10/03/2026
أسد على الموظفين وفار قدام الإدارة. 😴
4 صفات للمدير اللي بيبيع فريقه للإدارة العليا عشان يحمي كرسيه! 📉
أسوأ من المدير العصبي، هو المدير الجبان اللي ملوش كلمة قدام الإدارة، وبيعمل فيها بطل عليكم أنتم بس:
1️⃣ بيقبل المستحيل
الإدارة تطلب منه تارجت خرافي أو ديدلاين مستحيل، بدل ما يدافع عن قدرة فريقه ويرفض، بيقول حاضر يا فندم ويرجع يعصركم أنتم. 🤒
2️⃣ يهرب وقت المصيبة
لو حصلت غلطة، عمره ما يقف قدام الـ CEO ويقول أنا المسئول كمدير، أول حاجة بيعملها إنه يرميك تحت القطر ويقول الموظف ده هو اللي غلط.
3️⃣ سرقة الانتصارات
لما تعملوا إنجاز عظيم، يطلع يعرضه قدام الإدارة ويقول أنا أنجزت، وكأنه هو اللي سهر واشتغل، وأنتم مجرد أدوات. 😅
4️⃣ بيديك وعود وهمية
يقولك أنا حاربت عشان أجبلك الزيادة بس الإدارة رفضت... وهو في الحقيقة مجابش سيرتك أصلاً عشان ميوجعش دماغه مع مديره.
المدير اللي مابيحميش ظهر فريقه مابيتسماش قائد.. ده مجرد دلدول بينقل الأوامر. 👋
