عيادة دكتور محمد عبد الرحيم للأطفال و حديثي الولادة بأسوان

برد الأطفال مش محتاج أى حاجه غير إنك تسيبه لوحده من غير ما تتدخل بأدويه تعقد الأمور وتزود المشاكل .
البرد ببساطه عباره رشح أو زكام محتاج تسليك أنف بسيط .
سوايل دافيه .
راحة جسم .
اصبرى معايا يا ست الكل من ٧-١٤ يوم والبرد ياخد دورته ويتكل على الله .
لما يتكرر بشكل مستفز ده يبقى موضوع تانى يا التهاب أنف مزمن أو حساسية أنف على حسب الأعراض .
إنما اللى بنعمله فى عيالنا ده أكبر غلط الصراحه .
كل الدراسات والمشاهدات و التجارب بتثبت إن الكحة البسيطه الى مش معاها نهجان نصدر أو ضيق نفس ولا مأثرة عالمجهود للكبار ولا الرضاعه للرُّضَّع مش محتاجه غير سوايل دافيه وفقط.
تأثير أدوية الرشح ( مضادات الهيستامين ) كتير من الأحيان بيكون عكسى ؛ فى حين إنها مش موصوفه علمياً غير للرشح المُصاحب ب عطس متكرر ، هرش شديد فى الأنف وحكّه ، احمرار عين مع دموع ( رشح تحسسى ).
إنما للأسف استخدامها " عمال على بطال " فى أى دور رشح عادى ممكن يضر لإنها بتنشف المخاط تماماً خاصة بجرعات عاليه Anticholenergic effect فبييجى الطفل ببرد بسيط يبدأ زرتك أو تلفاست أو اخواتهم تيجى الأم تشتكى من كحة ناشفه جداً ، أول ما نوقف الأدوية ونشتغل عالسوايل و تسليك الأنف الطفل يتحسن .
كذلك موسعات الشعب فى غير محلها ممكن يزود الكحة ، موسعات الشعب زى فاركولين وفنتولين وروتاهيلكس استخدامها بيكون فى نطاق محدود من ضيق الشعب الهوائية اللى مع الحساسية وبعض أنواع البرد ، غير كده ، مش مضمون نتايجها وكتير تزود كحة مش موجوده من الأساس .
حاجه كمان ؛ أى طفل دلوقتى يجيله دور برد ، وبالذات لو معاه حراره ، ده كورونا حتى يثبت العكس ، بمعنى - وعلى قد ما نقدر - بلاش تقبيل ، نوم نفَس فى النفس ، لو نقدر نبعد متر ونص نبعد ، لو نقدر يستخدم فوط خاصه بيه و أدوات خاصه نعمل ، عالأقل لمدة ٣ أيام بعد اختفاء الحراره .
لأ مش محتاج علاج معين غير الخوافض والمسكنات والسوايل و مش هنحتاح آشعات ولا تحاليل غير لو فى أعراض شديده .
ما زال الكورونا فى الأطفال تعتبر برد عادى ، ونسبة المضاعفات والوفيات أقل النسب الحمد لله .
نورتونا الحبة دول 😘

فيروس الهيربس 🥵
ايه فيروس الهيربس ده كمان ؟!.🤔🤔
بصى ي ماما .. ده فيروس رخم جدا في اعراضه☹️ لكنه في نفس الوقت سهل جدا في علاجه 😍
طب ايه اعراضه ده بقي ؟ 👨‍💻
** سخونيه شديده جدا جدا 🔥 ممكن تستمر لاسبوع متواصل ودرجه الحراره بتوصل ⁦⁦0️⃣⁩⁦4️⃣⁩ درجه في اغلب الوقت
طب فيه اعراض تانيه ؟
اه طبعا 😑
بيبقي معاه ساعاات
1: رشح 🤧
2: كحه بسيطه 😦
3: اسهال بسيط 😨
4: غثيان وميل للقئ واحيانا ترجيع 🤤
5 : فقدان للشهيه شديد جدا 😶😑
6 : قرح في الفم وحبوب بالوجه او القدم او في بقية انحاء الجسم 😦 وده اهم عرض 👌وهو ده اللي بنشخص بيه الهيربس ومن غيره ما نقدرش نقول انه الطفل مصاب بالفيروس ده بنسبة ١٠٠٪

