NUBalumni

بالتوفيق للجميع

معاذ هو واحد من أنجح الـIT system support engineer في اكبر الشركات في مصر ودلوقتي بيحضر الماجستير، حكايته مع النجاح بدأت من وهو طالب في المدرسة بعد ما اتعرف على عالم التكنولوجيا والاتصالات وتفاصيله المبهرة في مسابقة علمية كان من حظة الحلو إنه يشارك فيها .
المهندس معاذ محمد خريج كليه علوم الحاسب بجامعة النهضة NUB دفعة 2021، شغفه بالهندسة خلاه يسافر فرنسا والمكسيك وإيطاليا عشان يحضر مؤتمرات عن تكنولوجيا الشبكات ويزيد حبه وارتباطه بمجال الإتصالات... من بعد الثانوية جاتله منحة للدراسة في واحدة من أكبر جامعات الهندسة والإتصالات في الهند لكن ظروف خاصة خلته يرجع مصر بعد سنتين.

وبعد المستوى العالي اللي درس فيه قرر إنه يكمل مشواره مع التعليم في مصر ويكمل في كلية بنفس المستوى، واختار كلية علوم الحاسب في جامعة NUB

في فترة دراسته في NUB، معاذ أضاف لنفسه كتير أوي باجتهاده في استغلال امكانيات الكلية ومعاملها المفتوحة للطلاب تحت إشراف أكبر الاساتذة المتخصصين، واكتشف مهاراته وقدراته اكتر بالمشاركة في الأنشطة الطلابية المختلفة، وكان الطالب المثالي في الجامعة سنة 2020، والأول على دفعته خلال 4 سنين اتخرج بعدهم عنده هدف واحد إنه يحقق نجاحات كبيرة في سوق العمل

معاذ دلوقتي طالب ماجستير وبيحضر نفسه إنه يضيف بصمة في مجال الـIT عشان طموحه مالوش حدود، ولإنه اتعلم إن العلم والطموح مالهمش سقف.

اعرف أكتر عن كلية علوم الحاسب جامعة النهضة من هنا :
https://www.nub.edu.eg/programs/faculty-of-computer-science/

وسجل وابدأ أول خطوة في مشوار حلمك و قدم دلوقتي من هنا:
https://www.nub.edu.eg/admission-instructions/

أو كلمنا على : ١٩٢٠٦

قصة "أحمد" لازم تقف قصاد كل سطر فيها وتفكر إزاي انجح واوصل لهدفي زيه..من 5 سنين بس كان طالب، لكن دلوقتي بنى 8 مدارس جديدة و 5 هناجر في مجمع الصناعات ببني سويف، وبيشارك في بناء مشروعات ضخمة في العاصمة الإدارية الجديدة.

المهندس أحمد جمال عبد العظيم، خريج دفعة 2018 في كلية الهندسة بجامعة النهضة، في سنين قليلة كتب مسيرة تفوق ابهرتنا وبنحييه عليها، ومن الواضح إننا في إنتظار مهندس كبير هيسيب بصمة مهمة في مستقبل مصر.

أحمد كان الطالب المثالي في جامعة النهضة سنة تخرجه، ورئيس اتحاد طلاب هندسة وعلوم الحاسب سنة 2016، يعني إحنا قدام شخصية فعلا عارفة طريق التفوق والنجاح، وده اللى خلاه دلوقتي مش مجرد مهندس شاطر وبس لكنه من أصغر الأعضاء سنًا في مجلس إدارة نقابة المهندسين الفرعية ببني سويف.

سنة 2015 أحمد اترشح لتمثيل جامعة النهضة في المنحة التدريبية بجامعة بريمن الألمانية، ومن وقتها وطموحه زاد أضعاف، وبدأ يشارك في أنشطة كتير ساهمت في تشكيل شخصيته، وإزاي يكون إنسان مسئول وليه دور إيجابي في تغيير الواقع اللى حواليه، وعمل ده فعلا من خلال أنشطة مختلفة هدفها تنمية المجتمع على مستوى دعم الآسر الفقيرة ومحو الامية.

