17/06/2026
الحمد لله وبعد :
تجويد القرآن مش مجرد صوتك يكون واو
التجويد معناه إن قراءتك وأحكامك تكون صحيحة
الهدف مش: إنك تتغنى بالآيات، أو تبهر اللي بيسمعوك .
الهدف الحقيقي: إنك تقرأ القرآن زي ما نزل بالظبط.. زي ما الصحابة قرأوه، وزي ما النبي علم الصحابه رضوان الله عليهم.
طيب ليه بنتعلم تجويد؟
التجويد هو اللي بيظبط التلاوة ويحميها ،
بيحفظ المعنى ،عشان ما نبدلش معنى آية بدون قصد.
بيدّي كل حرف حقه ومستحقه فما نضيعش حرف أو حركه
بيظبط السرعة بيمنع الاستعجال والسرعة الزايدة في القراءة ،
الأجر ثابت في كل الأحوال..
و افتكر دايماً قول النبي :
"الماهر بالقرآن مع السفرة الكرام البررة، والذي يقرأ القرآن ويتتعتع فيه وهو عليه شاق له أجران ,
ابدأ واحدة واحدة.. حتى لو غلطت، حتى لو نسيت.. المهم إنك بتحاول وبتتعلم، والمحاولة والتعلم في حد ذاتهم عبادة تؤجر عليها.
