Abdelrahman Osama

في واحدة من أبشع الجرائم اللي هزّت محافظة الغربية…
قضت محكمة جنايات المحلة الكبرى يوم 12 يونيو 2025، بالإعدام شنقًا على المتهم في القضية اللي اتشهرت إعلاميًا باسم "سفاح عزبة رستم".
القصة بدأت في يونيو 2024…
في قرية هادية اسمها عزبة رستم التابعة لمركز قطور…
مكان محدش كان يتخيل إن الجريمة دي ممكن تحصل فيه.
المتهم… محامي شاب اسمه "محمد. ا".
والضحايا؟ أقرب ناس ليه…
أمه… وأخته "أمنية"… وأخوه الصغير "محمود".
لكن اللي حصل كان أبعد من أي تصور…
الجريمة ما كانتش لحظة غضب…
دي كانت جريمة بخطة كاملة.
المتهم قتلهم جوه البيت بدم بارد…
باستخدام سكاكين وسواطير…
وبعد كده بدأ يقطع الجثامين لعدة أجزاء، وكأنه بيحاول يمحي أي أثر ليهم.
ولما خلص…
ما سابش الأشلاء في مكانها…
نقلها بنفسه من داخل البيت
لـ حظيرة المواشي الموجودة في الأرض بتاعتهم.
مكان بعيد نسبيًا… ومحدش يشك فيه بسهولة.
وهناك… حاول ينهي كل حاجة للأبد…
ولّع في الأشلاء علشان يخفي معالم الجريمة.
لكن… الحقيقة دايمًا ليها صوت.
ريحة كريهة جدًا بدأت تنتشر في المكان…
الجيران حسّوا إن في حاجة غلط…
وبلّغوا الشرطة.
ومع وصول الأمن…
اتكشفت الصدمة…
أشلاء متفحمة داخل الحظيرة… وجريمة تهز أي إنسان.
المتهم وقتها كان هرب…
لكن الأجهزة الأمنية قدرت توصله وتم القبض عليه في محافظة ساحلية بعد فترة قصيرة.
وخلال التحقيقات…
حاول يدافع عن نفسه وقال إنه مريض عقليًا،
وإنه ما كانش واعي باللي بيعمله.
لكن التقارير الطبية والتحقيقات كان ليها رأي تاني…
وفي النهاية…
المحكمة ما اقتنعتش بالكلام ده،
وصدر الحكم النهائي: الإعدام شنقًا بعد استطلاع رأي مفتي الجمهورية.
القضية دي مش بس جريمة قتل…
دي واحدة من أبشع الجرائم الأسرية اللي حصلت في مصر،
بسبب القسوة وطريقة التنفيذ ومحاولة طمس الحقيقة.
وسؤال واحد بس لسه بدون إجابة:
إزاي إنسان ممكن يتحول بالشكل ده… ويقتل أقرب الناس ليه؟
دا كلو بسبب الورث

إيهاب أشرف… طالب عنده 16 سنة، في أولى ثانوي، شاب عادي جدًا زي أي طالب في سنه… بيحلم ويذاكر وبيخرج ياخد درس ويرجع.

يوم الحادث، إيهاب خرج من بيته رايح درس الفيزياء عند المدرس بتاعه، الشخص اللي أهله كانوا واثقين فيه وسايبين له ابنهم بكل أمان… واتصلت أمه بيه فعلاً وتأكدت إنه وصل.

لكن بعدها بساعات… كل حاجة اتغيرت.

مكالمة غريبة وصلت لوالدته… صوت مجهول بيطلب 100 ألف جنيه فدية مقابل رجوع ابنها.

في نفس الوقت، كان في مزارع بيبلغ عن حاجة مرعبة: شوال جواه جزء من جسم بني آدم في مصرف مائي… وبعدها بساعات، تم العثور على باقي الجثمان في مكان تاني… والأسرة اتصدمت لما اكتشفت إن دي جثة ابنهم إيهاب 💔

التحقيقات بدأت… وأول خيط كان من الأم، لما قالت إن آخر مكان راح له إيهاب هو درس الفيزياء.

