الكثير متزوج لكن القليل لديه《 شريك 》حياة

- انت لسه منفصل عن ام ابنك و متجوز قريب صح؟
= اه من شهر تقريبا.. احنا كده هنتكلم جد بقا..
أنا ام إبني سـ ت محترمه جداً و أهلها ناس محترمين جداً.. فى الاول خالص لما روحت علشان نتجوز كانوا حرفياً شايلني فوق رأسهم و متكلموش معايا فى اى حاجه خالص و لما كلمت والدها فى الشبكة و فى المهر و الحاجات ديي قالي يبنى انا كل اللى عاوزه أن بنتي تبقى مع راجـ ـل يحافظ عليها اما الحاجات التانية ديه متخصنيش.

و وارد جداً أن ناس تبقى مع بعض و يبقوا مختلفين و الاختلاف ده مبيظهرش غير بعد الجواز فعلاً و بغض النظر عن كل ده انا بس عاوز افهم حاجه النهارده انا اتجوزت سـ ت و ربنا ما أرادش و قررنا أن احنا ننفصل ..فهل الطبيعي أنه علشان انا راجـ ـل يعني اقولها لا مش هطلقك و هبهدلك؟ هى ديه الرجـ ـولة يعنى ؟!
، انا النهارده ربنا رزقني بطفل.. الطفل ده اللى اختار أنه يبقى موجود انا مش هو فهو اللى حقة عليا مش انا اللى حقى عليه و انا و والدته انفصلنا علشان انا وحش أو علشان هي وحشة أو علشان احنا الاتنين كويسين أو علشان احنا الاتنين وحشين هو ذنبه ايه؟ ليه ميعيش حياة سوية؟ طيب ايه فكرة أن النهارده ست تبقي متجوزه راجـ ـل و يحصل بينهم مشاكل فتقرر أنه مش هوريك ولادك أو راجـ ـل ميصرفش على ابنه انا مع احترامي طبعا للناس ديه كلها فوق دماغى بس انا شايف أن انا و أم ابني اللي صح مش هما اللى صح خالص..

و علي فكرة زوجها هو عمر الشناوي ممثل معروف و زميل و احنا مكناش نعرف بعض خالص قبلها بغض النظر عن الاشاعات اللى طلعت أنه احنا كنا نعرف بعض و كنا اعز اصحاب و ضـ ـربني فى ضهري و الكلام المأساوى الكتير اللى حصل ده بس احنا مكناش نعرف بعض و بعدين كل ده حصل بمنتهى الأصول و انا اول واحد عرفت ان فيه حد متقدملها و بعدين فى الاخر ابني هيبقى عايش معاه ف كلمتني قالتلى يا محمد هيحصل كذا كذا كذا قولتلها هو راجـ ـل محترم جدا و لما انتي قولتيلي انا سألت علي الشخص و هو بجد راجـ ـل محترم جدا و انا كل اللى يهمني أن ابني يكون مع حد يراعي ربنا فيه.. هى الفكرة كلها ناس بتراعي ربنا فى بعض مش اكتر من كده مش بقا عشان هتتجوز اقولها طب هاتي ابني بقا ❤️

كمل حياتك

يعرف الإنسان
أنّ الأمور ستكون على ما يُرام، لكنَّة يرغَبَ بسماع ذلك بصوت إنسان آخر،
إنسانٍ يُحبّه..

- طب ليه زمان محاولتش كفاية علشاني، ليه لما بطلت أرد عليك محاولتش تاني؟
= يعني، ساعتها حسيت إنه مكانتش هتجيب نتيجة، كانت هتجيب نتيجة؟
- مش عارفة، بس أنا كان نفسي أحس إني فارقة معاك..
= ليلى إنتي مش متخيلة أنا قد إيه زعلت لما بعدنا عن بعض..
- بس أنا كنت محتاجة أعرف ده.
= هو إنتي مكونتيش متأكدة أنا قد إيه بحبك..
- حتى لو كنت محتاجة اسمعها تاني، وتالت، ورابع وكنت محتاجة إنك تثبتها لي بأفعال.

فيلم و فيها ايه يعني

‏" نحتاج أحياناً لشخص نخبرُه عن حالنا الحقيقي وليس الحـال الذي دائماً بخير 😔

- أنا مش عارف أعمل إيه علشان تسامحيني

= ماتعملش حاجة أنا مابقيتش مستنية منك حاجة خلاص ..

-أنا معترف بغلطتي اللي عملتها زمان .. إن أنا ماحاولتش كفاية
بس أنا مش هكرر الغلطة دي تاني ، تمام أنا همشي ..
بس هحاول تاني ، ولو فضلتي زعلانة هحاول تالت ورابع وعاشر
لحد ما تسامحيني ..
عشان إنتي تستاهلي إن أنا أحاول علشانك
وعلشان أنا مش هعرف أعيش من غيرك ..