طب نعمل ايه لما الطفل يسخن يا دكتور ؟ ✍️
اهم حاجه حافض الحراره وكمادات 🤒🤕
غير كده يبقي دكتور يفحصه
لاننا بنشوف امهات كتير بتجيب اطفالها سخن وما استنوش عليه وراحوا اخدوا مضاد حيوي وبقالهم يومين بيدوا للطفل مضاد حيوي بدون اي نتيجه
بل بالعكس
الطفل حالته بتسوء اكتر 😠😤

فياريت 🙏 ابنك لو سخن ما تستهليش مضاد حيوي علي طول لانه انتي ما تعرفيش انتي بتضري ابنك قد ايه بالمضاد اللي بياخده من غير داعي ده
موضح في البوست صورة للشكل اللي بيظهر بيه فيروس الهيربس علي الاطفال
نسأل الله الشفاء العاجل لاولادكم جميعا 🥰

وحشنا رمضان والله ❤️

🙏 لكل الأمهات اللى بترضّع ونفسها تصوم رمضان 🙏

❤️في ٨ خطوااااات❤️

ازاى تصومى ، وتحافظى على لبنك ؟؟

١. لو بترضعى طبيعى على صناعى خلى معظم رضعاتك الطبيعي من المغرب للسحور ،، والصناعى كلها وقت الصيام،، لوچيك يعنى 😉..

٢. لو طبيعى بس ،، يبقى نكتّر السوايل جداً ،، وخلى بالك يبقى متوزع بين الفطار والسحور ،، بلاش موضوع برميل المياه قبل الفجر ده 😂 عشان الover dose بتحفز الكلية يتخلص منها بسرعه وتبقى شربتى ع الفاضي!!

٣. أكيد عارفه ان الكافيين والقهوة مدرة للبول وبتفقدك السوايل ،، والمشروبات الغازية بتعمل انتفاخ وعسر هضم ،، بلاشهم خالص ..!

٤. السوايل لازم متقلّش عن ٣ لتر يعنى من ٨-١٢ كوب متوزعين زى ما قلنا ،، خلى بالك قمر الدين والتمر هندى ،، الخروب والعرقسوس ،، بدايل ممتازة للمياة وفيها ألياف بتخلى الامتصاص ياخد فترة والترطيب مستمر طول اليوم ،،،
ومننساش الشوربه يا حاجة عالفطاااار 😁

٥. أوصيكم بالبطيخ والعنب والخيار 👍

البطيخ مالوش حل - نختار الصحراوى عشان بتاع السوق مرشوش- ،، ٩٢٪ مياه ،، مليان ڤيتامينات وخفيف جداً على المعدة ،، لازم يكون في سحورك !
العنب كمان بس خلى بالك بلاش قبل الفجر مباشرة عشان لو مسكر أوى هنعطش ..!
الخيار بأه ده "برنس الخضروات " من ناحية مليان ألياف فبيشبع ،، وكمان نسبة مياه عالية فبيحافظ على رطوبة الجسم ويقلل الجفاف👍

٦. ملح لأ ، سكريات لأ 😱

طبعاً احنا مستنيين الشهر الكريم عشان الكنافة بالمانجه والقطايف والبسبوسة بالقشطة والنيوتيلا بلقمة القاضي 😊
السكريات الOver دى هتموتك من العطش ! وهتحسي بالجفاف وانتى بترضعي ابنك 😭

المكسرات المملحة ،، المخللات ،، الزيتون ،، البهارات والتوابل بتزود الحرق catabolism ،، وده بيحسسك بالإجهاد وقلة الطاقة عير العطش طبعاً !!

٧. نقعد في الظل ، بلاش شمس ،،
في المروحة او التكييف ،، بلاش حرّ ،،،
نريّح جسمنا ،، بلاش شُغل وإرهاق ،،
انتى بترضعي ،، ووظيفتك الأساسية الإرضاع والحفاظ على لبنك للبيبي أغلى حاجة ف حياتك ،، يا ريت نأجل شغل البيت والتعب ولإرهاق لبعد الفطار ،، !

٨. ڤيتامينات ولا لبن ؟؟؟ الاتنين 😱😂

كوب لبن او مشتقاته عالفطار -يا سلام لو بالتمر- وقطارة ڤيدروب يومياً ليكى ،، وشوربة عالفطار وبطيخ عالسحور ،، وابقى قابليني لو عطشتى او لبنك قل 🍼😁

**طيب وامتا أفطر من وجهة نظرك كدكتور أطفال 🤔🤔 ؟

مبدأياً ليكى رخصة فطر من ربنا اللى بيحب أن تؤتى رُخصه كما يحب أن تؤتى عزائمه بدون أى سبب أو عذر .
ومحدش يقدر يلومك أو يتكلم معاكى نص كلمه .

