🌺🌺🌺🌺🌺

بديل كريمة الطبخ👌
٢كوب حليب سايل
٢ملعقة كبيرة قشطة
٢ملعقة كبيرة مايونيز
٢ملعقة كبيرة جبن سايل
كلهم مع بعض في الخلاط وانزلهم في حلة اختها في النار ياخدو غلوة ١٠ دقايق كدا بس واحتفظ بيها في علبه قزاز على الثلاجة
وممكن علطول من الخلاط تختيها في العلبه وعلى الثلاجة بدون ماترفعي على النار
في طريقة ٢:
زبادي مع دقيق تلخبطي كويس وتستخدمي فوري علطول أثناء الطبخة
🌺🌺🌺🌺🌺🌺🌺🌺🌺🌺

جبنة الموزاريلا البيتي 👌
٢لتر حليب بقري طبيعي طازج مباشرة يعني غير مبستر
نص كوب خل
ملعقة صغيرة ملح
الطريقة:
نخت الحليب على نار هادئة واول ماتحسي الحليب بقى دافي ختي الخل طوالي وقلبي بشوية شوية لحدي مايفصل بعدين نصفيها
ونجمعا كويس على بعض وبعد اجمعا اجيب كوب من موية الجبنة اقعد اقلب فيها الجبنة اللي جمعتها
بعدين اجيب علبه قزاز اخت فيها من موية الجبنة والملح وانزل عليها الجبنة الجمعتها واغطيها مدة ساعة بعدين اصفيها كويس خالص واجي ألفها بالنايلون واختها في الثلاجة لمدة يوم كامل بعدين استعملا
🌺🌺
في طريقة بالخلاط طوالي تعتبر بديل الموزاريلا :
٣حبات جبن مثلثات
ملح
فلفل اسود
بيضة
ملعقتين حليب بودرة
ملعقة زيت
كلهم في الخلاط مع بعض وبعد كدا ابدا استعملا علطول
🌺

صوص الكراميل البيتي 👌
ملعقة نشا
ثلاثة ملاعق كبيرة كريم شانتيه او دريم ويب
كوب حليب سايل
كوب وربع سكر
زبدة نص اصبع
نحط الحليب مع النشا والدريم ويب ونخلطهم جيدا
نضع السكرعلى نار متوسطة بدون تحريك حتى يدوب تماما ونضع الزبدة ونحرك
ثم نضع الحليب السايل حتى يتكثف الخليط ويترك حتى يبرد ويحفظ في علبة قزاز في الثلاجة
🌺

وصوص التوفي البيتي👌
كرملي سكرعلى النار بعد يذوب تماما حطي زبدة وعلبه قشطة
🌺🌺🌺🌺🌺🌺🌺🌺

الصوص الأبيض للحلويات
سكر بودرة
حليب بودرة محلول بشوية موية
فانليا
زيت ينزل سرسوب والخلاط شغال
🌺🌺🌺🌺🌺🌺🌺🌺
الحليب المكثف المنزلي
كوب سكرة بودرة وممكن عادي
كوب حليب بودرة
ملعقة زبدة او سمنة
ونص كوب موية ساخنة
وكلهم في الخلاط اخلطيهم كويس وحطيهم في علبة قزاز وفي الثلاجة😊
🌺🌺🌺🌺🌺🌺🌺🌺🌺🌺

نوتيلا منزلي👌
علبة قشطة
ربع كوب حليب سايل
نص كوب سكر بودرة
رشة نسكافية
رشة فانليا
اختياري 4ملاعق حليب بودرة
2ملعقة كاكاو
كلهم في الخلاط نخلط كويس وبعد كدا ننزل بالزيت لحدي ماتصلي القوام اللي تحبيه واحتفظي بالشوكلاته في علبة قزاز وعلى الثلاجة
ممكن تحشيها للاطفال في المدارس لذيذة
🌺
بديل صويا صوص 👌
٢ملعقة كبيرة عسل اسود
ملعقة صغيرة ملح
ملعقة صغيرة سكر
٢ملعقة كبيرة زيت
ملعقة كبيرة خل
الطريقة ٢:
٢ملعقة كبيرة دبس التمر
ملعقة كبيرة عصير ليمون
ملعقة كبيرة زيت
ملعقة صغيرة ملح
ملعقة صغيرة سكر
نخلط كل المكونات مع بعض ونستخدما
🌺🌺🌺🌺🌺🌺

بديل دبس الرمان 👌
٣اكواب عصير رمان
نص كوب سكر
نص كوب عصير ليمون
لخبطيهم مع بعض كويس وارفعيهم على النار لحدي يبقى معاكي زي الشيرة واحتفظي بيها في علبه قزاز وعلى الثلاجة
اللهم صل وسلم وبارك على سيدنا محمد

