EleviA

أحد أقوى مؤشرات التعافي: أن ترى الفوضى بوضوح دون أن تشعر بأن عليك إنقاذها، أن تدرك أن بعض المعارك ليست معركتك، وأن بعض الأشخاص لا يحتاجون إلى منقذ ، بل إلى أن يتحملوا مسؤولية اختياراتهم.

حد غالي قالي جملة … عمري ما هنساها ...
" المرايا اللي تطلعك وحش … متبصش فيها تاني " ...
وقتها ابتسمت … وعدّيتها كأنها مجرد كلام عابر ...
لكن مع الوقت ... اكتشفت إنها مش جملة … دي فلسفة حياة كاملة ...
لأن في حياتنا مرايات كتير …
مش بس الزجاج اللي بنبص فيه الصبح قبل ما نخرج ...
لكن مرايات على هيئة ناس … مواقف … أماكن … وحتى أفكار ...
فيه مراية توريك تعبك وكأنه فشل ...
مراية تقلل من إنجازك وتكبر أخطائك ...
مراية تشككك في نفسك ... وتخليك تحس إنك أقل … أضعف … أو مش كفاية ...
المشكلة مش إن المراية موجودة …
المشكلة إنك تصدّقها ...
لأن مش كل مراية صادقة …
في مرايات مشروخة … تشوّه الصورة ...
وفي مرايات مغبّرة … تحجب النور ...
وفي مرايات حد تاني حاطها قدامك عشان يشوفك بالطريقة اللي هو عايزها ... مش بالطريقة اللي أنت عليها ...
أصعب لحظة … لما تبتدي تشوف نفسك بعيون المرايات دي ...
تبتدي تقلل من حلمك …
تعتذر عن طموحك …
تتراجع عن حقك …
وتبقى نسخة أصغر من نفسك الحقيقية ...
لكن الحقيقة البسيطة …
إنك مش مطالب تثبت نفسك لكل مراية ...
مش لازم تقف قدام كل حد عشان يقيّمك ...
مش لازم تصدّق كل رأي يتقال عنك ...
أحياناً أقوى قرار …
إنك تبعد ...
تبعد عن صوت بيكسرك ...
عن مقارنة بتستهلكك ...
عن بيئة بتحاول تقنعك إنك أقل ...
لأنك لما تبعد عن المرايا المشوهة …
بتبتدي تشوف نفسك بوضوح ...
بتكتشف إنك كنت أقوى مما تخيلت ...
أجمل مما قيل لك ...
وأقدر مما كنت مصدّق ...
الناس اللي بتحبك بصدق …
مش هتلمّعك زيادة …
لكن كمان مش هتشوّهك ...
هتوريك حقيقتك … بدون مبالغة … وبدون قسوة ...
اختار مراياتك بعناية ...
اختار اللي يشجعك مش يحبطك ...
اللي يطوّرك مش يحطّمك ...
اللي يقولك الحقيقة … لكن من غير ما يكسرك ...
وإفتكر دايماً …
مش كل مراية لازم تقف قدامها ...
وفي مرايات … مجرد إنك تبعد عنها … ده أول خطوة تشوف بيها نفسك صح ... ✨
أصل في النهاية …
القيمة الحقيقية مش في اللي الناس شايفاه فيك …
لكن في الصورة اللي أنت مصدقها عن نفسك ...! 💙

مش كل طفل ساكت… مرتاح
ومش كل طفل بيضحك… مبسوط
في أطفال… بيحاولوا يخبّوا وجعهم
علشان محدش يفهمهم غلط
اكتئاب الأطفال مش دلع
ولا قلة تربية
ده بيبان في:
طفل فجأة بقى هادي زيادة
أو عصبي على طول
مش عايز يلعب…
ولا حتى يعمل حاجات كان بيحبها
يمكن مش عارف يشرح
بس حاسس… ومحتاجك تسمعه
قرب منه…
اسأله بدون ضغط
وحسسه إنه أمان
لأن كلمة منك…
ممكن تنقذ قلب صغير
Heba Hamed | Teach Like a Chess Queen
We don’t teach answers… we teach minds.
.
.
… .