Mr. Grammar

Mr. Grammar " Ma7moud Sayed "
if you don't belong, don't be long 👌💜

10/07/2026

كلمتين صغيرين 💜😃

#انجليزي

دقيقة من وقتك ... رسايل كتير بتسأل هل انا بدي كورسات انجليزي ؟؟ الإجابة: اه ودي التفاصيل 🔴 كورس المحادثة : ✅🔴 لو انت مثل...
08/07/2026

دقيقة من وقتك ...
رسايل كتير بتسأل هل انا بدي كورسات انجليزي ؟؟

الإجابة: اه ودي التفاصيل

🔴 كورس المحادثة : ✅

🔴 لو انت مثلا مش عارف اي شيء في اللغة او حتى تعرف بعض الكلمات والقواعد البسيطة لكن مش بتقدر تتكلم أو تفهم الأجانب بسهولة، فالكورس ده مناسب ليك جدا.

🔹 نبذة عن الكورس:

✅ 8 سيشنز شهريًا ✅ مدة السيشن ساعة أو أكثر ✅ متابعة وواجبات بعد كل سيشن ✅ محادثات عملية من أول يوم ✅ تأسيس قوي في الكلمات والجمل المستخدمة يوميًا.

🔴 هنبدأ من الأساسيات زي:

• التعريف بالنفس • العائلة • الدراسة والعمل • الأكل والمطاعم • التسوق • السفر • المواقف اليومية.
ونبتدي نعلى واحدة واحدة.

🎯 الهدف من الكورس:

مش مجرد حفظ كلمات أو قواعد، لكن إنك تبدأ تتكلم باللغة الإنجليزية خطوة بخطوة، وتكون جمل بنفسك، وتفهم الكلام اليومي بشكل أفضل، وتكتسب ثقة أكبر في التحدث.

📌 في نهاية الكورس هتقدر بإذن الله:

✔ تعرف نفسك وتتكلم عن حياتك اليومية ✔ تتكلم عن شغلك أو دراستك ✔ تتعامل في مواقف يومية بسيطة باللغة الإنجليزية ✔ تفهم جزء أكبر من المحادثات والأفلام والمحتوى الإنجليزي

والسعر مناسب جدا.. متشلش هم.

👤 الكورس بيبقا برايفت (يعني شخص واحد فقط في السيشن ) عشان يبقا فيه اكبر قدر من الاستفادة 💪

ابعت رسالة خاص او على الرقم :
01068817274

اقسم بالله شرفتونا ورفعتوا راسنا 👏💪✅رغم السيناريو القاسي والظلم التحكيمي الا انكم فرحتونا بـ أدائكم المشرف مكناش نحلم ان...
07/07/2026

اقسم بالله شرفتونا ورفعتوا راسنا 👏💪✅

رغم السيناريو القاسي والظلم التحكيمي الا انكم فرحتونا
بـ أدائكم المشرف

مكناش نحلم اننا ننافس اساسا في دور الـ 16 مع بطل العالم

لكن دي مصر الفراعنة 💪👏💜

بالنسبة للشدْودْ والشوادْ " الشخص والفِكر " عندي كلمتين صغيرين للموضوع للي حابب يسمع خصوصا بعد حوار كاس العالم دا ويوم ا...
28/06/2026

بالنسبة للشدْودْ والشوادْ " الشخص والفِكر "

عندي كلمتين صغيرين للموضوع للي حابب يسمع خصوصا بعد حوار كاس العالم دا ويوم الفخـ.ـر اللي الجماعة اياهم بيحتفلوا بيه،، والانقح لما نلاقي بعض الناس العرب بتدافع عنهم...!!

بالنسبة للشخص "الشادْ"

لما يكون في انسان شادْ جنسـ.ـيا وبيمارس شدْودْه في الخفاء فالموضوع بيفضل مستخبي ومش معلن حتي لو عمل كدا الف مره.

اما لو الشخص دا جهر بفعلته!
هنا تحول الامر من كونك شخص الي كونك تحمل " فكرة " ،

ساعتها بنشوف، جهرك بفعل معين اكيد ليه اسباب صح؟

ايه اسبابك ؟

لقيناك بتقول ان فعلك عادي وطبيعي وان المجتمع جاهل ورجعي ومش بيراعي حقوق الناس وانا حقي ابقا شادْ!

طب ما حضرتك كنت شادْ في الخفا وبتمارس شدْودْك ميت فل اي اللي مش عاجبك ؟

هنا بقا النقطة المحورية ، انت هنا مش بتتكلم عن الفعل نفسه انت بتحاول تغير فِكر الناس عن فعلتك.

