كيفيه الاستعداد للقاء ربي

02/09/2026

الجزء ال 2
*خلي في نيتك انك تَبِر والديك*
*خلي في نيتك إنك بتتثقف وتتعلم كي تفيد الاسلام والمسلمين*
*خلي في نيتك إنك بتذاكر وبتجتهد أقصى ما لديك عشان تساعد في حماية ثغرات المسلمين*
ووالله بتاخد ثواب كبير وربنا هيجازيك خير 🤍🌷..
*في رعاية الله*🤍🌷
شير في الخير 🤍🌷
صلِّ على النبي 🤍🌷
#هادف
#علم

02/09/2026

*طلب العلم مهم جدا*
بل هو فريضة على كل مسلم ...💐🌷...
تمعن معي وركز كده وأسألك سؤال
*ماهي اول آية نزلت في القرآن..؟*
فكرت ....
ايوه صح
*إقرأ*
نزل القرآن ليفرض العلم والسعي لطلبه وكثير من الأحاديث تروي عن فضل وجزاء العلماء عند الله وفي مجالسهم كيف تحفهم الملائكة
في سورة فاطر قال الله تعالى ﴿ ومن الناس والدواب والانعام مختلفٌ ألوانه كذلك *إنما يخشى الله من عباده العلماء* إن الله عزيز غفور ﴾ ...
اكثر ناس خشية من الله هم العلماء لأنهم يرون المعجزات التي يخلقها الله ويفهمونها ويدرسونها في الأرض فإن الله رفع قدر العلم والعلماء فإياك أن تكتفي بعلم مرحلتك الدراسية هذا علم قليل وهو البداية وعليك الاجتهاد به *إن التكاسل لا يأتي إلا بالفشل*
إجتهد في مرحلتك وموادك الدراسية أيًّا كانت ماهي وإياك أن تيأس بل عليك بالعمل قدر المستطاع
*وأن ليس للإنسان إلا ما سعى* ..
*معلومة هامه*🤍🌷
إياك وإهمال العلم الشرعي
يوجد منصات على جوجل مثل: *أكاديمية زاد*
وهي مجانية وكنت تكلمت عنها قبلًا
تدرس : *الفقه - الشريعة - السيرة - اللغة العربية ..إلخ*
ولو محاضرة واحده في الاسبوع وتكتب ورى الشيخ والمعلم وتفقه في الدين مرحلتك الدراسية دي ليست سوى القليل من العلم ويجب أن تثقف نفسك قدر استطاعتك
ولا تقُل
*مش هتنفعني في حاجه*
سيأتي يوم وتنتفع بهذا العلم فإياك والتهاون في طلب العلم حاول قدر استطاعتك
*والذين جاهدوا فينا لنهدينهم سبلنا وإن الله لمع المحسنين* ...
ستسأل ...
*اجيب وقت لكل ده منين..!؟*
إجابة واضحه نام بدري واصحى بدري صلِّ الفجر واشتغل على نفسك وعلمك إبدا يومك بالصلاة والقرآن ثم محاضرة العلم الشرعي ثم محاضراتك ودروسك ولو عندك مهارة تريد التثقف فيها واتقانها أكثر افعل ولا تتردد
ووالله عندنا وقت فراغ كتير وهنُسأل عنه
*عن عمره فيما أفناه*
*وعن شبابه فيما أبلاه*
هتتسأل عن عمرك ككل
وعن جزء مهم من عمرك وهو الشباب كجزء خاص
فاستغل وقتك وصحتك دلوقتي
قبل ما تكبر وتندم ..
*وفي النهاية*🤍🌷
وفقكم الله لما يحبه ويرضاه وجعلكم من العلماء الذين ينتفع بهم الاسلام واجعل في نيتك وانت تدرس بعض النوايا كي تُثاب على هذا الوقت بالحسنات
*خلي ف ينيتك إن ربنا كده بيسهلك طريق للجنة*
*وإنك لما بتنزل درس أو مدرسه أو لطلب علم فإنت في سبيل الله حتى ترجع !*
*متخيل .!*
هنزل جزء 2

