ICPC Sphinx University

بما إننا دايماً بنسعى للتميز وتطوير مهاراتنا التقنية لمواكبة سوق العمل، مفيش فرصة أهم ولا أقوى من التحدي اللي بنستناه كل سنة عشان نختبر فيه قدراتنا الحقيقية في التفكير المنطقي والـ Problem Solving..

دلوقتي بقى جه الوقت لواحد من أهم الأحداث اللي بنستناه من السنة للسنة وبنكون متحمسين له جدًا
وهو مسابقة ECPC : Egyptian Collegiate Programming Contest 🔥
ايه هي مسابقة الـ ECPC؟
مسابقة الـ ECPC تعتبر مرحلة من مراحل المسابقة العالمية الكبيرة ICPC، واللي بتُعد من أقوى وأشهر مسابقات البرمجة على مستوى العالم 🌍
وبيشارك فيها أفضل الـ Problem Solvers وبيتنافسوا خلال 5 ساعات على حل مجموعة من المسائل باستخدام لغات البرمجة المختلفة، بهدف حل أكبر عدد ممكن في أقل وقت
والمسابقة بتمر بعدة مراحل:
◀️ أول مرحلة: Qualification ECPC
المرحلة دي بتكون على مدار أيام، وكل يوم بيشارك فيه عدد من جامعات الجمهورية، وبيتأهل منها أفضل الفرق من كل جامعة علشان يوصلوا للنهائي المصري
◀️ ثاني مرحلة: النهائي المصري ECPC
هنا بيتجمع أفضل الفرق من كل الجامعات، وبيتنافسوا على المراكز اللي بتأهلهم للمرحلة الأكبر وهي تصفيات الوطن العربي وأفريقيا
◀️ ثالث مرحلة: ACPC (تصفيات الوطن العربي وأفريقيا)
في المرحلة دي بتتنافس الفرق المتأهلة من مصر مع فرق قوية من مختلف الدول العربية والأفريقية.
◀️ المرحلة الأخيرة: ICPC (العالمية)
ودي القمة ، اللي بيوصل لها أفضل الفرق على مستوى العالم، والمنافسة فيها بتكون على أعلى مستوى، والوصول لها إنجاز كبير جدًا وأبواب كتير بتتفتح بعده

ايه اللي يخليني اشارك ف المسابقة وايه اللي ممكن استفيده منها؟ 🤔

اول واهم حاجة طبعا وهي اننا ف خلال الفترة اللي قبل المسابقة ديه بنتدرب بشكل مكثف وبالتالي بنطور مستوانا ف ال Problem Solving بشكل كبير وده السبب الاهم اللي بيخلينا نشارك ف المسابقة لأنها طبعا اهم مهارة من المهارات اللي مهم جدا انها تكون عندك ف المجال بتاعنا علشان تكون Software Engineer ممتاز و تقدر توصل للشركات الكبيرة

تاني حاجة هي انك بتتعلم مجموعة كبيرة من المهارات من خلال التدريب بتاعك قبل المسابقة زي انك بتتعلم ازاي تشتغل جوا تيم وازاي تتعاونوا مع بعض ف انكم توصلوا لحل مشكلة معينة وازاي تشتغل تحت ضغط وازاي توصل للحل ف وقت قصير وبأقل الموارد

ثالث حاجة يا عزيزي إن ديه بتكون فرصة مهمة جدا وفريدة من نوعها مش بتيجي غير مرة كل سنة واجوائها بتكون رائعة جدا ومميزة وبتخليك تقابل وتتعرف علي ناس جديدة من كل انحاء الجمهورية من المجال بتاعنا وبيشاركوك نفس الاهتمامات وتقدر انك تتكلم معاهم وتستفيد منهم وتتنافس معاهم كمان ف المجال بتاعنا

رسوم المشاركة بتاعت ال ECPC السنة ديه 1500جنيه للتيم الواحد (500 لكل فرد)
ملحوظة : للتيمات اللي هتتأهل علشان تمثل الجامعه في ال ECPC فقط إنما مراحل ال Qualification اللي بتكون في الجامعه مجانيه طبعا .
وبعد ما بتدفع الرسوم للمسابقة بنتولي احنا مهمة تسجيل التيمات ..

