MA /Abeer Elsayhe —Live Coaching

25/11/2022

المرأة المطلقة ليست بالضروره دائما امرأة فاشلة فقد تكون نجحت في التخلص من رجل فاشل !! ❤️

21/10/2022

https://youtu.be/2ESFEid8blA

تابعونا على القناة الرسمية على اليوتيوب بالضغط على اللينك وفعل الجرس ليصلكم كل جديد :-يوتيوب 👇👇👇👇👇👇👇👇https://bit.ly/2EdnDAOفيس بوك 👇👇👇👇👇👇👇👇h...

30/08/2021

حاول أن تتخلص من بعض القيم السلبية
وتمسك أكثر بالقيم التي تجعل لحياتك معني وتجعل من حياتك أكبر من أن تتأثر ببعض الإحباطات وتعرف كيف تتعامل معها فالمبادئ والأفكار الإيجابية هي من تخبرك بأن هذه المواقف غير هامة وأضعف من أن تؤثر علي مستقبلك وحياتك
حاول قضاء وقت فراغك في الإسترخاء التام حتي لو لم تكن تمتلك الوقت الكافي لذلك حاول قدر الإمكان تخصيص بعض الوقت للإسترخاء وإجبار نفسك وعقلك علي الراحة كأن تلجأ للتأمل أو ممارسة اليوجا والتنفس بعمق
وتعلم كيف تمارس تدريبات الإسترخاء العضلي فسوف تساعدك كثير علي تفريغ طاقتك السلبية والشعور بالرضا
#حب نفسك

18/08/2021

✨كن قدوة :
——————
١) إذا كنت تصرخ لا تطالب طفلك بالتحدث بهدوء .
٢) إذا كنت تضرب لا تطالب طفلك باللطف مع الأخرين .
٣) إذا كنت تتلفظ بالألفاظ السيئة لا تطالب طفلك بحفظ لسانه .
٤) إذا كنت شديد العصبية لاتطالب طفلك بالحفاظ على هدوءه .
٥) إذا كنت تامر وتتسلط ولا تحاور ولاتعطيه الفرصه لإبداء رأية لا تطالب طفلك بأن ياخد رايك أو ينصت الي كلامك
٦)إذا كنت تقسو ولاتحنو ولا تحضن فلا تطالب طفلك بالاهتمام بك واللين معك ولا تتفاجأ بالقسوه والحقد اللي زرعته بقلبه
🔹كن نموذجاً بأفعالك قبل أقوالك
فمن العدل أن يكون الإحترام متبادل من كلا الطرفين .
🌸دمتم بخير
# Elssayh_Active Life Coach

05/08/2021

العلاقة الزوجية علم ودين وحياة..
علم محتاجين نتعلمه..
ودين بناخد حسنات لما نطبقه صح..
وحياة بتفرق كتير في نفسيتنا وانتاجيتنا وحتى صحتنا لو تعساء فيها!

في كورس Soulmates هنتعلم:
- إزاي نبني صداقة بينا وبين أزواجنا
- ازاي نتعامل مع الإختلافات والمشاكل اللي بتواجهنا
- إزاي نتواصل بطريقة تقوي العلاقة وتخلي كل طرف يساعد التاني على تلبية إحتياجاته
- إزاي نبني إعجاب وتقدير لبعض ونتفهم شخصيتنا المختلفة
- ازاي نتبسط بعلاقتنا بالطرف الأخر
للحجز والتفاصيل علي رسائل الصفحة

05/08/2021

فيه نوع زعل .. اسمه زعل التحاملات !!

الزعل نوعين ..
نوع حاد و كبير، و ده مش موضوعنا النهاردة ..

النوع التاني اقوي من الاول رغم انه قليل و بطيء بس متكرر ، اسمه "زعل التحاملات " ..

الزعل ده فيه طرفين ..

طرف "بيحمّل" علي التاني زيادة عن طاقته فيوجعه و يتعبه .. يحمل عليه عصبية و ردود عنيفة و غضب و إهمال و لوم و عدم اعتنا و عناد و اذيه نفسياا !!

