Contact information, map and directions, contact form, opening hours, services, ratings, photos, videos and announcements from Start Coding Today, Education, Asyut.
مرحبًا بكم في "بداية تعلم التصميم
بالعربية - Start designing Today"! 🚀💻
هل أنت جديد في عالم الui-ux وتبحث عن نقطة انطلاق مثالية؟ نحن هنا لنساعدك على بدء رحلتك في البرمجة بطريقة سهلة وممتعة!
27/04/2026
الحمد لله، تعب مجهود كبير بيتحول لنجاح ملموس! 🤍💪
لسه مستلمة تقرير تقييم الأداء الخاص بي كمدربة، ومبسوطة جداً بحصولي على درجة 99/100. 🌟
أكتر حاجة بتفرحني هي التغذية الراجعة الإيجابية عن طريقة تفاعلي مع الطلاب وإدارة الحصة، وده لأن هدفي دايماً إن الطالب يخرج من الحصة مش بس فاهم برمجة، لكن كمان حاببها ومتحمس يطبقها بنفسه.
خطوة جديدة في طريقي كمدربة تكنولوجيا، والقادم أفضل بإذن الله! ✨💻"
#نجاح #برمجة #الحمدلله
البرمجة مش مجرد أكواد معقدة، هي في الأساس "ترتيب منطقي" (Sequences) للأفكار! 🧠💡
وعشان أشرح المبتدئين إزاي الكمبيوتر بينفذ الأوامر بالترتيب خطوة بخطوة، صممت القصة التفاعلية البسيطة دي على برنامج Scratch. الفكرة إن في شخصيتين بيتكلموا مع بعض، والتحدي اللي بيتعلمه الطالب هنا هو إزاي يستخدم أوامر الانتظار (Wait blocks) بذكاء عشان الحوار يكون طبيعي والكلام ميدخلش في بعضه.
من خبرتي كمعلمة ، التطبيق العملي المليان ألوان وحركة دايماً بيكسب في توصيل المعلومة أسرع مليون مرة من الشرح النظري! 🚀
#سكراتش
من الحاجات اللي شدتني في UX، وحبيت أتكلم عنها لنفسي ولكل مبتدئ زيي، هي فكرة:
User-Centered Design (UCD)
تعريف UCD:
أسلوب تصميم بيضع المستخدم واحتياجاته في المقدمة وفي المركز. تركز العملية دي في كل خطوة من خطوات التصميم على احتياجات المستخدم عشان نضمن تقديم منتج فعّال ومناسب.
طب إيه هي الخطوات؟
Understand (الفهم):
أول خطوة هي إننا نفهم تجربة المستخدم مع المنتجات الحالية، المشاكل اللي بتواجهه، واحتياجاته.
مثال: بنسأل الناس اللي بيستخدموا تطبيقات مشابهة وبنحاول نعرف إيه أكتر حاجة مضايقاهم أو بيحتاجوها.
Specify (تحديد الاحتياجات):
بناءً على الفهم اللي حصل في الخطوة الأولى، بنحدد احتياجات المستخدم النهائي ونحولها لمتطلبات واضحة للفريق المصمم.
مثال: لو المستخدم قال إنه محتاج لأداة تسهّل متابعة مهامه اليومية، ده يبقى متطلب منه لازم نشتغل عليه.
Design (التصميم):
في الخطوة دي، بنبدأ نحول متطلبات المستخدم لحلول تصميمية زي نعمل نماذج أولية (Prototypes) أو رسم تخطيطي لواجهة المستخدم.
Evaluate (التقييم):
هنا بنرجع للمستخدمين الفعليين ونعرض عليهم النماذج اللي صممناها عشان نجمع ملاحظاتهم ونحسن التصميم بناءً على آرائهم.
طب ليه الطريقة دي مهمة؟
لأنها بتركز على المستخدم وتساعد في تصميم منتجات تخدم احتياجاته فعلاً، وده بيوفر تجربة ممتعة وسهلة لأي شخص يستخدم المنتج.
وبس كدا 😻
هل جربتوا من قبل منتج مصمم بشكل بسيط وسلس ملبي لاحتياجاتك ،شاركوني برأيكم ❤️
أحيانًا بنحتاج نستكشف مجالات جديدة تكون أقرب لشغفنا وتناسب طموحاتنا.
ومن هنا بدأت رحلتي في تعلم UI/UX Design. قررت أشارككم تجربتي اللي بتطور خطوة بخطوة، عشان نتعلم مع بعض ونتبادل الأفكار.
إن شاء الله تكون رحلتي مصدر إلهام وفائدة لأي حد بيفكر يبدأ في المجال ده! 💡✨"