09/04/2026
راعي بيقولك 🐄
ميتضحكش عليك بالمنظر مش كل عجل مالي يبقى لحم 🥩
كتير بيشوف العجل مليان ويحجزه ويتصدم وقت الذبح إن نص الوزن راح في الكرش🤦♂️
القاعدة الذهبية قبل ما تشتري
بص عليه من بعيد وهو بيتحرك الأول وبعدين ادخل افحص بإيدك
و عشان متلبسش في عجل منفوخ ركز في 3 علامات 👇
1️⃣ الرقبة والكتف (المصنع)
لازم الرقبة تكون مليانة وماشية مع كتف مفرود (عرض الصدر وعرض مقدمة الفم دليل إن صحة العجل ده حديد)
❌ رقبة رفيعة + بطن كبيرة = اهرب (ده منفوخ برسيم ومية مش لحم)
2️⃣ الظهر (الميزان الحقيقي)
متحكمش بالعين بس اضغط بأطراف صوابعك على الضهر والضلوع القصيرة
❌ لو العظم حاد وبارز تحت إيدك بسهولة ⬅️ لسه ضعيف ومحملش
✔ لو حسيت بطبقة سميكة ومحتاج تضغط عشان تحس العظم ⬅️ ده عجل شايل لحم ودهن مظبوط
3️⃣ الفخذ وعظام الحوض (أهم حتة)
بص للعجل من ورا لازم الفخذ يكون مكبب وبارز
❌ لو بصيت على العضمتين اللي حوالين الديل (الحوض) ولقيت تجويف عميق والعظم بارز جدا = ده عظمه أكتر من لحمه
المنطقة دي لازم تكون مكسية لحم
(سر من راعي)
العجل الصح تلاقي شعره بيلمع وحركته نشيطة
❌ الشعر الخشن الباهت والخمول = عجل صحته متراجعة وضعيف
💬 قولنا في الكومنت
إيه أسوأ مقلب شفته أو سمعت عنه في شراء العجول؟ 👇
#راعي