و طرف "بيحمل" علي مشاعره فيسكت لأنه طبيعته كده ، حساس .. أو لأنه حاول يواجه و يعاتب فمالقاش نتيجة و اتوجع اكتر أو لقي النتيجة عكسية من هجوم و غضب و عدم تفاهم و اتوجع اكتر و اكتر ..

النتيجة الطبيعية أن القلب بيتحط عليه اقفال شوية شوية ويتعمل بلوك للابد و مع الزمن و زيادة التحاملات ، تتبني بين الناس حيطان و حواجز و يبعدوا عن بعض حتي وهم جنب بعض و بيضحكوا و بيتكلموا و ياكلوا و يشتغلوا أو حتي عايشين مع بعض ..

دي حالة ناس كتير مش واخدة بالها انها قفلت قلب ناس غالية جدا في حياتهم ، و ممكن ميتعوضوش ابدا !!

فيه ناس كتير شالت حزنها جواها و حبست مشاعرها من كتر ما تعبت .. القلوب دي من حساسيتها بتعمل نفسها مش زعلانة ، و بتفوت و تيجي علي نفسها ، و بتسايس مشاعرها و ما بتبينش اللي فيها علشان الدنيا تمشي ..

يا للي محمل علي الناس خد بالك بجد لان فيه ناس مش هتعرف تلاقيها تاني و سايبها بتنزف وراك و انت مش حاسس .. اسال نفسك و راجع ضميرك و سلوكك بأمانة..

و ياللي مستحمل اتكلم اوعي تسكت .. و لو هو ما سمعش أو ما فهمش ، كلم حد يكون فاهمك و مقدر اللي انت فيه تريح قلبك ، او الاحسن و الأفضل ليك كلم ربنا يخفف عنك و يديك نعمة و ينور قلب اللي محمل عليك !!
عشان تفتح القلوب دي....!!! بالحوار
اختار يوم يكون مناسب ووقت الإنسان دا مستريح فيه
جدد نيتك انها بنية الصلح والموده والرحمه وبنيه البناء والعلاقه الطيبه
ممكن تعمله مشروب أو تجبله شيكولاته أو بونبون حتي
اسأله عن أحواله
وبعدين اطلب منه وقت تتكلموا في موضوع مشترك بينكم
كلمه عن مشاعرك واللي وصلك منه
وبعدها اسمعه وصدقه وصدق اعتذاره وأسبابه
ممكن يكون مضغوط أو في سوء فهم أو مختلف عنك فالتفكير
اطلب منه الطريقه اللي تريحك فالمعامله
اشكره انه سمعك وبعدها فوض أمرك لله وانسى الموضوع
سجل قائمه في ذاكرتك بمميزات هذا الشخص

هتلاقي النتيجه ايجابيه والطرف التاني بدأ يثق فيك ويصرحك بما في داخله

اسمع مخاوفه وطموحه ووجهة نظره واحترامها ولا تسخف وتسخر منها حتى لاتكسر الاحترام بينكم

تذكر اعتقاد انا بخير وانت بخير
#د.عبير السايح _صحة نفسيه

05/08/2021

أحياناً بنحتاج نقلع و نتجرد وتتخلص من كل اللى لبسينه.

- نقلع صورة حد لبسهالنا ( سلبية ) بتكذب حاجة حلوة فينا.
زى انت فاشل أو انتى مش جميلة أو أنت مفيش حد بيحبك.
انتي مش عارفه تربي عيالك
انتي متهوره مدام مش ماشيه علي هواهم

- نقلع صورة إيجابية حد لبسهالنا و ألزمنا بها و أصبحت هويتنا و مش عايزين نخسرها عشان منخسرش هويتنا.
وشكلنا قدام الناس والمجتمع 😀😀

زي.....أنت أكثر ولد مسؤول فى اخواتك أو انتى أكتر بنت مؤدبة عرفتها أو أنت حد ملتزم اوى. او انتي لازم تسمعي الكلام عشان افضل راضي عنك
فتفضل لابس مش عشان عايز عشان بقت هوية.
او عشان هما مايغضبوش عليكي

- نقلع نفسنا عشان نتشاف عشان عشنا سنين بنفسنا و لا أتشفنا.
أصلها أنطوائية أو هو جد أو غيره من الصفات الطبيعية بس مش بتعجب البعض.

