20/07/2025
التدريس دا مهنة عظيمة جدا والله
يبقي طالع عينك في شرح وتحضير وامتحانات وبمجرد ما طالب يقولك إنك كنت سبب في تحسن مستواه ، بتبقي طاير من الفرحة وتنسى كل التعب دا في ثانية
ولما بتلاقي ولي أمر بيقولك ابني مستواه اتحسن بفضل حضرتك بعد ربنا طبعاً وبقى بيحب مادتك وبيذاكرها علطول عشانك فبتحس ساعتها إنك بتملك الدنيا وما فيها والله
وعايز تبذل ضعف طاقتك ومجهودك بعد كدا عشان الكلمتين دول
صحيح التدريس متعب ذهنياً وجسديا وفي حاجات كتير والله ، بس بمجرد ما بتلاقي طلابك بيحبوك وبيقدروك فبتنسى أي حاجة تانية والله ♥👌🏻