إحنا فخورين جدا بأحمد وعارفين إن في كتير من أولاد جامعة النهضة هيكتبوا لنفسهم في المستقبل قصص نجاح تشرف، وتستحق إننا نحكيها.

اعرف أكتر عن كلية الهندسة جامعة النهضة من هنا :
https://www.nub.edu.eg/programs/faculty-of-engneering/
أو كلمنا على : ١٩٢٠٦

إنك تكون أصغر مدير مستشفى في العالم، وموسوعة جينيس تكرمك لأنك سابق سنك، فأنت أكيد وراك قصة كبيرة تستحق الناس تعرفها وتستفيد منها.
قصة الدكتور علي نور الدين خريج كلية صيدلة NUB فعلا مختلفة، بداية من حياته في قريته بمحافظة قنا، كان طفل نشيط جدا، بيحب يتعلم وبيعمل 100 حاجة في نفس الوقت، وعنده شغف كبير محتاج مساحة تحتويه وتخرج منه كل المهارات وتثقلها وتحولها لحجر كريم.

وده بالظبط اللى حصل للدكتور علي في NUB، اللى فتحت قدامه عالم من التفاعل مع كل شيء مفيد حواليه من أول معامل الكلية ومصنع الادوية الفريد من نوعه في مصر، ولحد الأنشطة الطلابية الكتير اللى اتعرف خلالها على زملاء وأصدقاء من ثقافات مختلفة وقدر من خلال تجربته الدراسية والإنسانية في NUB يحقق النجاح في الكلية ويبقى الطالب المثالي لكلية الصيدلة ، وكمان يحقق النجاح الأهم في مستقبله المهني ويكون أفضل صيدلي حكومي على مستوى مصر وصاحب الرقم القياسي كأصغر مدير مستشفى في العالم.

جامعة NUB دايما فخورة بكل طالب خرج منها وقدر بالسعي والموهبة يخلق لنفسه طريق التميز ويهدي لبلده كادر جديد تتباهى و تسند عليه فى المستقبل

سجل وابدأ أول خطوة في مشوار حلمك و قدم دلوقتي من هنا:

https://www.nub.edu.eg/admission-instructions/

لمزيد من التفاصيل كلمنا على : ١٩٢٠٦

إعلان هام
تعلن إدارة شئون الخريجين عن بدء توزيع ملفات وشهادات خريجى دور فبراير 2021 (خريجى الترم الأول) لكلية طب الفم والاسنان واللذين قد أنهوا الإمتياز إبتداءا من يوم الأحد الموافق 19/6/2022
موفقين دائما إن شاء الله

إعلان هام
تعلن إدارة شئون الخريجين عن بدء توزيع ملفات وشهادات المعادلة لخريجى دور فبراير 2022 (خريجى الترم الأول) لجميع الكليات إبتداءا من الثلاثاء الموافق 31/5/2022
موفقين دائما إن شاء الله

السادة خريجي جامعة النهضة
مرفق لسيادتكم الرابط التالى نرجو من سيادتكم الدخول وملئ إستمارة تحديث البيانات وذلك للتواصل الدائم بين الجامعة وجميع الخريجين

Microsoft Forms

على الطلاب المتوقع تخرجهم لدور يوليو 2022 (الترم الثاني 2022) جميع الكليات والذى لم يقوموا بتسليم صورة لإدارة شئون الخريجين
الرجاء تسليم صورة حديثة خلفية بيضاء بحد أقصى 3 أيام من تاريخه وذلك لكى نتمكن من البدء في إجراءات التخرج
إدارة شئون الخريجين تتمنى لكم التوفيق دائما إن شاء الله

الطلاب المتوقع تخرجهم لدور يوليو 2022 (الترم الثاني 2022) جميع الكليات
الرجاء من سيادتكم التكرم بنشر رابط الصفحة لكى تتمكنوا من متابعة إجراءات التخرج
إدارة شئون الخريجين تتمنى لكم التوفيق دائما إن شاء الله