EngliDo

بما ان الساعه هتتغير انهارده بليل وهنرجع للتوقيت الشتوي تعالوا نعرف معناه بالانجلش
التوقيت الشتوي هو "standard time"
For ex: The return to standard time is today.

تعالوا نعرف الفرق بينهم 🤔
A shadow is a dark shape made on a surface when something stands between a light and the surface.
لما ابقى عايزه اقول ضلي تبقى My shadow
فهنا shadow بيقولنا انها شكل مظلم بيتعمل لما شخص او حاجه تكون موجوده بين ضوء وسطح.
Ex: When I was young, I used to be afraid of my own shadow.
طب لما ابقى عايزه اقول الضلة اعمل ايه؟
في الحالة دي بنقول shade
Shade is an area that is dark and cool because the sun cannot reach it:هنا shade معناها المكان الضلة اللي بيكون الشمس مش وصلاله فبيهون في حر الصيف.
Ex: Let's sit in the shade of that tree.

عارفين النور الخافت اسمه ايه؟
Gleam is a faint or brief light, especially one reflected from something.
Ex: The gleam of a silver tray.
The gleam of a match.

كلنا عارفين الشخص اللي بينم عن كل حد يعرفه وكل حاجه بتحصل قدامه حرفيا 😂🤦🏻‍♀️
الشخص ده بنقول عليه بالانجلش Gossiper
He/she is a person who habitually reveals personal or sensational facts about others.
قولنا بقا كنت تعرف المعلومة دي قبل كده ولا لا؟ 🤔

داخلين بقا على أجواء المصايف والعوامة شئ اساسي معانا طبعا 😂❤️
A float is a light object that is used to help someone or something float.
شوف اول كومنت عشان تسمع النطق الصح ليها 😉

معانا كلمة جديدة ليها علاقة باللبس الفورمال وخصوصا بقى لو فى مقابلة شغل او مناسبة وهى ازار الكم cufflinks
It's a small decorative object used to fasten shirt cuffs.
هى عبارة عن ازرار صغيرة للزينة بنستخدمها لقفل اطراف كم القميص
Ex : The old man is wearing his green tie and cufflinks all the time.

تعالوا نعرف الفرق بين able و capable
طيب مبدئيا الاتنين بنفس المعنى اللي هو "قادر على"
To have sufficient power, skill, or resources to do something.
والاتنين adjectives
الله اومال ايه الفرق بينهم؟؟
بكل بساطة الفرق بينهم في الصياغة
فمثلا بنقول we were able to see them
Is he capable of managing a company?
نستنتج من كده اننا بنصيغ الاتنين ف الجمل بشكل مختلف
Able + to + inf.
Capable + of + ing form

بما اننا مصريين وبنحب وبنعتز بتاريخنا الفرعوني فمعانا كلمة ورمز مهم فى مصر القديمة واللى هى
"scarab beetle" الخنفساء السوداء
In ancient Egypt, scarab beetle symbolized the whole cycle of life, both death and rebirth.
الخنفساء السوداء على عكس اللى قدمته لينا السينما الغربية بأنها رمز للشر والدمار فى الأفلام زى سلسة افلام the mummy لكن رمز الخنفساء بالنسبة للمصريين القدماء كان رمز لدورة الحياة الكاملة من الموت والبعث.

لو روحت رحلة لمكان صحراوي قبل كده زي الفيوم او سيوة مثلا اكيد شوفت لما بيولعوا نار بليل بالخشب كطريقة للتدفئة وبيتجمعوا حواليها حفرة النار دي بقا اسمها بالانجلش fire pit 🔥



a dug out area or open container outside in which a fire can be lit.



Ex: When I went to Fayoum, we sat around a fire pit and it was a great experience.



لو تعرفوا بقا الحطب اسمه ايه اكتبولنا ف ال comments ⬇️