إنما هقولك خمس علامات لو لقيتيهم وانتى بترضعى طبيعى*

يبقى لازم تفطرى رمضان من وجهة نظر طبية !!

١. لو لبنك قلّ والكمية انخفضت رغم شربك ٣ لتر مياه يومياً .

٢. لو مع دخول رمضان لقيتى البيبي بيعيط بشكل
مستمرّ ،، بيصحى يرضع كتير ،، مش بيشبع ،، !

٣. لو وزن البيبي مش بيزيد ، رغم عدم وجود امراض ..!

٤. لو تعبتى انتى من الرضاعة ،، حاسه بهبوط مستمر ،، دوخة وعدم اتزان ،، انخفاض فى الضغط ،، عطش شديد مع جفاف غير محتمل ومشقة شديدة .

٥. لو ابنك اصلاً تعبان ،، ووزنه مش بيزيد بسبب مرض مُحتمل - زي حساسية اللبن مثلاً - ،، والدكتور بيحاول معاكى انه يزود لبنك بأى طريقة ،، طبعاً القرار يرجع للدكتور ،، في الحالات دى بفضّل الأم تشرب سوايل كتير في السحور وتاخد مدرات لبن ،، وتفطر الصراحه لان غالبا مش هتستحمل .

لو حصل حاجة من كل ده ،، لازم ترجعى للدكتور بتاع ابنك الأول ، يستبعد ان الطفل يكون تعبان بسبب تانى غير صيامك ،، وهوا اللي يحدد تفطرى ولا لأ ،، مع العلم ان الأم و تانى حتى لو مش عندها أمراض بس بترضع طفل ليها رخصه فطر و تقضى اللى فاتها 👍

وكل سنة وانتو طيبين ❤️

❤️

انتِ وطفلك والكورونا
😷😷😷😷😷😷
بعد ما كل البيوت بقى فيها كورونا.......
لو عندك اعراض برد او حرارة او فقدان للشم والتذوق -من الاخر كده عندك إشتباه كورونا- هتعملي ايه ف العيال؟؟
🤰🤱
- أولاً العدوي مش بتتنقل من الأم الحامل للجنين... وكمان لحسن الحظ مبتتنقلش من المُرضِعة للطفل خلال الحليب......
- عشان كده هترضعى طبيعى عادى لكن طهرى ايدك كويس وإلبسى كمامة أثناء الرضاعة او التعامل مع الطفل......
🥣🫕🍳
- لو مفيش حد يساعدك والعزل مش متاح بالنسبة لك والاعراض الحمد لله خفيفة.... جهزى اكل اطفالك وزوجك عادى لكن طهرى ايدك كويس قبل تجهيز الاكل والبسى كمامة علطول....
🍋🍊🥝
- اطفالك يعتبروا مخالطين أكليهم اطعمة غنية بفيتامين ج زى الجوافة والكيوي والبرتقال واليوسفى وعصير الليمون....
- مظهرش عليهم أى أعراض -وده الاغلب- يبقى انتي ف الأمان.....
- ظهر أعراض بنعالج الأعراض زى علاج البرد بالظبط بدون أى قلق ولا توتر.....
- بتغسلى الانف وتدى دواء بسيط للكحة وخافض حرارة لو محتاج وشرب سوائل دافية بكثرة.... ولو الاعراض شديدة نكشف....
لو وصلت لهنا فى القراءة... متبخلش بعمل شير وعرف غيرك.....
ادعو الله بأسمائه التسع وتسعون أن يحفظ ابنائنا جميعا من كل سوء.... اللهم حوالينا لا علينا..... اللهم استخدمنا ولا تستبدلنا يا رب العالمين......

اشهر سببين لوفيات #الأطفال حول العالم وموسمهم اليومين الجايين هما

🛑 النزلة الشعبية الحادة فى الاطفال الرضع
🛑 والنزلة المعوية الفيروسية (بفيروس الروتا)

فلو سمحتى ابنك الرضيع اللى اقل من سنتين لو كح كحة شديدة او سهل اسهال شديد خاصة اليومين دول ارجوكى اوعى تقولى بيسنن او هبعت اسأل ع الصفحة او اجرب علاج بتاع الدور اللى فات.