📌 تفاصيل Qualification عندنا:

وعشان نجهزكم بأفضل شكل، هننظم ليكم اتنين Contest:
1️⃣ الـ Contest الأول: وده هيكون تجريبي بالكامل، الهدف منه إنكم تجربوا الأجواء وتفهموا الدنيا ماشية إزاي بشكل مبدئي, وهيكون معاده يوم السبت القادم بتاريخ 2026/4/4.

2️⃣ الـ Contest الثاني: وده هو الـ Qualification، وبناءً عليه هيتم تحديد واختيار الطلبة اللي هيتأهلوا ويمثلونا في المسابقة بإذن الله, وهيكون معاده يوم الأربعاء القادم بتاريخ 2026/4/8

بالنسبة للمواعيد وأي تفاصيل تاني تبعونا علي جروب الوتس ودا اللينك الخاص بيه الQualfication

https://chat.whatsapp.com/DIA5zKoBWpk8klcAmAiKF7?mode=gi_t

https://forms.gle/AmrJ7t6aLkmgxfrG8

دا لينك فورم التسجيل اللي جاهز وهيشارك في ال contest فقط
يقدر يسجل في الفورم

جاهزين للتحدي؟ 🔥

مكملين المشوار.. خلصنا الأسبوع الأول من الـ Marathon! 🏆
فيه ناس بتبدأ وبتقع في النص، وفيه "وحوش" نفسهم طويل ومكملين مهما كانت غيبوبة الفطار صعبة! 🔥 الـ Leaderboard في اليومين اللي فاتوا ولعت، والمنافسة بقت بالثواني والـ Penalties.

ليه بنعمل كده؟ 🤔
عارفين إن الالتزام في وسط العزومات والمسلسلات والعبادة صعب، بس الـ Problem Solving مش مجرد حل مسائل، ده Mental Toughness (صلابة ذهنية). اللي بيقدر يحل وهو صايم أو بعد التراويح، بيقدر يخلص أي Task تقيلة في شغله بعد كده بسهولة. 💪🧠

💡 تذكير سريع بالسيستم:
ساعة الصفر: 11 بالليل المسألة بتنزل كل يوم عدا الجمعه 🕙

🔗 لو لسه بعيد عن المنافسة.. ادخل وجرب نفسك في اللي جاي:
https://codeforces.com/group/HmMTxESObl/contests

💬 جروب المتابعة والنقاشات (لو واقف قدامك فكرة):
https://chat.whatsapp.com/JyASU5OfMff0sBalgR2wVb

"العبرة بالخواتيم".. اللي بدأوا كتير، بس اللي هيكملوا هما اللي أساميهم هتفضل منورة في الـ History بتاع الجروب. 🔥🚀

غيبوبة ما بعد الإفطار؟.. خليك "بروجرامر" فايق في رمضان! 💻🚀
كلنا عارفين إن رمضان والكسل صحاب، والـ Problem Solving بيبقى في "ذمة الله" بعد الفطار 🫠. بس إحنا مش هنسيبك "تأنتخ" وتضيع مجهود الشهور اللي فاتت!

عشان كده، قررنا نرجع "الفورمة" بتحدي يومي خفيف ولطيف.. بنقدم لكم:

✨ Marathon Problem Solving ✨
إيه الحكاية؟🤔
المارثون ده مش مجرد حل مسائل، ده "دايت" لعقلك عشان ميكسلش! 🧠

مسألة واحدة يومياً: مش هتاخد من وقتك، بس هتخلي الـ Logic بتاعك دايماً شغال.

