ACPA Lab - Training & Courses

🔹 استكمالًا لنجاح سلسلة البرامج التدريبية المتخصصة في مجال الجودة والاعتماد المعملي 🔹
استضافت شركة الإسكندرية للإضافات البترولية - أكبا فعاليات البرنامج التدريبي
Measurement of Uncertainty According to ISO/IEC 17025:2017
والذي يهدف إلى تنمية قدرات المتخصصين في المعامل على فهم وتطبيق منهجيات حساب عدم اليقين في القياس، بما يدعم دقة وموثوقية نتائج الاختبارات المعملية وفق متطلبات المواصفة الدولية.
وقام بشرح البرنامج الدكتور حازم الشريف، حيث تناول خلال البرنامج الجوانب النظرية والتطبيقية الخاصة بتقدير
Measurement Uncertainty
طبقًا لمتطلبات المواصفة ISO/IEC 17025:2017
مع استعراض التطبيقات العملية داخل المعامل بما يدعم جاهزية المعامل للاعتماد طبقًا لمتطلبات المجلس الوطني للاعتماد - إيجاك.
وشهد البرنامج مشاركة متميزة من ممثلي عدد من شركات قطاع البترول، من بينها:
✔️شركة اسبك
✔️شركة اموك
✔️شركة الإسكندرية للبترول
✔️شركة انربك
وفي ختام البرنامج، تم تسليم الشهادات للسادة المتدربين، حيث قام السيد الكيميائى /صلاح بهنسى رئيس مجلس إدارة شركة اسكندرية للاضافات البترولية (أكبا ) بتسليم الشهادات للمشاركين تقديرًا لجهود المتدربين وحرصهم على تطوير مهاراتهم وتعزيز منظومة الجودة داخل معاملهم.
⬅️وتؤكد أكبا استمرارها في تقديم البرامج التدريبية المتخصصة التي تسهم في نشر ثقافة الجودة ودعم جاهزية المعامل للاعتماد وفق المعايير الدولية.


#أكبا

🧪 في المعمل كل اختبار له رسالة
واختبار الرغوة بيقولنا:
هل الزيت هيحافظ على كفاءته تحت الضغط… ولا هيستسلم لأول اضطراب؟
اختبار الرغوة(Foam test) هو قياس قدرة الزيت على:
✔️ تكوين رغوة عند تعرضه للهواء
✔️ والتخلص من الرغوة بعد تكوينها
بمعنى أدق…
بنختبر سلوك الزيت لما يدخل في ظروف تشغيل حقيقية.
🧪 ليه الاختبار ده مهم؟
لأن الزيت أثناء التشغيل بيتعرض لخلط ميكانيكي وضغط ومرور هواء
ولو قابلية تكوين الرغوة عالية، ده معناه:
🔺اضطراب في الضغط داخل الأنظمة الهيدروليكية
🔺تسارع في الأكسدة
🔺تقليل العمر التشغيلي للزيت
🔬 بيتعمل الاختبار إزاي باختصار؟
بيتم تمرير هواء داخل عينة الزيت عند درجة حرارة محددة
ثم يتم قياس:
⬅️حجم الرغوة المتكوّنة
⬅️حجم الرغوة المتبقية بعد فترة زمنية
📝النتيجة بتتكتب بصيغة رقمية تعبر عن:
Foaming Tendency / Foaming Stability
💡 وجود إضافات Anti-foam في التركيبة مش رفاهية
دي ضرورة لحماية المعدات وضمان أداء مستقر
✔️ تابعوا الصفحة علشان نتعمق أكتر في اختبارات الزيوت طبقًا للمواصفات القياسية

🔹جزء من فاعليات البرنامج التدريبي
Understanding & Implementing
ISO/IEC 17025 🔹
استمرارًا لدورنا في دعم منظومة الجودة وتعزيز كفاءة المعامل طبقًا للمعايير الدولية، استضافت شركة الإسكندرية للإضافات البترولية - أكبا فاعليات البرنامج التدريبي
Understanding & Implementing
ISO/IEC 17025
المقدم من المجلس الوطني للاعتماد - إيجاك.
قام بشرح البرنامج الدكتور/ حازم الشريف،حيث تناول بصورة متعمقة محاور المواصفة ومتطلبات الكفاءة الفنية، وضبط جودة النتائج بما يدعم جاهزية المعامل للاعتماد وفق ISO 17025.
وشهد البرنامج مشاركة متميزة من ممثلي عدد من الشركات الرائدة في قطاع البترول، من بينها:
🔺 شركة اسبك
🔺 شركة اموك
🔺شركة الإسكندرية للبترول
🔺 شركة انربك
واختُتمت فاعليات البرنامج بتسليم الشهادات للسادة المتدربين، تأكيدًا على التزامهم برفع كفاءة الأداء المعملي وتحقيق أعلى مستويات الدقة والموثوقية في نتائج الاختبارات.
نؤكد استمرارنا في تقديم برامج تدريبية متخصصة تدعم ثقافة الجودة والاعتماد، وندعو السادة المهتمين ببرامجنا القادمة إلى متابعة الصفحة للتعرف على أحدث الفاعليات التدريبية.