كل ساعة تأخير بتفرق وانا بتكلم فى أمر واقع مش خيال اليومين الجايين اصعب يومين على صحة الأطفال

علامات خطيرة جدااااا⛔
- سرعة التنفس مع نتة أو زراق للطفل
- كحة مصحوبة بارتفاع درجة الحرارة
- شرقة متكررة مع كل راضعة
- لهفة الطفل على الماية وقلة كمية التبول
- ترجيع مستمر سواء معاه اسهال أو لأ

📌استشير طبيبك عن السن المناسب للتطعيم ضد فيروس الروتا و المكونات الرئوية

👨‍👩‍👧‍👦 خد الموضوع بإهتمام وعرف غيرك

#اصدقائي الاعزاء الملتزمين ...الناس الغاليين اللي بيسألوا كثيرا عن ( مصل الانفلوانزا ) ...

#كلااااااااااام مهم جدا علي هيئه سؤال وجواب...

#س ١ : إيه هو مصل الأنفلونزا ده ؟

ج ١ : ده مصل أو تطعيم ضد الإنفلونزا
(الفيروسية) وبينزل كل سنة عشان يحصن ضد الميكروبات المسببة للإنفلونزا واللى ممكن تتحور سنوياً ، وضد أكثر السلالات إنتشاراً ....

#س٢ : هو فى إنفلونزا فيروسى وإنفلونزا بكتيرى ؟

ج ٢ : آه طبعا الإنفلونزا الفيروسى سببها فيروس ؛ وهى اللى كلنا نعرفها وجاتلنا قبل كده وأعراضها زى البرد بس على أشد ومعاها كحة وسخونة وتكسير فى الجسم ...

#إنما البكتيرى دى أخطر شوية سببها بكتريا Haemophilus Influenzae وممكن تسبب إلتهاب رئوى وإلتهاب أذن وسطى أولا قدر الله إلتهاب سحائي ودى تطعيمها بيتاخد فى الصحة (إجبارى) عند شهرين و4 و6 شهور (التطعيم الخماسي) . إنما تطعيم الإنفلونزا الفيروسى ده مش فى جدول التطعيمات الإجبارية It is optional...

#س ٣ : طب يادكتور هو مهم ؟ يعنى نديه لأولادنا !

ج ٣ : بصي يافندم هو مش بيمنع أدوار البرد والإنفلونزا إنما بيدى حماية ٨٠٪ وده في صورة :- بيقلل حدة الأعراض....يقصر مدة الأعراض....والأهم إنه بيمنع المضاعفات.....

#س ٤ : يعنى مين اللى لازم ياخده ؟

ج ٤ :بالظــــــبط ! هو ده السؤال

أولا ً ) الطفل اللى بيعانى من حساسية_الصدر لاااازم ياخده لإن دور الإنفلونزا والبرد من المثيرات اللي ممكن تدخله في ال attack فيتقفل صدره ويزيق ويحتاج جلسات وينطبق برضه على الأطفال اللى بيعانوا من حساسيةالأنف....

تانيا ) حاجة الأطفال اللى مناعتهم ضعيفة اللى مجرد مابيجيلهم برد بيقلب بسخونة وجيوب انفية وكحة وإلتهاب فى الأذن أو اللى أعراض البرد بتطول معاهم أكتر من إسبوع مثلاً وعلطول في الشتا تعبانين ...

#وبصراحة بأنصح بيه كل الأمهات لأن البرد والإنفلونزا رخمين فى الأطفال والعدوى بتنتشر في المدارس بسهولة ! فإيه المانع إن كل الأطفال تاخده..

#س ٥ : طب المفروض يتاخد إمتى ؟

ج ٥ : المفروض المصل بيبدأ ينزل من شهر 9 ويفضل إعطاءه قبل دخول فصل الشتا ماتبدأ عشان مفعوله يبدأ يظهر عند بداية موسم البرد (بيستغرق من إسبوعين إلي ثلاثة أسابيع لظهور تأثيره) يعني افضل توقيت سبتمبر و أكتوبر و نوفمبر ..

#ولاننصح بإعطاءه أثناء أدوار البرد لكن مش ممنوع ....

#س ٦ : الجرعة إيه يادكتور ؟ وهل ينفع لكل الأعمار !

