محمود هواري-mahmoud hwary

30/07/2025

ازاى تختار المدرس اللي تاخد عنده درس ❗📚👨‍🏫

اختار المدرس اللى بتحبه وبتفهم منه مش المشهور.. 💡❤️

لو بتاخد عند مدرس بتفهم منه ✅ أفضل من إنك تاخد فى المادة أكتر من درس وتضيع وقتك 🕒❌

جرب مدرسين كتير في أول شهر 🔄 واللي ترتاح لشرحه اثبت عنده لآخر السنة 🎯

أما تختار مدرس تروح عنده، سيبك من كلمة "كله بيروح عنده" 🙄 الجملة دي ضيعت مستقبل ناس كتير 😢

اختار المدرس اللي تحس إنه حابب مهنته أو مادته ❤️‍🔥، ساعتها شرحه هيكون من قلبه وبضمير ✅

متسيبش نقطة مش فاهمها ❓ غير لما تسأل عليها، انت بتدفع فلوس💸، لازم تاخد حقك كامل 💯

استشير مدرسك في أي حاجة تقابلك تخص الدراسة 📘، وابعد عن زمايلك 🤷‍♂️ لأنهم معندهمش الخبرة الكافية

دخولك ثانوي يعني إن ليك هدف 🎯، أوعى تكون كالقطيع 🐑
أي حد بيدخل ثانوي، إنما مش أي حد بيكون مميز 🌟

اتقِ الله في أهلك 🙏، واعرف إنهم بيصرفوا عليك من تعبهم 💔، لو مش ناوي تكون راجل 💪 من البداية… بلاش

الثانوي لو مافيش صحبة كويسة تدفعك للتفوق 🔝، يبقى تمشي لوحدك أفضل 🚶‍♂️

ربنا يوفقكم جميعا ويحقق أحلامكم ❤️🌟🌱

08/07/2025

البوست ده ليك لو داخل تالتة إعدادي . او لأي حد تعرفه داخل تالتة إعدادي . ركز في كل كلمة لأن ده الخلاصة 😳😁
دفعة2026 اللى رايحة 3 إعدادي اسمعونى شوية بس 💙
1- بلاش تمشي وراء الشلة بتاعتك وبكررها تاني بلاش الشلة السنادي.
2- تاخد في المادة مع مدرس واحد فقط✋
3- الدرس الخصوصي عامل مساعد لكن ( انت الأساس ) يعني لو معاك الامتحان نفسه وأنت مش حابب المذاكره يبقى ملهوش لازمه .😥
4- لو هتاخد في سناتر يبقي تركز انك تروح بدري وتقعد في الاول وتفصل نفسك عن الي حواليك
5- متخدش مع المدرس علي أساس اسمه ( عفريت الدراسات ) ( دبابه العلوم ) لما يكون بيدي 6000 طالب اكيد هيطلع من عنده 2 جايبين 99% امر عادي ولا علشان ابن خالتك هيخد عنده - ممكن مدرس مش مشهور اوي بس شاطر وبيراعي ضميره
6- جرب المدرس 3 حصص علي الاقل وشوف طريقة شرحه مناسبة ليك وبتفهم منه ولا لا مش أقل من كده - لو حسيت انك مش فاهم منه حاجه ومش بيوصلك المعلومه غيره لكن ماتغيرش من بعد اول حصة.
7- ظبط مواعيد دروسك من البدايه علي حسب أيام الأسبوع و مواعيد الدروس وبعضها البعض.
8- تاخد في المادة مع مدرس واحد فقط ( تاني ) - هتقولي بتكررها ليه؟؟ هقولك علشان متغلطش غلطة شكري ( واحد صاحبي متعرفوش ) كان بياخد في المادة مع 2 و 3 مدرسين لدرجة انه مكنش بيدخل البيت كان فاكر ان كده شطارة وتثبيت للمعلومات
9- بلاش تعلي النار اوي من البداية علشان الأنبوبة متخلصش - بتقول ايه ؟ - زي ما قولتلك كدة متبدأش السنة سخن أوي و بتذاكر في ال 24 ساعه 24 ساعه علشان متجيش علي نص الترم تلاقي نفسك زهقت ومليت وتعبت وتقع مرة واحدة - خليك ماشي بسرعه متوسطه لا تنام ولا تعلي اوعي بس المهم انك تكون متحفز دايما ومصحصح🤨
10- خلص مذاكرتك أول بأول - أوعي أوعي أوعي تراكم حاجه عليك - خليك خفيف دايما كدة - في نفس اليوم أو تاني يوم بالكتير تكون مذاكر إلي أنت أخدته - أول بأول هتلاقي نفسك مرتاح نفسيا دايما ومش مضغوط و مطمن من جواك😀
11 - خصص وقت للمراجعة زي مابتخصص وقت للمذاكرة
12- خليك مع ربنا دايما - التزم بصلاتك في مواعيدها - الصلاة هتخليك مطمئن وهادي و مستريح ومش متوتر🤲
13- رضاء والدك ووالدتك عليك مفعوله السحر - ممكن تبقي الدنيا متشقلبة معاك - بدعوة واحدة منهم كل حاجة تستقر وتتظبط - فبقدر الامكان برهم وخليهم راضيين عنك👨‍👩‍👦
14 - انت مش في سجن - يعني جو شيل التلفزيون و قطع الإنترنت ده مش هيوصل بيك لحاجه إلا إنك هتكون مضغوط نفسيا ومخنوق طول الوقت - انت مش صغير انت كبير وعندك اراده و هدف - يعني عارف إنها سنه مهمه ولازم تدي فيها مجهود أكثر من أي سنة تانية بس كمان لازم يكون في وقت للترفيه حتي لو محدود بس مطلوب⚽
15- كتر شراء الكتب الخارجية أمر مزعج وبيعملك دوشه وتحس إنك مش عارف تفتح ايه ولا إيه ولا إيه - فمتفتكرش إن دي شطارة هات إلي المدرس بتاعك ينصحك بيه فقط وركز فيه مع كتاب المدرسه والنماذج بتاعت الوزارة🗒️
16- الغي كلمه ( توتر ) من قاموسك - لو اتوترت حتي لو كنت طول عمرك من الاوائل هتتكعبل في السنه ديه وهتقع علي وشك .
17- تجيب ورق نوت كده تسميه ( الجدول اليومي ) كل يوم اول لما تصحي الصبح بعد لما تصلي وتفطر تكتب فيه انت يومك هيمشي ازاي وهيبقي فيه إيه - هتروح درس إيه - هتذاكر إيه النهارده - هتروح فين كده
✅ وأخيرا
تذكروا أن " لِكُلِّ مُجْتَهِدٍ نَصِيبٌ "
😄📣👌