تفريغ الكاميرات كشف الحقيقة: إيهاب خرج آخر مرة مع مدرسه.

المدرس… اللي اسمه محمد عبد البديع الطحاوي، اتقبض عليه… ومع الضغط، انهار واعترف بكل حاجة.

قال إنه كان غرقان في الديون بسبب القمار، وقرر يخطف الطالب ويبتز أهله… ففكر يصور فيديو لإيهاب وهو حاطط سكينة على رقبته عشان يطلب الفدية.

إيهاب… من كتر ثقته فيه، صدّق إن ده تمثيل.

وقف قدامه مستسلم… وطلب منه حتى يحط ضهر السكينة مش الحد عشان ميأذوش.

لكن في لحظة… السكينة قطعت شريان في رقبته… وكل حاجة انتهت.

بدل ما ينقذه… قرر يخفي جريمته.

استعان بقريب له نجار، وقطعوا الجثة بمنشار، ووزعوها في أماكن مختلفة عشان يضللوا الأمن… لكن الحقيقة ظهرت في أيام قليلة، واتقبض عليهم.

والصدمة الأكبر؟
إن القاتل راح يعزي أهل إيهاب بنفسه… وكتب له بوست نعي على فيسبوك كأنه واحد من الناس!

قصة إيهاب مش بس جريمة…
دي حكاية ثقة اتكسرت، وغدر جاي من أقرب شخص.

ربنا يرحمه ويصبر أهله 💔


#الدقهلية

حكاية النهارده عن اشهر معالجه روحانية في مصر ..
مكانتش بتعالج المس والحاجات دي بس لكن كانت بتعالج اعراض نفسيه وجسديه كمان، لدرجه انها كانت بتعالج امراض متتخيلهاش عن بعد !!
اتقال عليها كلام كتير في ناس قالت كويسه وناس قالت إنها متعاونه مع ملوك الجن عشان يساعدوها في شغلها
ايه حكايتها وقصتها ايه وكانت بتعمل ايه وليه ديما من شروطها الناس الي بتجيلها تنام في الضلمه ؟؟