- نقلع ظلم وتسلط وفرض راي حد لبسهولنا مرة و فضلنا لبسينه.

- نقلع كبت لبسناه غصب وعيشة مفروشه علينا وأشخاص مجبرين عليهم بالرغم أنهم مؤذيين و فاضل مقيدنا و كابت حريتنا.

- نقلع تقاليد لبسها لنا المجتمع اللي هو لبس لها علاقه بالحرام والحلال ليها علاقه بالناس وهيشوفنا ازاي و هى مش بتفيد لكن بتسعد الناس اللى فى الغالب منعرفهاش. او نعرفهم بس هما فارضين رأيهم... 🙄

و غيره من القلع.

فى ناس بتقلع هدومها أو حجابها أو تتمرد على لبسها عشان عايزة تقلع نفسياً لأن فى الغالب بنركز على الخارج و لو ركزنا حقيقى على الداخل هنعمل (مهرجان سيدى العريان) عشان نقلع اللى لبسناه طول حياتنا.

ركز بداخلك و أسمع صوتك بيقولك أنت محتاج تقلع أية؟
محتاج اي نوع من تطوير الذات
محتاج ازاي تعرف قدراتك وإمكانياتك من غير تدخل من اي حد مش عارف انت جواك ايه

#اقلع اي موقف مؤذي
#اي شخص مؤذي
#خليك صاحب قرار
منك
#د.عبير السايح _انتي النسخة الاصليه
#تنميه الذاتيه والتوعية النفسيه _وعلاج_العلاقات

05/08/2021

3 عوامل هتأثر على علاقتك لو أنتى فى علاقة مع رجل من أم متحكمه متجاهلة للمشاعر ...

أم متحكمه فى الغالب هتكون ...🙈🙈
- بتحب تكون هى المسيطرة و متحكمة و لها القيادة
- بتهتم برغباتها و لا تهتم برغبات الآخر و لا تأثير تحقيق رغباتها على الآخر
- فى مساحة عاطفية بينها و بين أبنها.

علاقته بها هتأثر عليكى أزاى......... ؟

1-الكدب
لأنه فى تربيته بيهرب من أنه يشعر والدته المتحكمة بالأحباط أو يتعرض منها للوم لما يعمل حاجة مش على مزاجها.
بيبدأ أنه يكدب عليها و بيستخدم الكدب و الخداع كميكانيزم دفاع لحماية نفسه و مشاعره.

و بيكون غرضه من الكدب غير حماية نفسه هو إرضاء الآخر بالظبط زى ما كان بيراضى الماما فى طفولته.

و طبعاً هو بينتقل معاكى للعلاقة بنفس ميكانيزم الدفاع (الكدب)

2- العدائية
و لأن فى علاقته مع والدته المتحكمة كان بيكبت مشاعره و خصوصاً الغضب.
بتكون ردود أفعاله معاكى مبالغ فيها بالمواقف المختلفة مش بسببك و لكن بسبب الغضب المكبوت بداخله
فالمواقف تبدأ تظهر أنه لا يملك القدره على التحكم فى مشاعره.

برغم أنه فى الغالب قد يبدو هادئ و لكن غضبه هينفجر فجاءه.

3- عدم القدرة على أتخاذ قرارات
لأن الأم المتحكمة بتتعامل مع أبنها أنه أحد ممتلكاتها دة بيأثر على تطوره و نضوجه النفسى و شعوره بهويته.
و دة هيؤدى أنه هيكون مش قادر ياخد قرار فى كثير من المواقف.