ملحوظه صغيرة 💜
كفاية إحباط وتكسير مجاديف إحنا داخلين على مرحله مهمة لازم نصفي فيها دماغنا ونركز
متسمعش لكلام حد عشان كل واحد ليه قدراته والحاجات اللي بيحبها
احنا قادرين بإذن الله نوصل للي بنتمناه لو كان عندنا ثقة وتفاؤل 💙
وعشان كدة " فلتقل خيرا او لتصمت "

25/10/2024

فرصة لكل أبطال الصف الثالث الإعدادي ❤️💪🏻
عشان ميكونش عندك احساس بالخوف وانك فاتك كتير من الشرح 😌
عملنالك مجموعة جديدة لبدء المنهج من اول وجديد 😎🤙🏻
شرح من البداية 👌🏻
حل من البداية 👌🏻
امتحانات ومتابعة باستمرار🤙🏻
كل حاجه كأنك لسا بادئ السنه❤️💥
اول حصه هتكون بعد اكتمال العدد💥..
متنساش الشير وتبلغ زمايلك عشان اللى متأخر ميفوتهوش كتير ❤️
طريقك لتقفيل المادة بعون الله ❤️💪🏻

19/10/2024

المنادى في ورقة

16/10/2024

https://youtu.be/KuPkhEtW5o4?si=hEGJ13drUuJ8e3Sb
شرح درس المنادى كاملا للصف الثالث الإعدادي

شرح درس المنادى للصف الثالث الإعدادي #المنادي #الإعدادي

03/08/2024

15/07/2024

كورس تأسيس النحو لطلاب المرحلة الإعدادية

22/06/2024

الطالبان كلاهما حاضر
كلاهما

( مبتدأ ثان _ توكيد )

07/01/2024

جزء من مطوية المعرب و المبني للصف الثاني الإعدادي🕵️

15/11/2023

درس إعراب الضمائر للصف الأول الإعدادي
*ينقص في ضمائر الرفع 6/نون النسوة