ج ٦ : النقطة دى بقى مهمة جدا
⁦1⃣⁩اولا قبل 6 شهور >>
🔽لأ
⁦2⃣⁩ثانياً من 6 شهور ل 3 سنين >>
🔽 بياخد (نص المصل)
⁦3⃣⁩ثالثاً فوق 3 سنين >>
🔽 (المصل كله)
⁦4⃣⁩رابعا الطفل اللى أول مرة ياخده فى حياته ((يُفضل يكررالجرعة بعد شهر )) ؛ ولكن الكلام ده لحد 9 سنوات فقط ! يعنى طفل 10 سنين وهياخده لأول مرة ياخده مرة واحدة
⁦5⃣⁩خامسا يعطى فى العضل (وأقل من سنة في عضلة الفخد ) أو تحت الجلد (في الذراع مثلا)

#س ٧ : طب فى موانع يادكتور للتطعيم ؟ أو أعراض !

ج ٧ : ممنوع فقط للى بيعانوا من حساسية البيض إنما مفيش موانع تانى !

#بالنسبة للاعراض الجانبية .....

⏺فى بعض الحالات وجع بسيط وإحمرار أو تورم مكان الحقنة ...
⏺نادرا ما يسبب سخونة أو صداع وآلام بالجسم...
⏺وحالات نادرة جدا جدا يحدث حساسية أو طفح جلدى...

#وبالمناسبة مفيش أى تعارض بين تطعيم الإنفلونزا الموسمي وأى تطعيمات أخرى

#س ٨ : تمام يادكتور يعنى أتكل على الله وأديه لإبنى ...

ج ٨ : اكيد بس خلى بالك :-

أولاً ) إتأكدى إنك واخداه ساقع يعنى طالع من التلاجة او حطيه في Ice box لو مش هيتاخد في العياده في ساعتها يعني .. ولو هيتحفظ لاااازم في باب التلاجة أو علي الرف ...)

ثانيا ) إتبعى التعليمات الخاصة بالجرعات

وبالمناسبة هما نوعين فى السوق :-

الفرنسيVAXIGRIP شركة Sanofi
والهولنديINFLUVAC شركة Abbott
النوعين كويسينً....

#س ٩ : طب معلش يادكتور تقلت علي حضرتك ؛ هو بالنسبة للكبار ينفع ناخده ؟

ج ٩ : بالطبع أكيد ولاسيما ( كبار السن _ مرضي السكر والقلب_ مرضي حساسية الأنف أو الربو أو إلتهاب الجيوب الأنفية المزمن _ أو من هم في المجال الطبي كوقاية من العدوى )

#وفي الحمل يفضل بعد الثلاثة شهور الأولي
وفي الرضاعة مسموح...

أمهات كتير بتعطي لأطفالهم الرضع البسكويت بالشاي معتقدين انها وجبة صحية ومغذية بس للأسف ده غير صحيح



#اولا يحتوي على كميه كبيره من #السكر اللي بيسبب تسوس للأسنان اللبنية.. وبيأثر سلبيا على مناعة الرضع... وكمان بيسبب احساس الطفل بالشبع ويبقى غير مقبل على الاكل ويرفض باقي الأنواع المهمه لصحته ولنموه و يبقى ميال اكثر للاطعمة المسكرة

#ثانيا البسكويت بيحتوي على زيوت مهدرجة الغير صحية

أما #الشاي فهو غير صحي للرضع و ده عشان

♦️ احتواء الشاي على مادة التانين اللي بيقلل امتصاص الحديد ويسبب فقر الدم وما يصاحبه من فقدان للشهيه وتأثيره على نمو الطفل

♦️ بيحتوي على الكافيين الممنوع إعطائه للرضع اللي بيسبب الارق و اضطرابات النوم والعصبية الزياده

ونصيحتي هي تقديم الاطعمة الصحية المعدة بالمنزل كالخضروات والفاكهه والحبوب واللحوم

شير في الخير

مرحلة "التسنين"، وهي بالطبع من أصعب الفترات على الأم أيضًا، وتتراوح الأعراض التي تصيب الأطفال ما بين الاضطرابات الطفيفة مثل بعض البكاء أو الألم أو الأعراض الشديدة كالقيئ والإسهال والتشنجات واضطرابات النوم وكثرة البكاء، كما يصاب البعض بالتهاب في الحنجرة أو الأنف، بالإضافة إلى النزلات الشعبية في التوقيت نفسه.

يبدأ التسنين بعد الشهر الخامس وربما بعد السابع ويختلف توقيته من طفل إلى آخر، ويكتمل ظهور الأسنان اللبنية (20 سناً) خلال السنوات الثلاث الأولى من عمر الطفل، وقد يتأخر نمو أسنان الطفل لعدة أسباب منها الوراثة ومنها مشكلة عضوية في اللثة أو غيرها.