الباب مفتوح للكل: سواء كنت بتدرب معانا أو زميل حابب يشاركنا التحدي، مكانك محجوز ومنورنا في العيلة! 🤝🥰

عشان توازن بين العبادة والـ Coding، ده السيستم اللي هنمشي عليه:
🏁 صافرة البداية: السبت الجاي 21 فبراير (الموافق 3 رمضان)!🌙🤗
🕙 ساعة الصفر: المسألة هتنزل 11 بالليل (أحلى وقت للتركيز بعد التراويح وقبل السحور)🤩
☕ الهدنة: يوم الجمعة إجازة "فصلان" للعبادة والأهل 🥰🤗

🔗 لينك التحدي على Codeforces (دوس Join واستعد):
https://codeforces.com/group/HmMTxESObl/contests

💬 وعشان محدش يتوه أو يكسل، عملنا جروب للمتابعة:
لو واجهتك مشكلة في الحل، أو حابب تدردش في فكرة المسألة، وكمان عشان نفكرك بالمسألة يومياً.. انضم لينا هنا:
https://chat.whatsapp.com/JyASU5OfMff0sBalgR2wVb

"قليلٌ دائم، خيرٌ من كثيرٍ منقطع".. رمضان فرصة ذهبية للالتزام، والبداية من هنا. مستنيين نشوف أساميكم بتنور الـ Leaderboard! 🔥🏆

ربنا يتقبل منا ومنكم صالح الأعمال ويوفقنا لكل خير ❤️🥰🤗

﴿ شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۗ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ﴾ [ البقرة: 185]🌙✨

كل سنة وأنتم طيبين بمناسبة حلول شهر رمضان المبارك. أسرة ICPC Sphinx University بتهنئكم جميعاً وتتمنى لكم شهر مليان بالخير والبركة والسكينة. 🕌🧡🕊️

يا رب يكون شهر كله توفيق، والـ "Accepted" ميفارقش حياتكم ولا الـ Submissions بتاعتكم ✅💻، وتطلعوا منه بأعلى Gain في الطاعات وفي الـ Problem Solving كمان. 📈🌙

صوماً مقبولاً وإفطاراً شهياً.. وكل سنة وأنتم طيبين 🥰🤗
الواحد في انتظار صلاة التراويح والـ Night Sessions! 🌌😍😍🥳

🌙💻

الراوند دي موجهة للي حابب يكون جزء من كيان طلابي،
يتعلم 📚، يشتغل ضمن فريق 👥، ويشارك في بناء حاجة حقيقية على المدى الطويل.

إحنا بندوّر على ناس:

عندها فضول تتعلم وتطوّر نفسها 🚀

بتقدّر العمل الجماعي 🤝

مستعدة تلتزم وتتحمّل مسؤولية دورها ✅

كونك Member معانا يعني:

مشاركة فعلية مش مجرد اسم ✨

تجربة عملية داخل فريق منظّم 🛠️

مهارات بتتكوّن مع الوقت ⏳

مساحة تحترم المجهود وتقدّر الالتزام 🌱

📌 ملحوظة: التقديم متاح لحد
يوم الأحد الساعة 11:59 PM ⏰

لو شايف نفسك في الكلام ده،
سجّل من هنا 👇
https://forms.gle/8pDA2wiMC6wbgADJ6

ICPC Sphinx University
بنشتغل مع بعض… وبنطوّر نفسنا خطوة خطوة 💪🏻🧠

✨ A Great Start!
أول إيفينت لينا السيزون ده واللي اتكلمنا فيه عن البرمجة و Problem Solving وقدّمنا فيه مقدمة قوية عن اللي مجهزينه للطلبة الفترة الجاية 👨‍💻🔥

الإيفينت كان خطوة مهمة في رحلتنا، وشاركنا فيها أساسيات مهمة هتكون حجر الأساس لكل اللي ناوي يبدأ مشواره في المجال.
استقبلنا أسئلة رائعة، وتفاعل مميز… وده أكبر دليل إننا ماشيين على الطريق الصح ✨

وده مجرد البداية!
المحتوى الأكبر، الشغل الأعمق، والتدريب الحقيقي… كله جاي قدّام 👀🚀
استنونا في السيشن الجاية، وحرفيًا هتتغير طريقة تفكيركم في البرمجة بالكامل.🥰🤗

🔥 جاهزين نبدأ الرحلة؟
-الجمعه الساعة 8:00 مساءً هنبدأ أول سيشن أونلاين… السيشن الأهم اللي هنبني عليها كل مشوارنا الجاي.