و اي تغيير بيكون ليه ضريبة فهل انت مستعد ليها؟؟

والانقح لما تحاول تنشر فكرك بين مجتمع رافض فعلك لاسباب كتير منها الديني ومنها المجتمعي ومنها الضرر،

نيجي بقا للحقوق والحريات والحكومات /

- واحد حر رافض ومش بيمارس الشدْودْ
- وواحد حر اخر بس بيمارس الشدْودْ .

راحت الحكومة هناك دعمت الشادْ عشان ينشر شدْودْه بمنتهي الحرية وقيدت حرية الاخر في رفضة للشدْودْ!

منطقيا بقا هل هنا الحكومة تدعوا الى الحرية فعلا ؟

نقطة اخرى :

هل الشدْودْ طبيعي ولا لا ؟

وهجيبها من نحايتهم هما ....

نبتدي بالعلم /

التطور فرض علينا علاقة بين ذكر وانثي فقط 👌

فدا معناه ان الشوادْ هينقرضوا عاجلا ام اجلا لان الاستمرار مربوط بعلاقة بين ذكر وانثي فقط ، اما غير كدا فهو شدْودْ لانه خالف قانون الطبيعة ،

وكل ما خالف المألوف فهو شادْ. 👌

حتي من ولد بمتلازمة تجعله يحمل كروموسومات انثوية مضاعفة مثلا فعلميا بيسموها طفرة ،

{ زي متلازمة كلاينفلتر } ..

او من ولد بنقص في هرمونات الذكورة او زياده هرمونات الانوثه ففدا بيصنف انه مرض يحتاج لعلاج.

📌 يعني انت علميا اسمك مريض.

طيب ايه حكم من يحاول نشر مرضه؟؟؟

اما بعض المدافعين المتشدقين بالحريات والاحترام!

هل انت تعى ما تقول ؟
هل هو حر انه يمارس شدْودْه في الخفا ام يجهر به،،
ام يحاول جعل فعله طبيعي عند من هم رافضين للفعل؟

ليه احترمت حرية الشادْ في نشر فكرة ولم تحترم حرية من يرفض ؟

اما من الناحية الدينية فالامر واضح وضوح الشمس ،
الشدْودْ كبيره من اكبر الكبائر

سيكلوجية الدين تنظر للمصلحة العامه وليس المصلحة الخاصة.

وهنا الكلام عن الشخص الممارس للشدْودْ مش مجرد واحد جواه ميول لا ترقى الى فعل...

بالمنطق كدا ، الشادْ دا مش محتاج شخص اخر يمارس معاه الشدْودْ ؟

طب الشخص الاخر دا مش من المجتمع ؟
يبقا هنا الموضوع طال المجتمع ولا لا ؟

عشان ميجيش عيل ويقولك الجملة الحمضانة بتاعتهم
{ مدام مش بيأذي حد يبقا سو وات }

لا هو ليه تأثير على المجتمع لانه بيحتاج شريك والشريك دا من المجتمع ...

وبلاش بقا الكلام بتاع { خليك في حالك انت مش وصي على المجتمع }

المجتمع دا انا عايش فيه وهتجوز منه وولادي هيعيشوا فيه وكل يوم بتعامل مع افراد هذا المجتمع ،، فمتجيش تقول انت مش وصي وبلا بلا بلا....

بناءا عليه يستوجب العقاب ولا يجب ترك من يفعل هذا الفعل حتى لا يألف الناس الفعل.

" التكرار يُفقِد الشعور"

يعني لما الشدْودْ نقبله بحجة الحرية هيجي وقت هيبقا زيه زي الاكل والشرب ويستصاغ بين الناس .

من هنا حرم الاسلام الموضوع بالكليه..

ودا بردو سبب نهي الاسلام عن الجهر بالمعصية حتى لا تستصاغ وتنتشر وتصبح طبيعية، وحتى لا تتحول من فعل خفي الي فكر منتشر. 👌

فقبل ما تقعد ترفع اعلامك ظنا منك انك تدافع عن حريتك فخليك فاكر انك بتدافع عن لذة فقط نشأت عن طفرة او ميول غير طبيعية او خلل او مرض عموما.

وانت قبل ما تدافع عنهم حتى لو انت مش منهم ظنا منك انك تدافع عن الاقليات ، طب ما تدافع عن الاكثر ؟

هتقولي الاكثر مش لازم يكونوا صح.

هقولك طب ليه فضلت الاقل علي الاكثر رغم انهم علميا ودينيا ومجتمعيا غلط ؟

وعلي فكرة في الدين زوجة سيدنا لوط ربنا اعتبرها منهم لانها دافعت عنهم فقط.

زي كدا في القانون الشريك في الجريمة له عقاب ، هو لم يرتكب الجريمة بنفسة ولكنه شارك فيها بمساعدة او تسهيل لها.