أعراض التسنين

احمرار اللثة وانتفاخها.
احمرار الخدين.
حكة أو فرك في الفم.
فرك اللثة أو العضّ أو المصّ.
سيلان اللعاب (الترييل).
أرق بسبب الألم.
ارتفاع في درجة الحرارة. عدم انتظام في الرضاعة.
حدة في الطبع وبكاء متواصل.
إسهال.
أعراض جانبية:

من أهم الأعراض الجانبية طفح جلدي أحمر على ذقن الطفل وشفته السفلى؛ بسبب سيلان اللعاب (الترييل) من فمه.

ليس عليك سوى مسحه برفق ووضع كريم واقٍ كل فترة خاصة أثناء نومه.

كيف أتعامل مع ألم صغيري؟ وما هي أفضل السبل لتهدئة ألم اللثة؟

قدمي له خافضًا للحرارة إن كانت حرارته مرتفعة.
وإن كان ألمه كبيرًا يمكنك تقديم مسكن له موضعي أو غير موضعي مثل الجيل الذي يدهن على اللثة أو شراب مسكن يصفه الطبيب فهو مخدر ومطهر في الوقت نفسه ولا تستخدميه أكثر من ست مرات في اليوم أو حسبما يصف الطبيب، أما المسكن فعادة ما يكون كل 8 ساعات.
العضاضة مهمة ولكن اغسليها جيدًا.
إن كنت قد بدأت مرحلة تقديم الطعام له فشرائح من الخيار والجزر والتفاح والكمثرى وغيرها أمر جيد.
يمكنك أيضًا وضع الشرائح في الفريزر قليلًا بحيث تكون باردة فتخفض من ألم اللثة.
لا تضعي الجيل المخدر قبل الرضاعة حتى يتمكن الطفل من المص.
من المهم أن تكوني صبورة وحنونة جدًا أمام ألمه.

ما الفترة التي يستمر فيها تسنين الصغير أو خروج السن الواحد؟

لا يوجد وقت محدد فقد يستمر ذلك بضعة أيام وقد تستمر لشهر كامل، لذا عليك الصبر على ألم الصغير ورعايته بقدر ما يمكنك، وعادة ما تكون هذه الآلام مرتبطة بالأسنان الأولى خاصة القواطع وتهدأ بعدها أو ربما يكبر الصغير فيصبح أقدر على تحمل الألم، حتى في تسنين الأضراس.

معلومة 👌

◀️ الحليب الذي بالصورة تحت من نفس الأم .. من نفس الثدي .. في نفس الرضعة !! أولا الحليب الخفيف الذي لونه مائل للأزرق و يشبة الماء .. هذا الحليب الذي يكون في بداية الرضعة تقريبا في أول خمس دقائق .
وظيفته يمد الطفل بالسوائل اللتي يحتاجها جسمه.

◀️ ثانيا الحليب الثقيل والقريب من الأصفر وشبية للسمنة أو لون الزبدة .. يكون في اخر جلسة الرضاعة وتقريبا يبدأ في النزول بعد مرور خمس دقائق من بداية الرضاعة .
وظيفته انه يمد الطفل بالمغذيات و البروتينات الضرورية لجسمه..وبعد انتهائه تصل اشاره الى الدماغ ان يزيد إفراز الحليب والعكس بالعكس يعني اذا رضع الطفل فقط القسم الاول من الحليب وانتقل الى الثدي الاخر ،سيصل الدماغ اشاره تدريجياً بتقليل كميه الحليب المفرز.

🛑 اذا ما الاستفادة من هذا الشرح ؟؟

1️⃣ الطفل يجب ان يظل يرضع من جهة واحدة من ثديك الى ان يصبح فارغ . ولا تستعجلي في تبديل الثدي . حتى لا ترضعي طفلك فقط سوائل .

2️⃣ الطفل طبيعي انه يمل او يبكي في وسط الرضعة وهذا نظرا لأن الحليب الخفيف كان ينزل بسهولة وعند بدأ نزول الحليب الثقيل يحتاج الى مجهود وهذا ما يجعله يبكى احيانا .. لا تملي انتِ الاخرى واستمري .
وهذا سبب عدم زيادة وزن الطفل بحليب الام او يقولون ماشبع لانه تبدل في الثدي او مايكمل في الرضعة.

👶🍼🧑
اخصائي اطفال وحديثى الولادة
اسوان ميدان الصالحين 01090821607