فيها إيه يعني | 2025

الصوت العالي الكركبه اللي مبتخلصش اللعب اللي في كل مكان والأسئلة اللي ملهاش آخر 🤷 بس في وسط الفوضي دي في ضحكه بتطمن وحضن بيرد الروح ونظره بريئة بتقولك وجودك هو دنيتي كلها 🫂عيالنا هما أصدق سبب يخلينا نستمرر ونكمل مهما تعبنا 💫
ربنا يحفظهم ويهدي قلوبهم ويكبرهم قدام عنينا بخير وصحه وسعاده 💕

أحيانآ تجبرك الظروف أن تصبح في مفترق طرق
وترحل في طريق تسلكهُ وحدك
مهما كان الثمن وتبتعد💔.....

بحب الناس دي اوي 🥰😇
تختفي... يسألو عليك
تقول انك في كرب... من غير ما تطلب يغرقوك بدعواتهم
تقع في مشكله... تلاقيهم جمبك قبل منك اصلا 😄
تبقى مستني حاجه و قاعد على أعصابك.... تلاقيهم زن زن سؤال عليك
الحنيه و الدعم و الجدعنه في صورة بشر 💌
اللهم وسع رزقي من الناس الطيبه
اللهم وسع رزقي من حب الطيبين
اللهم إني أسألك حبك و حب من يحبك و حب نبيك و حب كل عمل يقربني إلى حبك 🤲🤲🤲🤲

لما تكون ماشي صح، وتكون واضح
واللي في قلبك على لسانك
ومتعرفش تنافق، ولا تلبس وشين
هتلاقي 95٪ من الناس مش طايقاك

بس عارف
ده أكبر دليل إنك ماشي في السكة المظبوطة
الناس مش دايمًا بتحب الصح، بتحب اللي يطبطب على غلطها

ما تزعلش
كونك مش محبوب من ناس بتحب التزويق والكلام المعسول
دي شهادة إنك أصيل

خليك زي ما إنت
واضح، صريح، ماتلبسش وشوش مزيفة

اللي يكرهك علشان كده
يبقى خسر شخص نضيف
مش إنت اللي خسرته

في المشهد ده بسمة قالت لجوزها كلمتين لخصوا الأمان بجد
في العلاقات قالت: "أنا مينفعش أكون بخاف منك ، مينفعش اكون طول الوقت حاسبة كلامي معاك ، انت جوزي ، العيشة بينا مينفعش يبقى شكلها كده!"

أكبر وأهم green flag في أي علاقة إن الشخص ده ينفع يكون "صاحبك" قبل ما يكون حبيبك..

تقدر تتكلم وتفضفض معاه براحتك من غير ما تخاف إنه يفهمك غلط ، أو تخاف من رد فعله لو غلطت بدل ما يوجهك بلطف ، وحتى لو زعل منك يتقبل إنك إنسان وبتغلط طبيعي.

تحس إنه شريكك في كل حاجه ومتبقاش شايل العلاقة كلها على كتفك وتبقى انت المسئول عن نجاحها لوحدك!

يكون بينكم أمان ناحية بعض ، تناموا وانتوا متأكدين إن مفيش خوف ، مفيش بعد ، مفيش غـدر ، حتى لو متخانقين الف خناقة مش هيبقى فيه إهـانة من أي نوع..

يبقى فيه مساحة تقدر تعبر فيها عن مخاوفك ومشاكلك زعلك والتصرفات اللي بتضايقك، أحلامك وطموحاتك؛ من غير ما يقلل من كل ده بالعكس يبني ويحلم معاك..

حد تحس معاه بمعنى كلمة "سكن". ❤️

"لو عايزك ف حياته مستحيل يسيبك تخرجي منها حتى لو انتى مش عايزة تكملي .. هايفضل محسسك انك مهمة..هايفضل باقى عليكي..!!

اللى بيحب مبيعرفش ينسى و لا بيعرف يمثل و يتصنع القسوة و الحاجات دى..!!
اللى بيحب بيقول كده بعينيه و افعاله قبل ما ينطقها..!!
اللى بيحبك هايتشقلب عشان يعرف بتحبى ايه و بتكرهى ايه و نفسك فى ايه و يعملهولك..!!
الحب مش سهل و لا هو كلمة كده بتتقال و خلاص ما كلنا بنقول لصحابنا و ناس نعرفهم اننا بنحبهم..بس الحب اللى بجد اللى هو اللى لما حد يجى يسألك " حبيتيه ليه..؟!! " تردى تقولى " معرفش..بس حبيته " .. الحب مبيستأذنش و هو داخل و لا بيحط رجل بره و رجل جوا..هو يا إما غصب عنك تلاقى نفسك بتحب و بتتشد و بتتعلق و بتفكر و تسهر و تسرح فى الشخص ده بدون سابق إنذار..يا إما انت محبتش..!