شوية منطق وهنبقا فل ، اما لو مشيناها فهلوه فمتقعدش تتك اوي علي رأيك لانه فهلوه لا يرقي لكونه شيء يعتبر.

وافتكر ان المجتمع بيدار بقوانين ولابد، يا ابيض يا اسود مفيش وسط. 👌

#انجليزي

شايف الفيلم دا !! Soul المرادي مش جاي اكلمكم عن ترجمة لاغنية ولا جاي اكلمكم عن الانجليزي. انا جاي اكلمكم عن فيلم من اكثر...
19/06/2026

شايف الفيلم دا !! Soul

المرادي مش جاي اكلمكم عن ترجمة لاغنية ولا جاي اكلمكم عن الانجليزي.

انا جاي اكلمكم عن فيلم من اكثر الافلام اللي اثرت فيا في حياتي كلها 👌

الفيلم مش عادي لانه بيلمس شيء مهم جوا كل واحد فينا ..

الفيلم قصته بتتكلم عن عازف بيانو محترف جدا وبيحب فن الچاز في الموسيقى ،، وكان حلم حياته انه حد يقدر فنه وانه يقدر يعزف في فرقة كبيرة او يعزف حتى امام جمهور كبير والناس تقدر موهبته

خصوصا انه ابوه كمان كان موسيقار زيه..

ومن حبه للموسيقى قِبل انه يشتغل مدرس موسيقى في مدرسة اطفال !! رغم ان دا اقل من امكانياته بكتير

وكمان امه كانت بتضغط عليه انه يركز في شغل المدرسة لان دا بيجيب فلوس ، وانه يبطل يجري ورا حلمه عشان الاحلام وعزف الموسيقى لوحدها مش بتجيب فلوس ومش بتدفعلك الفواتير..

ودا كان مسببله احباط كبير..

المهم بقا ايه اللي يحصل ؟؟

واحد من صحابه شغال في اكبر فرقة موسيقى في نيويورك يرن عليه ويقوله انهم محتاجين حد ضروري عشان في واحد محضرش في الفرقة وان مديرة الفرقة عايزة تقابله تشوفه

طبعا هو طار من الفرحة وراح جري على مكان الفرقة وقابل المديرة وانبهرت بعزفه جدا وقالتله معادنا بليل ، روح غير هدومك وبليل تيجي تعزف معانا امام الجمهور كله..

بالفعل هو طلع جري عشان يختار افضل بدلة عنده وكانت الفرحه بتطلع من عينه وهو طالع يجري ..

اثناء ما هو بيجري وفرحان جدا تحصل المفاجأة !!!

وهي انه وقع في حفرة ومات !!!!!!!

ايوه مات خلاص وانتقل لعالم الآخرة في نفس اليوم اللي كان هيحقق فيه حلمه !

ودي من اهم واعمق الرسائل في الفيلم اساسا ،، وهي انك وانت بتجري ورا حلمك ممكن تفقد حاجات كتير جدا في حياتك وفي الاخر ممكن متوصلش وتموت 💔

وكل دا ولسه اول 10 دقايق في الفيلم ،، لان الفيلم اساسا يعتبر بيبدا اول ما هو يموت ،

المهم هو بعد ما انتقل لعالم الاخره مكانش مصدق انه مات !
وقال الجملة الشهره بتاعته

{ لا اموت في اليوم الذي حصلت فيه على فرصتي }

وبعد محاولات منه انه يرجع للحياه تاني خصوصا انه شاف شريط حياته فقال { كانت حياتي بلا معنى }

فـ اصر اكتر انه يحاول يرجع يغير اي حاجه ويعمل اي انجاز في حياته

ورجع بالفعل وراح الفرقة وعزف ، وامه اللي كانت معارضاه جت وسط الجمهور وشجعته وكل الناس انبهرت بيه وسقفوله كمان وحقق حلمه خلاص

بعد كدا بيجي اهم مشهد في الفيلم كله …

لما خلصوا عزف والناس مشيت والفرقة كمان هتمشي ، وهو خارج مسبوط جدا بقا لانه حقق حلمه

فقال لمديرة الفرقة { ماذا بعد ؟! }

هي قالته { سنأتي غدا ونكرر ما فعلناه اليوم }

فهو رد { اهذا كل شيء ؟ ، لقد انتظرت هذا اليوم طوال عمري وظننت انه سيكون مختلف ؟!! }

هي ردت بقا بالحكمة بتاعة الفيلم كله فقالت…

{ انت تذكرني بقصة سمكة صغيرة كانت تسبح بجوار سمكه كبيرة في المحيط ،، فقالت السمكة الصغيرة اريد ان اذهب الي الشيء الكبير الذي يسمى المحيط ، فردت الكبيرة وقالت نحن فيه الان ، فقالت الصغيرة ، ماذا ؟! ، هذه مياة ، انا اريد المحيط !! }

هو فضل متنح كدا شوية وفهم بقا الموضوع...