31/08/2026

*اندم على كل وقت أذنبت فيه*
*اتبع السيئة الحسنة تمحها*
*حاول تكفر عن الذنوب وترد المظالم لأهلها قدر استطاعتك*
بقدر الإمكان حاول متجيش على حد حتى لو بتنصحه ولو حصل وجيت عليه اعتذر وطيب خاطره وصالحه وميجلكش نوم غير وانت مطيب خاطره وهو راضي لان لو المسلم اللي انت زعلته ده صلى الفجر فهو في ذمة الله يعني ربنا هيجبله حقه منك فاحذر ولازم تخاف وانت بتتعامل مع اي مسلم عشان الحته دي بالذات مهمه جدا
وتُب لله قوله يارب أنا خلاص مش هعمل كده تاني يارب قويني يارب أنا هتغير خلاص وفعلا اتغير خلي ربنا يرى أنك تغيرت فعلا
سيبي الولد اللي بتحبيه وماشيه معاه ده
سيبي الاغاني اللي قلبت حياتك على شكل افلام هوليوود دي
سيبي المسلسلات الرومانسيه واللي فيها موسيقى دي
نضف قلبك
بقدر الإمكان حاول تكون بار بوالديك الاتنين حتى لو عاملين فيك حاجات وحشه مش مهم دي تجارة مع ربنا ربنا بيختبرك هتصبر وهتبر ولا لا
سيدنا ابراهيم أبوه رماه فالنار وقاله ساستغفر لك ربي
فانت اكيد والدك ووالدتك موصلوش للمرحلة دي
بقدر الإمكان سامح الناس
اللي بيعفو ده ربنا بيديله اجر كبير والله ربنا كريم
*خاف ربنا في الدنيا يآمنك في الآخرة*
ربنا لا يجمع على عبد خوفيّن
يعني لو خوفت ربنا في الدنيا هيطمنك في الآخرة
ولو آمنته في الدنيا هيخوفك في الآخرة
شوف انت عايز ايه بقى
اياك وتأخير التوبة والتساهل
صورك اللي نشرتيها على السوشيال ميديا امسحي
الاغاني اللي اتنشرت على قد ما تقدري امسحي
ولو حساب قديم حاولي تدخلي أو حد من قرايبك اللي عنده الحساب يدخل وينزل بوست انك توبتي ويحط فيديو قرآن يثبته على الصفحه بالرسالة وانك مش قادره توصلي للحساب واللي هيسمع حاجه حرام او يشوف حاجه حرام كنت نشراها اتبرأ منه لاني مش عارفه امسحها
احمِ نفسك على قد ما تقدر من نار الآخرة
اياك وتتساهل
*يارب تكون الرسالة وصلت*
#هادف
#تُب

31/08/2026

تطبيق الشيخ امجد سمير اللي بعته في لبس *ده مش تطبيق الشيخ امجد سمير*
تطبيق الشيخ امجد سمير بيتفتح من على موقع على جوجل هحطلكم لينك الموقع وتدخل تسجل عليه عادي زي منصات الثانوية العامة بتاعة الدروس
*اللينك:https://www.amgadsamir.com*
*بالتوفيق🌷💗*
#هادف

29/08/2026

*عارف إن الدنيا معاك مش احسن حاجه..*
بس متبص لحياتك اللي شايفها ماشيه معاك بالعكس بمنظور تاني ..
*هتقولي يعني ايه..؟*
هقولك مش ممكن في يوم عملت ذنب وشيلك ذنوب كتير فربنا بيكفر ذنبك ده بشوية ابتلاءات..
*مثلا : مرض ـ حزن ـ فراق شخص ـ كرب ـ هم*
كل دي انت بتاخد عليها حسنات لو صبرت واحتسبت ما تبص انك بتاخد حسنات
ووالله ما واخدين منها اي حاجه خالص
انت مش هتاخد حاجه معاك
انت تراب .. وهترجع للتراب.. وستبعث وتحاسب
*فهل يمكن حد يكره ابتلاء يديله حسنات ...!*
*من حب ربنا ليك والله*
عارف إن الموضوع صعب جدا جدا عليك
وجه فجأة
وهنا ربنا بيختبرك ..
*ناوي تجتاز الاختبار ... ولا تسقط فيه*
استغفر ربك وصلِّ على النبي بإذن الله ربنا هيفرجها
*ووالله كله خير بس احنا مش فاهمين*
*واصبر وما صبرك الا بالله...❤️‍🩹*...
*إنما يوفى الصابرون أجرهم بغير حساب..❤️‍🩹*...
*وقالوا الحمدلله الذي أذهب عنا الحزن إن ربنا لغفورٌ شكور..❤️‍🩹*
#هادف

29/08/2026

السلام عليكم ورحمه الله وبركاته
تطبيق الشيخ امجد سمير شخصيا 🫣🤍
*عليه 1092 درس*💯🤍🫣
تحفة فنية تستحق التحميل والتجربة اوعى تفوتك الفرصة العلم الشرعي جاي لغاية عندك باسهل الطرق
*متصعبهاش على نفسك*
ده غير كده في اذكار النوم بشكل منظم كاملة كما هي السنة ولو بتكسل تقرأ فهي موجوده استماع برضو كلها كامله فمعندكش حُجَه
وفي مخطط أسبوعي أو شهري زي ما تختار لمتابعة اعمالك الدينيه من سنن رواتب وفرائض وصيام وقرآن واذكار غير طبعا دروس العلم الشرعي المتنوعة
والاذكار كاملة موجوده
*ومنبه اسلامي للفجر خصيصًا*💯💯
حرفيا انت لو منزلتش غير التطبيق ده هيكفيك كامل
بجد انصحكم بيه متفوتش الفرصه عليك وكله مجاني
*الشيخ امجد سمير منور 💯💯*
*اللينك : https://play.google.com/store/apps/details?id=com.amgadsamir.app.amgadsamir*
*شير في الخير 🤍🌸*
#هادف

29/08/2026

22/08/2026

*لا حول ولا قوة الا بالله ولا منجا من الله إلا إليه*
من قالها كُشف عنه سبعين بابًا من الضر أدناهن الفقر
يعني اقلهم الفقر
وهي كنز من كنوز الجنة
فأكثروا من الحوقلة 🤍💐
#هادف
#حوقل