فريق اللجنة الثقافية - كلية تمريض أسوان

كل عام وأنتم بخير 🎊😊🎊بمناسبة *شهر رمضان الكريم🌙🕋* وأعاده الله علينا جميعاً بالخير والبركات وتقبل الله منا ومنكم صالح الأعمال🤲🏻💐💐💐

اللغة العربية تتميز بالبلاغة وهى لغة القرآن وهذا مثال من القرآن يدل على بلاغة اللغة :
فأسقيناكموه : هى لفظة واحدة احتوت على حرف عطفٍ، وفعلٍ، وفاعلٍ، ومفعول به أول، ومفعول به ثانٍ





-محمود صديق
-اسلام عبدالفتاح

- شكر خاص ل يمنه جمال أحد أعضاء الفريق الثقافي 💌🤝

🤍🤍🤍🤍🤍

بدأنا معاكم المرة اللي فاتت جولتنا داخل الICU وقولنا هتتكلم عن المحاليل وبدأنا بمحلول الرينجر وشرحنالكم أول نوع منه .. هنتكلم دلوقت عن باقي انواع الرينجر وهما
- Ringer lactate
- Ringer acetate
رينجر لاكتيت : و دة مكوناته زي مكونات الرينجر العادي بس متضافله صوديوم لاكتيت Na Lactet وبنستخدمه في حالات الاسهال الشديد والصدمات المتعددة (Polytrauma) والحروق .. وكمان بنعالج بيه الحموضة ، ولكن بيقولك ي سيدي ان استخدام المحلول دة ف ال ICU قليل ، طاب ليه ؟!
لعدة أسباب تعالي اقولهالك :
- أول حاجة انه مينفعش ياخده مريض السكر لأن ال lactate بيعمل ارتفاع نسبة السكر ف الدم
- تاني حاجه انه مينفعش ياخده مريض الكبد لأن الlactate دي بيحصلها أيض ف الكبد وبتتحول لبيكربونات فا مريض الكبد مبيحصلش عنده أيض ل الlactate فبالتالي هيتراكم ف جسمه ويضره
*ملحوظة* لما بنعوض مرضي الحروق بالمحلول دة بنستعمله بمعادلة باركلاند واللي هسيبهالك ف التعليقات تحت متنساش تبص عليها *

ندخل ف النوع الاخير من أنواع الرينجر وهو رينجر اسيتات Ringer acetate ودة عبارة عن الرينجر العادي بس متضافله صوديوم اسيتات Na acetate .. المحلول دة بقا بيتميز عن اللاكتيت في كذا حاجة :
- إن ال اسيتات بيحصله تحويل للبيكربونات ف كل الانسجة وكل الاعضاء عكس اللاكتيت اللي كان بيحصله ايض وتحول ف الكبد بس وبالتالي محلول الرينجر اسيتات بنستخدمه عادي مع مريض الكبد ..
- وكمان الاسيتات مبيرفعش مستوي السكر ف الدم زي اللاكتيت وبالتالي آمن لمرضي السكر ..
- وكمان بيعالج حالات الحموضة بشكل آمن م غير اي ضرر للمريض ..
وكمان من مميزاته انه بيتم استخدامه لو حبيت أقلل خروج الكالسيوم من الجسم لانه بيمسك ف ايونات الكالسيوم عكس اللاكتيت
-والميزة الأهم إن عمليه تحول ال acetate للبيكربونات أسرع بكتير من تحول ال lactate للبيكربونات وعشااااان كدة بيعتبر محلول ال Ringer acetate أفضل أنوع الرينجر علي الإطلاااااق
وبكدة نكون خلصنا أول نوع من أنواع المحاليل اللي بنستخدمها ف ال ICU ، متنسوش تبصوا ف التعليقات هتلاقوا تحذيرات مهمة وحاجات بتخلي بالك منها وانت بتدي الرينجر للمريض ..وهتلاقي كمان لينك المنشور اللي فات لو فاتك بداية الجولة ممكن تبص عليه وتقراه .. أتمني تكونوا استفدتوا وبعتذر لو طولت عليكم 🤍





-محمود صديق
-اسلام عبدالفتاح

كلاهما يجري ، أحدهما يفر من المعصية والآخر يلاحقها .

قد يتشارك الناس بالأفعال ولكن يتفاوت الجزاء بالنية .