ورسالة الفيلم هي باختصار...

اننا عايشين حياتنا وساخطين عليها وفاكرين انها هتتغير يوم ما نحقق حلمنا ، ولكن احنا ممكن نموت قبل ما نحقق حلمنا وكمان اليوم اللي هنحقق فيه حلمنا هيبقا يوم عادي جدا زي اي يوم ،، هناكل ونشرب وننام ونخرج مع صحابنا ،، كل دا عادي ،
فمفيش داعي نخسر كل دا عشان يوم ممكن ميجيش ،

والسر اننا نستمتع بكل يوم وبكل وجبه وبكل خروجه خرجناها لان هي دي الحياه اساسا
وان سر الحياه في الرحله مش في النتيجه ولا الوصول

الروتين اللي انت بتكرهه هو الحياه اصلا ،، ماتستناش يوم سحري يجي يغير حياتك كلها والا هتفضل عايش ومش هيجي اليوم دا ..

وبالفعل هو قرر انه يستمتع بكل شيء في الحياة متاح ليه ،،،

يستمتع بنور الشمس في الصباح الباكر والغروب ، وشكل الورد والسما ، وكوباية القهوة الجميلة ، والاكل اللذيذ ، وانه يتمشي عادي في الطريق وانه يعزف موسيقى ، بس المرادي هو بيعزف لنفسه..

لانه اكتشف ان الحاجات اللي كان فاكرها بسيطة دي طلعت هي الحياة كلها.

#انجليزي

حبايبنا 💜متاح كورس التأسيس والمحادثة اللي بنبدأه من الصفر للمبتدئين. بيبقا 8 سيشنز في الشهر ، بتعلم نتكلم فيهم عن نفسن...
18/06/2026

حبايبنا 💜
متاح
كورس التأسيس والمحادثة اللي بنبدأه من الصفر للمبتدئين.

بيبقا 8 سيشنز في الشهر ، بتعلم نتكلم فيهم عن نفسنا وشغلنا وحياتنا ودراستنا وعائلتنا....الخ....

يعني لو نفسك فعلا تتكلم انجليزي اتواصل معايا واحجز مكانك فيه بسرعة عشان نبدأ.

يا ريت اللي ناوي بجد يتواصل👌
بالتوفيق للجميع 💜

رقم التواصل واتساب / 01068817274

نصيحة لوجه الله 👌عشان تتعلم الانجليزي فالموضوع بياخد وقت يعني اي مكان او كورس يقولك انه هيخليك برفكت في اسبوعين او شهرين...
14/06/2026

نصيحة لوجه الله 👌

عشان تتعلم الانجليزي فالموضوع بياخد وقت
يعني اي مكان او كورس يقولك انه هيخليك برفكت في اسبوعين او شهرين او اي هري من دا فهو بينصب عليك خصوصا لو انت مبتدئ

ومش بقول دا عشان احبطك ولكن بفوقك عشان ميتنصبش عليك 💜

انا معايا ناس مستواها A1 وبيقولي انا هبقا C1 امتى !!

وعندهم كمية استعجال غريبة
لو فضلت مستعجل كدا عمرك ما هتتعلم صح
الاستعجال دا بيضيع عليك حاجات كتييير جدا

الموضوع بياخد وقت ومجهود وإلا مكانش حد غلب وكان كل الناس بقت بتتكلم انجليزي

عارف مرتبات الناس اللي معاها لغة كبيرة ليه ؟

عشان بذلوا مجهود ووقت يستحقوا عليه 👌

وحابب اقولك ان الاحصائيات بتقول ان 65% من الناس اللي بتبدأ في اللغة مش بيكملوا

عارف ليه ؟؟

ودا مش عشان اللغة صعبه بالعكس انت بتتكلم عربي اللي هو اصعب مليون مرة من الانجليزي

ولكن عشان الاسباب اللي قولتلك عليها.

لو عندك صبر ومش مستعجل وبذلت مجهود ووقت هتكون النتيجة انك تعمل حاجه 65٪ من الناس مش بتعملها 👌

ابدأ دلوقت وربنا يوفقك ومتستعجلش 🔥💜

12/06/2026

ترجمة اقوي مشهد في فيلم { نورمبرغ } 🔥👌🌹

#انجليزي

10/06/2026

ترجمة اغنية { حبة جنة } 👌🔥😃

#انجليزي

Address

الفشن/بني سويف
Beni Suef

Website

Alerts

Be the first to know and let us send you an email when Mr. Grammar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category