أ.أندرو هانى - Mr.Andrew Hany

الإجازة مش مجرد وقت للراحة وبس🤷🏻‍♀️

استمتع بإجازتك، اخرج وغير جو وخد حقك من الراحة، لكن متضيعش الفرصة اللي بين إيديك.

ساعة أو ساعتين كل يوم ممكن يفرقوا فرق كبير جدًا بعدين، اقرأ حاجة جديدة ،اتعلم مهارة تفيدك ،راجع أساسياتك، اشتغل على هدف نفسك توصله🤷🏻‍♀️

متستناش بداية الدراسة علشان تبدأ، لأن اللي بيبدأ بدري بخطوات بسيطة بيوصل أسرع وبمجهود أقل.

افتكر دايمًا إن النجاح مش بيجي مرة واحدة، لكنه بيتبني قطعة قطعة، ويمكن قطعة "استغلال الإجازة" هي اللي تكمل الصورة كلها❤️

سنه ميلادية
و سنة هجرية
رمضان
عيد ميلاد
عيد فطر
عيد قيامة
عيد اضحي
كاس عالم
و دوري ياخده الزمالك
احمد العوضي و روح
و انت لسة بتفكر تبدأ تذاكر بجد قوم و سيب الزفت اللي فايدك و ذاكر😂

متزعلش طول ما إنت بتغلط 💯

كل سؤال غلط بيكشفلك نقطة ضعف، وكل نقطة ضعف بتعرفها دلوقتي أحسن ما تفاجئك يوم الامتحان.

متخافش من الغلط في المذاكرة والمراجعات، خاف إنك تكرر نفس الغلط ومتعرفش سببه.

#تالته

أيون النحاس || لما يلاقى الكاثود فى خلية دانيال :

سخروا منهم قبل السفر .. فقدموا بدايه ولا اروع 🇪🇬😍
وانت كمان قبل بداية رحلة الامتحانات
سيبك من اي سخريه او اي كلام بيضغطك .. افصل نفسك واشتغل ❤️
بعيدا عن المنتخب لاننا حاليا في وقت مراجعات مش وقت كوره .. لكن كل اللي جه في بالي ان كتير منكم مضغوطين بسبب كلام ناس كتير .. سيبك منهم واشتغل لحد اخر لحظه .. ربنا شايف ❤️
🇪🇬💪

خالص الشكر والتقدير لإدارة "مدرسة أحمد محمد موسى الثانوية بنات" على المجهود المبذول لخروج هذا الجيل المشرف.

​فخور جداً ومبسوط إني أبارك لطلابي المتفوقات اللي دايماً رافعين راسي، وأخص بالتهنئة:

​🏆 من أوائل الصف الثاني الثانوي (الشعبة العلمية):
​الطالبة المتميزة/ سلمى أحمد عبد الفتاح عسران – لحصولها على المركز الأول.

​الطالبة المتميزة/ ياسمين أحمد عبد الفتاح عسران – لحصولها على المركز الثاني.

​الطالبة المتميزة/ نوران شعبان أحمد محمود علي – لحصولها على المركز الخامس.

​🏆 ومن أوائل الصف الأول الثانوي:
​الطالبة المتميزة/ ندى رفاعى عبد الحميد محمود – لحصولها على المركز الثامن.

​ألف مبروك لكل الطالبات، ومن نجاح لنجاح دايماً إن شاء الله♥️♥️🙏

فخفخينتك و قولنا 🧃
إيه السؤال اللي لو اتسألك هتبقى اجابته د أندرو 🤔

أسئله كتير متغيرة بس الثوابت واضحة 😉

#الكيمياء

⚽️ بدأت انطلاقة بطولة كأس العالم... ومعاها بدأت بطولتك إنت كمان.

وافتكر دايمًا إن بطل العالم مش بيتحدد في ماتش واحد، وإنت كمان مجموعك مش بيتحدد في يوم واحد.
فخلي نفسك طويل، وركّز في كل خطوة، واستحمل ضغط الأيام الجاية، لأن الأبطال الحقيقيين هما اللي بيكملوا للنهاية مهما كان الطريق صعب.

كل ساعة مذاكرة دلوقتي هي خطوة أقرب لهدفك... فكمّل، واجتهد، وخلي عينك على لحظة الفوز اللي مستنياك. 🏆

الطلاب الفترة دي: 😂😂

جه وقت كراسة أخطائي ⏳📒

طول السنة كنا بنقولك اكتب غلطاتك ومتكررهاش...
دلوقتي جه وقت الحصاد. 💪

في ليالي الامتحانات، بدل ما تتوه بين مئات الصفحات، افتح كراسة أخطائك وراجع أكتر الحاجات اللي كانت بتوقعك.

ممكن سؤال واحد من اللي كنت بتغلط فيه يفرق معاك درجات كتير يوم الامتحان.

📌 لو عندك كراسة أخطاء، راجعها.
📌 لو مهملها، طلعها من الدرج حالاً.

دي مش مجرد كراسة...
دي ملخص رحلتك مع كل غلطة اتعلمت منها. 🔥📖