إسلام السمان - islam alsamman

31/08/2026

24/08/2026

24/08/2026

ارجوك ما تكسلش وقوم دلوقتي لم اجهزة البيت كلها سواء موبيلات او كمبيوتر، واعمل الخطوات دي، عشان تحمي نفسك واهل بيتك من خطر كبير جدا، صدقني الموضوع كبير بجد. ‼️

خطوات بسيطة جدا لو عملتها دلوقتي هتضمن ان مفيش أي مواقع غير لائقة أو محتوي اباحي يقدر يدخل بيتك تاني، وهتريح بالك وتخليك قاعد مطمن على اهل بيتك واولادك 💯

أيام ما كنت شغال في مركز صيانة الكمبيوتر كان عندي مبدأ ثابت ومستحيل أتراجع عنه، مفيش أي جهاز يدخل تحت إيدي عشان انزل عليه ويندوز جديد أو يتعمل له صيانة غير ولازم أطبق عليه طريقة حجب المواقع دي قبل ما اسلم الجهاز لصاحبه، سواء صاحب الجهاز طلب مني ده أو لا وسواء كان شاب أو رجل كبير أو أب جايب جهاز جديد لأولاده. 👨‍👩‍👧‍👦

كنت بحس إن دي أمانة في رقبتي ولازم أضمن إن الجهاز ده لما يخرج من عندي يكون آمن ونظيف تماماً وما يكونش سبب في فتح باب شر لأي حد.

وكمية الدعوات االي جتلي من أولياء أمور لما كانوا يكتشفوا إن أجهزتهم محمية بجد كانت بتبسطني جدا وتخليني مستمر على المبدأ ده مع كل الناس. 🤲

عشان كدة انا هشرحلك في المنشور ده ازاي تعمل كده بنفسك ومنغير ما تستخدم اي برامج خالص.

عشان نعمل الحركة دي بأعلى كفاءة ومن غير ما النت يحصل فيه مشاكل عندك أو يحصل أي حاجة في التصفح أو الشغل، هنستخدم الـDNS مخصص للحجب الآمن، الأرقام بتاعته هي 208.67.222.123 للأساسي و 208.67.220.123للفرعي.

وده ميزته إنه بيحجب المواقع غير اللائقة فقط ومستحيل يعطل أي موقع شغل أو دراسة أو يغير سرعة النت. عشان تطبق ده على #الكمبيوتر أو #اللابتوب بأسلوب بسيط جدا اكتب في بحث الويندوز اللي في شريط المهام تحت Network Connections بعدين اضغط على viewNetwork Connections واضغط كليك يمين على مصدر اتصالك بالإنترنت سواء من wifi او عن طريق سلك النت، وبعدين اضغط على Properties ودور على خيار اسمه Internet Protocol Version 4 واضغط عليه مرتين.

علم على خيار استخدام دي إن إس يدوي (Use the following DNS) واكتب في الخانة الأولى 208.67.222.123 وفي الخانة الثانية 208.67.220.123 واضغط اوكي، وبكده الكمبيوتر بقى محمي بالكامل في ثواني. 👏💯

أما بالنسبة للموبايلات فالموضوع أسهل بكثير 📲
في أجهزة #الأندرويد ادخل على الإعدادات بعدين الاتصالات والمشاركة أو الشبكة ودور على خيار اسمه DNS الخاص أو Private DNS او نظام اسماء النطاقات، واختاره واكتب فيه الاسم ده family.cloudflare-dns.com واعمل حفظ.

أما في #الآيفون فادخل على الإعدادات بعدين Wi-Fi واضغط على علامة التعجب اللي جنب اسم شبكتك وانزل تحت واختار تكوين DNS وخليها يدوي واحذف الأرقام القديمة وأضف السيرفر الأول 208.67.222.123 والسيرفر الثاني 208.67.220.123واعمل حفظ.
وبكده الموبايل اتأمن تماماً. 💯👏

ولكن أفضل طريقة تحمي بيها كل أجهزة البيت دفعة واحدة هي الراوتر نفسه، تقدر تفتح متصفح النت وتكتب في الشريط فوق 192.168.1.1 وتسجل دخول بكلمة السر المكتوبة على ظهر الراوتر وتدخل على إعدادات الشبكة المحلية LAN أو DHCP ودور على خانة Primary DNS و Secondary DNS واكتب فيهم الأرقام 208.67.222.123 وفي الثانية 208.67.220.123 واعمل حفظ واعمل إعادة تشغيل للراوتر.

بكده أي شاشة سمارت أو موبايل أو كمبيوتر متصل بهذه الشبكة هيتم حجب عنه المواقع دي أوتوماتيك من غير ما تضطر تظبط كل جهاز لوحده.

في النهاية احب اقولك ان الحركة دي مش مجرد إعدادات تقنية دي حماية حقيقية ونظافة لبيتك ولأولادك في زمن بقى المحتوى المريض فيه بيظهر في كل مكان بدون إذن. 😮‍💨

قوم دلوقتي لم الأجهزة اللي في البيت وطبق عليها الكلام ده ومتكسلش عشان ما تندمش بعد كده، الموضوع كله مش بياخد منك خمس دقائق بس الأمان والراحة اللي بتاخدهم مالهمش ثمن.

وياريت تشارك الموضوع ده عشان الناس كلها تستفيد، وانصح به كل اصحابك واي حد يهمك. 📣

ولو في حاجة مش عارف تعملها او الخطوات مختلفة على جهازك قولي وان شاء الله هقولك ازي تعملها.