البدايه ياعزيزي القارئ مع الست صفصف محمد حسين اشهر معالجه روحانيه في
مصر، الست دي عالجت العديد والعديد من الشخصيات المعروفه ياعزيزي القارئ زي مثلا يوسف وهبي والفنانه زوزو نبيل وحكو اكتر من مره انها عالجتهم من حاجات غريبه كانت فيهم وبيحسو بيها، خد بقي عندك مشاهير وملوك دول والأمير فلان والاميره علانه لا كتير فعلا، لدرجه ان صفصف تم اعتبارها واعتمادها من الجمعيه الروحيه في لندن أنها من أهم المعالجين في التاريخ البشري كله !!
صفصف كانت شابه في الأربعينات ايام الزمن الجميل هيا كانت شابه في وقت الأربعينات مش هيا عندها اربعين سنه فوق كدا معايا، تعبت وقتها وجالها حاجه غريبه ملهاش تشخيص طبي ولا حد فاهم هيا مالها اصلا، ولا تشخيص ولا علاج ودا زود الحاله اكتر طبعا، القرايب نصحوها تروح لواحد اسمه احمد فهمي ودا كان مؤسس دار القاهره للعلاج الروحاني لان الوقت دا كان في مؤسسات كبيره بتعالج روحانيا عادي جدا مش جو الدجالين بتاع دلوقتي،
راحت فعلا للراجل الطيب دا وعالجها من الي كانت فيه بس قالها حاجه غريبه قالها أنه شايف أن عندها قدره تبقي وبسيطه روحانيه وطلب منها تساعده في علاج الحالات الجايه، وعلمها كتير طبعا وبدأت تعالج القرايب والحبايب والاسم ينتشر والسمعة تعالي واتعرفت صفصف غير كمان انها مكانتش بتاخد ولا مليم من اي حد، كانت بتعالج في دار القاهره زي ما قولنا وبعدين خدت فيلا عشان تعالج فيها الناس هناك،
صفصف كان عندها طريقتين الطريقه الأولي العلاج الجماعي يعني تستقبل الناس كلهم مع بعض او التانيه وهيا جلسه فرديه والجلسات كلها بليل مكانتش بتشتغل بالنهار خالص، طبعا كانت بتبدا شغل بعد العشاء مثلا وتوصل لحد الفجر من كتر ما الناس عندها اعداد كبيره، كانت كمان بتعالج الناس عن بعد يعني المريض يبعت جواب يقول حاسس ايه وصفصف تبعت جواب تقوله الي هيمشي عليه بظبط وهيا هتتصرف من عندها بقي، وكان عندها ديما شرط واحد في العلاج وهوا تواجد المريض في الظلام التام لمده معينه وينام لواحده تماما في الضلمه ولا حتي يبقي في أي بصيص نور صغير !!
اليوم بقي الي كانت بتعمل فيه للجلسات كان عندها استعدادات خاصه زي
انها كانت بتفضل تقرا قرآن طول اليوم ومتاكلش خالص غير وجبه خفيفه في الضهر عباره عن الزبادي وعيش،
وبتكون مستعده لاستقبال الحالات وعلاجها
وبتقول ان الروح المرشده بتكون معاها في وقت كشفها على الحالات وبتقدر تحدد المرض من قبل ما تسال المريض عن الاعراض،
لكنها عشان ست جدعه كانت بتسال علشان محدش يتخض انها عارفه من غير ما يقول وبتقول كمان انا كنت مجرد ما اشوف المريض بقدر افهم كل اللي فيه وبعدها بقي ياعزيزي القارئ بتلمس المريض لمسه خفيفه كدا لطرد المس الشيطاني اللي فيه مجرد لمسه انت متخيل !! وكانت كمان بتعالج بعض الحالات العضويه مش الروحانيه بس كان بيروح لها مرضى القلب والكبد والعقم
وغيره نجحت صفصف في علاج ناس كتير جدا جدا، وطبعا زي اي حد طلع عليها اشاعات زي انها اتجوزت ملك من ملوك الجن الي كان بيعشقها جدا وكان مسخرلها جنود ملهاش عدد عشان يساعدوها في العلاج، لدرجه ان في ناس من الي كانت بتعالجهم بيقولو أنهم سمعو ملك الجن دا وهوا بيتكلم معاها وصفصف كانت ديما بتنكر الموضوع دا تماما، ومن الحاجات الغريبه برضو عند الست دي أن الفيلا بتاعها في الدور التالت تحديدا كان ديما ضلمه تماما وكانت بتطلب من الحالات يدخلو ينامو شويه في الدور دا والغريب أنه بيصحي معندوش حاجه من الي بيتشكي منها الناس بتخف !!
ودا الي أكده ناس كتير راحتلها وطبعا محدش عارف سر الدور دا نهائي ولا ايه الي بيحصل والي بيدخل بينام فعلا ولا ايه الي بيحصله وازاي مجرد نومه تصحي منها سليم تماما نفسيا أو عضويا كأنه مكانش بيتشكي من حاجه وكل دا مجاااني بشكل كامل !!
ومن أغرب القصص عن صفصف أن في مره مريض كان بيعاني من شيء ولازم عمليه يشيل فيها التعب دا من جسمه، وطبعا كان خايف من العمليه وبعت جواب لصفصف، ردت وقالت إنه لازم ينام في اوضه ضلمه تلت ايام وميكونش في كلاب في المكان خالص وفعلا عمل دا، عشان الراجل يصحي من النوم يلاقي سريره غرقان د..م !!
اتخض وجري علي الدكتور بسرعه واتخض اكتر من الي سمعه، الدكتور قاله العمليه اتعملت وبمنتهي الدقه وبطريقه متطوره احنا لسا موصلناهاش !!