🎯 في السيشن دي هنعمل إيه؟

نشرح الموقع الأساسي اللي هنشتغل ونتعلّم عليه خطوة بخطوة✨.

📍نوضح النظام الكامل للمحتوى، والمهام، وطريقة المتابعة.

📍نديك معلومات مهمة وأساسية لازم تكون معاك من قبل ما نتحرك لقدّام.

📍هنحط الأساس الحقيقي للمشوار… بحيث تبقى فاهم كل حاجة من أول دقيقة.

💡 ليه دي أهم سيشن؟
-لأنها هترسملك الطريق، وتوضحلك إزاي هنتطور مع بعض بشكل منظم وواضح… بدون لخبطه ولا ضياع وقت.

📍الجمعه – 8 مساءً – أونلاين
استعد… البداية دي هتفرق معاك جدًا.
جاهز؟ 🚀

تابعو جروب الواتس اب لانه هو الي هينزل عليه كل تفاصيل السيشن ✨

اللينك 👇:

https://chat.whatsapp.com/LvbIIm6pvMJ8Zfcai3BBDZ

.

فتح باب التقديم لتدريب ICPC – Sphinx Community! 🚀🔥

لو نفسك تبدأ في الـ Problem Solving أو تطور مستواك وتخشّ عالم الـ Competitive Programming بقوة…
فالفرصة وصلت! 💪✨

دلوقتي فتحنا فورم التقديم لتدريب ل icpc sphinx community ، والتدريب هيكون شامل من أول الأساسيات لحد مستوى قوي يخليك جاهز للمسابقات. 🧠💻

🎯 التدريب مناسب لـ:
• المبتدئين اللي عايزين يبدأوا صح
• الناس اللي عندها أساسيات وعايزة تطور
• أي حد نفسه يدخل مجال الـ ICPC ويدِّي نفسُه فرصة حقيقيه

قدّم دلوقتي من خلال الفورم:
⬇️⬇️

https://forms.gle/zWcZsd5KMarnRwF37

⏰ اماكن محدودة – الحق مكانك قبل ما التسجيل يقفل

📍يوم الأربعاء الساعه ١٢ بليل هيتم قفل الفورم .

وده جروب واتس اب:

https://chat.whatsapp.com/LvbIIm6pvMJ8Zfcai3BBDZ

استعدوا ليوم مليان تحديات، تعلم، وفرص جديدة للتطوير الذاتي!😍

إن شاء الله هنكون معاكم ونشارككم فعاليات ومسابقات وهدايا ونعرفكم علي خطتنا للفتره الجايه وايه اللي احنا مجهزينه ليكم ✨

الزمان ⏱️: يوم الأحد 30/11/2025 من الساعة 11 صباحًا للساعة 1 ظهرًا.
المكان 📍: مدرج A – كلية حاسبات ومعلومات

لكن المفاجآت هتبدأ من بدري🫣…

📍من الساعة 9:30 صباحًا هنكون قدام الكلية مجهزينلكم مسابقات برمجية وتحديات وفعاليات حماسية تعزز مهاراتكم وهدايا تشجعكم على المشاركة والتفاعل💪❤️

متفوتش علي نفسك فرصة وجودك في حدث ممكن يكون نقطه تحول في حياتك المهنيه وأول خطوه فعليه في طريقك ك Problem Solver شاطر✨

Waiting for you 😍✨