4- عدم القدرة على تواصل حميمى عميق
و لأن كان فى مساحة عاطفية بينه و بين والدته مش هيقدر يبنى معاكى علاقة حميمية حقيقة فيها تواصل وجدانى عميق.
مش هيقدر يحس بيكى حقيقى او بتعبك.
و حتى لو أظهر حنيته بعد فترة هتكتشفى أنها مجرد قشرة خارجية.

و لكن المهم التأكد هل هو أجتهد على نفسه و تخلص من آثر علاقته بوالدته و دة هيظهر فى ردود أفعاله.
و لا لسه بيدور فى فلك العلاقة بداخله و تأثيرها مستحوذ عليه و بينعكس عليكى ؟

التشوهات فى العلاقات العاطفية مش بتكون عشوائية و لكن فى الغالب سبقها آلم و تشوه بالفرد من طفولته و أنتقلت معاه علاقته العاطفية فى الكبر.
#د.عبير السايح توعيه نفسيه
#صحة نفسيه _ارشادي اسري وسلوكي_وعلاج_العلاقات

01/08/2021

كيف يؤثر الأكتئاب على أعضاء الجسم؟😪

أن الحزن الذي لايجد متنفسا عن طريق الدموع يتجه إلى أعضاء الجسم الداخليه فيحطمها
ابدا بعلاج الاكتئاب وحالات الحزن والإحباط الان 🌲
تستحق أن تعيش حياه كريمه وسعيده مهما كانت تحديات الحياه 💐🌳🌱
#انت تستحق أن تعيش
#انتي تستحقي السعادة
#د.عبير السايح
#حجز الجلسات عن طريق رسائل الصفحة
#الجلسات اونلاين ..

29/07/2021

ربنا امر فى العيشة بالمعروف .. وفى الفراق بالاحسان .. فامساك بمعروف او تسريح باحسان .. عارف ايه الفرق بين المعروف والاحسان ؟.. بص يا سيدى ..

المعروف من العرف .. وهو ما تعارف عليه الناس .. اللى هو بنقول عليه فى العاميه "العادى او المعتاد" .. اللى هو الطبيعى .. زي كل الناس ما بتعيش .. وبنقول عليه فى الرياضيات المتوسط .. اللى هو مش اقل ما يمكن .. ولا افضل ما يمكن .. او داخل النطاق .. عيشوا عادى يا جماعه مش مشكله .. لكن وقت الفراق .. المعروف مينفعش .. والعادى مش كفايه .. امركم بالاحسان .. اللى هو احسن حاجه .. اللى هو فى الرياضيات بنسميه القيمه العظمى .. هو ده دينكم .. وهى دي شريعتكم .. اللى مفيش احكام احسن من احكامها ..
#د/عبير السايح _اخصائي علاقات أسرية وزوجية

27/07/2021

😀 لا تجعلي ابتسامتك تفارق شفتاكي
هي مصدر قوّتك،
وهي التي تحيطكي -تدريجيًا بالطاقة الإيجابية ☁️
لا تستهينوا بالابتسامة! ❅☻
#فقط ابتسمي 😀😀😀
#عبير السايح_ رحلة حياة

25/07/2021

"نظرة الحب الحقيقية تجدها في المطارات، والندم الحقيقي تجده في المقابر، والدموع الحقيقية تجدها في الجنازة، والدعاء من أعماق القلب تجده في المستشفى، لأننا ببساطة لا نعرف قيمة بعضنا إلا في النهايات .. أن تقدم وردة في وقتها، خيرٌ من أن تحضر نجمة من السماء بعد فوات الأوان، أن تقول كلمة جميلة في الوقت المناسب، خير من أن تكتب قصيدة بعد أن تختفي المشاعر، لاجدوى من أشياء تأتي متأخّرة كقُبلة اعتذار على جبين ميّت .. لا تؤجل الأشياء الجميلة، فقد لا يأتي أوانها مرة أخرى
#د/عببر السايح التنمية_الذاتية