صفصف كانت معالجه لوجه الله وكان عندها قدرات غريبه اتكلم عليها وكتب عنها اهم المعالجين في مصر ومكانتش بترفض علاج اي حاله مهما كانت قوتها وديما تقول الشفاء بأمر الله تعالي، بس برضو حواليها كلام ازاي كانت بتعيش وعندها فيلا وأراضي كتير ؟؟
يمكن في ناس كبيره في البلاد عالجتهم وادوها هدايا أو فلوس او يمكن حاجه تاني ؟؟
في معالج روحاني قال في مره أن صفصف بتعيش في عزله تامه مع الجن وكانت بترفض اي لقاء صحفي، وقال كمان أنها كانت بتمنع المرضي عن ذكر الله تلبيه لطلب الجن منها بس ابي اتقال أن الجلسات كانت ديما بتبدا باسم الله وايات القران والرقيه الشرعيه، كلام من هنا وكلام من هناك الي يقولك بالقرآن والي يقولك بالجن والسحر لكن تظل صفصف لغز كبير اصل ما بالعقل كدا ازاي ؟
بس احنا اتعودنا هنا أن في حاجات مبتخضعش لمنطق ولا لعقل يمكن الست دي فعلا كان عندها هبه من ربنا ؟؟
يمكن فعلا كانت بتشتغل بالجن ؟
الكلام عليها كتير بين مؤيد ومعارض لكن الحقيقه عند الخالق لواحده لكن الي نعرفه أن صفصف فعلا كانت بتعالج بجد ..

تخيلوا معايا… طفلة عندها 4 سنين بس… المفروض أقصى همها لعبة أو حضن دافي… لكن بدل ده كله، عاشت كابوس ما يتخيلوش عقل.
سما… اسم صغير وقصة أكبر من أي حد يستحملها.
الطفلة دي ماتت بطريقة بشعة جدًا… على إيد أقرب ناس ليها… أبوها، وجدها، وزوجة أبوها.
الجد خد جثتها وراح يدفنها بسرعة، وقال للدفان إنها وقعت من على السلم وماتت.
لكن لما الدفان طلب تصريح دفن، الجد قال إنها مالهاش ورق ولا شهادة ميلاد!
هنا بدأ الشك… والدفان بلغ المباحث فورًا.
ولما الشرطة وصلت وشافت الجثة… الصدمة كانت أكبر من أي توقع.
آثار حروق، تعذيب، وضرب في كل جسم الطفلة!
بدأ التحقيق… واللي اتكشف كان أبشع بكتير من فكرة “حادثة سقوط”.
الأب والأم كانوا متجوزين عرفي، وبعد ما خلفوا سما انفصلوا، والأم سابت الطفلة مع الأب.
ومن اللحظة دي… بدأت رحلة العذاب.
ضرب، تعذيب، وإهانة بشكل يومي…
والأب… كان بيعتدي عليها اعتداءات بشعة، وزوجته كانت عارفة وساكتة!
والكارثة الأكبر… إن الجد كمان كان بيشارك في الجريمة!
طفلة عندها 4 سنين… عاشت سنين عمرها كلها في رعب وألم…
لدرجة إنها أصيبت بتبول لا إرادي من اللي شافته!
بدل ما يرحموها… كانوا بيعاقبوها!
زوجة الأب كانت بتضربها وبتسكب عليها ميه مغلية علشان “بتتبول”!
وفي الآخر… النهاية كانت الموت.
والمفاجأة اللي صدمت الكل…
تحليل الـ DNA كشف إن الناس دول مش أهلها أصلاً!
يعني الشخص اللي كانت فاكرة إنه أبوها… مش أبوها الحقيقي!
الأم سابتها وقالت له دي بنته… لكنه في الحقيقة مش أبوها البيولوجي.
هل كان عارف؟ هل اكتشف بعد كده؟ محدش عارف…
بس اللي أكيد… مفيش أي مبرر للوحشية دي!
وفي تفاصيل بتقول إنهم سكبوا ميه سخنة على أماكن حساسة في جسمها… علشان يخفوا آثار الجريمة…
وتفاصيل تانية بتقول إن زوجة الأب كانت بتعمل كده عقاب ليها!
قصة سما مش مجرد جريمة… دي وصمة عار في جبين الإنسانية كلها.
طفلة كانت محتاجة حب… لقت جحيم.
حقها لازم يرجع… ولو حتى بالكلام.
وسكوتنا على قصص زي دي… بيخليها تتكرر.