-محمود صديق
-اسلام عبدالفتاح

"الدكتور محمد عبد الغفار مشالي"
طبيب بشري مصري عُرف في بلده بلقب طبيب الغلابة ؛ لعلاجه المرضى الفقراء بتكلفة منخفضة للغاية أو مجانية ، وقد امتدت مهنة مشالي في الطب إلى أكثر من خمسون عامًا.
- وُلد سنة ١٩٤٤ بظهر التمساح .
- تُوفِى بهبوط بالدورة الدموية (٢٨يوليو ٢٠٢٠).
- عمل بالقصرالعيني (التخصص :طب باطني و طب الأطفال١٩٦٧)
- دراسته وبداياته : ولد الدكتور محمد مشالي في محافظة البحيرة في عام ١٩٤٤ لأب يعمل معلمًا ، وانتقل بعدها والده إلى محافظة الغربية وانتقل معه، واستقر مع أسرته هناك، وتخرج في كلية طب القصر العيني في القاهرة ٥ يونيو ١٩٦٧، وتخصص في الأمراض الباطنة وطب الأطفال والحُميات، ليعمل في عدد من المراكز والوحدات الطبية بالأرياف التابعة لوزارة الصحة المصرية في محافظات مختلفة، وفي عام ١٩٧٥ افتتح عيادته الخاصة في طنطا، وتكفل برعاية إخوته وأبناء شقيقه الذي توفي مبكرا وتركهم له ، ولذلك تأخر في الزواج، ولديه ثلاثة أولاد تخرجوا جميعًا في كلية الهندسة، وظل لسنوات طويلة محددًا قيمة كشفه الطبي في عيادته لا تزيد عن خمسة جنيهات مصرية ، وكثيرًا ما يرفض تقاضي قيمة الكشف من المرضى الفقراء، بل ويشتري لهم العلاج في كثير من الأحيان.
- تكريمه : تقديرًا لجهوده أطلقت محافظة الغربية اسمه على أحد الشوارع في طنطا، وذلك بعد أن طالب سكان المحافظة بتكريمه.




- محمود صديق
- اسلام عبدالفتاح

- شكر خاص ل هدير محمد عبد العزيز أحد أعضاء الفريق الثقافي 🤝💌

هنبدأ معاكم النهاردة اول منشوراتنا في فقرة " جولة داخل ICU " وأول حاجة هنتكلم عنها هي المحاليل اللي بنستخدمها جوة ال ICU وأهم محلول هنبدأ بيه هو ال ringer

عندنا 3 أنواع من محاليل الرينجر وهما
1. Ringer's injection (normal)
2. Ringer lactate
3. Ringer acetate
هنتكلم عن كل نوع واستخداماته بالتفصيل ولكن في البوست دة هنتكلم عن اول نوع وباقي الأنواع في بوست تاني لوحدهم ..

اول حاجة ال رينجر العادي ودة عبارة عن خليط من (الصوديوم والبوتاسيوم والكلوريد والكالسيوم) مذاب في ماء مقطر وبيدينا osmolarity قيمتها 312 mOsm/L
طيب بنستخدمه في اي او امتي ؟

- أهم استخدام ليه هو انه بيزود حجم الدم يعني لما تجيلك حالات حوادث أو حصل نزيف والمريض فقد دم كتير بنديله normal ringer ع ماننقله دم عشان ميحصلوش circulatory collapse والمريض يدخل معاك ف غيبوبة وممكن بعدها يموت لقدر الله

- بنستخدمه ف حالات الجفاف dehydration وف حالات الاسهال الحاد وال sever vomiting ودة طبعا عشان نحافظ علي توازن المعادن في الجسم

- ممكن طبعا نعتمد عليه لو حبينا نخفف ال antibiotics المضادات الحيوية بس خد بالك إياك تخفف بيه مجموعة ال cephalosporin عموما وخاصة ال ceftriaxone (مضاد حيوي) لأنه بيتفاعل مع الرينجر ويكون كلوريد الكالسيوم ودة بيترسب في الرئة والكلي في صورة crystals لونها أبيض وطبعا دي مادة قاتلة

هنكتفي معاكم النهاردة بهذا القدر عشان البوست ميطولش مننا وتقدروا تقروه وتستفادوا .. وهنكمل في البوستات الجاية باقي أنواع الرينجر .. تابعونا أول بأول عشان توصلك منشوراتنا 💌🤝





- محمود صديق
- اسلام عبدالفتاح