بهارات البطاطس اللي بتوديها حتة تانيه👌✅
تترش علي البطاطس المقليه وممكن المهروسه عادي وعلي اغلب انواع البطاطس شغاله👍🏾👌مظبوطه بالمللي👌
المكونات
معلقه كبيره من كل من 💥
💥كاري
💥بابريكا مدخنه
💥بصل بودر
💥توم بودر
💥ملح
✅معلقه صغيره من كل 💥
💥فلفل اسود
💥كمون مطحون
💥كسبره
💥شطه حسب الرغبه

نقلب الخلطه الحلوه دي في بعضها ونحطها في برطمان محكم الغلق نستخدمها علي البطاطس بعد ما نحمرها وهيا لسه سخنه كدا سخونه البطاطس بتلسع البهارات دي وبتعلي النكهه وبتخليها حاجه عظمه جربوها وهتدعولي 🥰🥰

◀طريقة عمل صوص السينابون بجبنة كيري والحليب المكثف المحلى

✔المكونات
6 حبة جبن كريمي

1 علبة حليب مكثف محلى

طريقة التحضير
1- ضعي الجبن والحليب المكثف المحلى في الخلاط الكهربائي، واخلطيها حتى تتجانس.

2- اسكبي الصوص مباشرة فوق السينابون

◀طريقة عمل صوص السينابون بالقشطة

✔المكونات
1 ملعقة كبيرة زبدة مذابة

1 كوب سكر

2 ملعقة كبيرة حليب مجفف

1 علبة قشطة

✔طريقة التحضير
1- ضعي السكر على النار، واتركيه حتى يذوب تماماً.

2- أضيفي الحليب، والقشطة والزبدة وقلبي جيداً حتى تتجانس.

3- اسكبي الصوص في وعاء

◀صوص الكراميل بالحليب

✔المكونات
كوبان من السكر
نصف ملعقة كبيرة من القرفة
ملعقتان صغيرتان من الزبدة
أربع أكواب من الحليب

✔الطريقة
ضعي القرفة في وعاء، ثمّ أضيفي إليها السكر، وامزجيهما جيداً، وضعي الخليط على النار.

أضيفي ثلاثة أكواب من الحليب على مزيج القرفة الساخن، ثمّ قلبي المكوّنات جيداً حتّى يثخن المزيج.

أضيفي كوب الحليب المتبقي، والزبدة، ثمّ حركي المزيج حتّى يتجانس، واستخدميه كما تريدين.


◀صوص الكراميل بالقشطة

✔المكونات
ملعقة كبيرة من الزبدة
نصف كوب من السكر
علبة من القشطة

✔الطريقة
ضعي كميّة السكر في وعاء مُناسب على النار الهادئة.
اتركي السكر على النار حتى تلاحظي أنّه قد ذاب تماماً مع مراعاة ملاحظته بشكل جيد من حين لآخر، ولكن لا تستخدمي الملعقة بل فقط ححرك الإناء، وبعد ذلك ستلاحظي بأنّ كميّة السكر قد ذابت بشكل كامل وأخذت اللون العسلي، وفي هذه الأثناء أضيفي كميّة الزبدة وحركيها بشكل جيد حتى تندمج مع كمية الكراميل.
أضيفي كميّة القشطة ولكن بالتدريج وليس دفعة واحدة، واستمري في التحريك بشكل متواصل وسريع، ثمّ أعيديها على النار حتى تتجانس المكونات مع بعضها البعض، وبعد ذلك اتركيها حتى تبرد.

◀صوص الكراميل بدون كريمة

✔المكونات
كيلو من الحليب السائل
كوب ونصف من السكر
مغلف من الفانيلا
نصف ملعقة كبيرة من صودا الخبز

✔الطريقة
ضعي الفانيلا في وعاء على النار، ثمّ أضيفي إليها الحليب، والسكر، واخلطيها جيداً. أضيفي صودا الخبز، واتركيها لمدة ساعة، واستمري بالتحريك كل دقيقتين حتى لا يفور اللبن، ثمّ دعيه حتى يصبح ذهبي اللون.
ضعي المزيج جانباً لمدة 10 دقائق حتى يهدأ، ثمّ احفظيه في الثلاجة لحين الاستخدام.

◀صوص الكراميل بالكريمة

✔المكونات
- سكر : كوب
- الماء : ربع كوب
- الزبدة : 6 ملاعق كبيرة (مقطعة مكعبات)
- كريمة : نصف كوب (سائلة)

✔الطريقة
1. اخلطي السكر والماء في قدر على نار متوسطة حتى تمتزج المكونات ويذوب السكر.

2. خففي النار واتركي المزيج حتى يصبح لونه ذهبياً.

3. أضيفي الزبدة وحركي حتى تذوب مع الخليط.

4. ازيلي القدر عن النار وأضيفي الكريمة وحركي حتى تمتزج المكونات.

5. اتركي المزيج لمدة 5 دقائق حتى يبرد قليلاً ثم ضعيه في مرطبان زجاجي محكم في الثلاجة لحين الاستخدام.

6. يستخدم صوص الكراميل لتزيين الحلويات والكيك والمشروبات الساخنة.