#أكبا

🧪 مش كل تآكل اسمه صدأ!
كتير بنشوف معدن لونه اتغير أو اتاكل ونقول فورًا:
"المعدن صدا"
لكن علميًا… مش دايمًا صح 😉
🔴 الـ Rust (الصدأ)
هو تآكل بيحصل للحديد أو الصلب فقط
ولازم وجود:
مياه + أكسجين
علشان كده بنشوف اللون البني-الأحمر المعروف
🟠 الـ Corrosion (التآكل)
ده المعنى الأوسع
أي معدن ممكن يتفاعل كيميائيًا ويتلف حتى لو مش حديد
ممكن تشوفه:
أخضر على النحاس
أبيض على الألومنيوم
ترسبات على أجزاء مختلفة من المعدات
💡 ليه المعلومة دي مهمة؟
لأن وجود مياه في الزيت مش بس يقلل التزييت…
ده ممكن يبدأ تآكل فعلي للمعدات
علشان كده إضافات الزيت مش دورها الانسياب بس
دورها كمان الحماية الكيميائية للمعدن
يعني ببساطة:
كل Rust هو Corrosion
لكن مش كل Corrosion يبقى Rust
🧪 تابعوا الصفحة لمعلومات أكتر من واقع الشغل والمعمل
📋 والتقديم على الدورات التدريبية متاح من خلال الفورم https://docs.google.com/forms/d/1eozzFBdI-kwDgAgjmH7NIU0hRBWbH4VPeQ2DMgHMjrk/viewform

❄️ عمرك شفت زيت واقف؟
مش بيمشي… مش بينساب.. كأنه قال أنا مش شغال النهارده 😅ده مش عيب تصنيع، ده اسمه Pour Point 🧪
الـ Pour Point هي أقل درجة حرارة يقدر عندها الزيت يفضل بينساب
أقل من الدرجة دي، الزيت يبدأ يتقل ومع الوقت ممكن يقف تمامًا عن الحركة 🧪
🔬 يعني إيه عمليًا؟
مع انخفاض درجة الحرارة:
حركة جزيئات الزيت بتقل
الزيت يبقى أسمك
الانسياب يقل أو يتوقف
💡 ليه Pour Point مهمة؟
لأنها بتحدد:
🔺صلاحية الزيت للتشغيل في الأجواء الباردة ❄️
🔺كفاءة تشغيل المعدات عند درجات حرارة منخفضة
🔺تقليل مخاطر تلف المضخات أو صعوبة بدء التشغيل
👀 تابعوا الصفحة علشان توصلكم معلومات علمية أكتر وأمثلة عملية من المعمل
📋 والتقديم على الدورات التدريبية متاح من خلال الفورم
https://docs.google.com/forms/d/1eozzFBdI-kwDgAgjmH7NIU0hRBWbH4VPeQ2DMgHMjrk/viewform

تحدّي المعمل – الإجابة! 🧪
النهاردة هنحل سؤال الزيت اللي نزلناه أمبارح :
لو عندك نوعين من الزيت:
الزيت A → لزوجته متوسطة
الزيت B → لزوجته عالية
الاتنين نفس الـ Flash Point
❓ أي زيت هو الأنسب للتشغيل في درجات حرارة منخفضة؟
✅ الإجابة الصحيحة:
الزيت A (اللزوجة المتوسطة)
💡 ليه؟
في البرد، اللزوجة بتزيد، والزيت الأعلى لزوجة ممكن يمسك أو يصعب انسيابه.
الزيت الأقل لزوجة يضمن تشغيل سلس ويقلل مشاكل النظام.
ده جزء من العلاقة الأساسية بين درجة الحرارة واللزوجة:
🔹 كلما ارتفعت درجة الحرارة → اللزوجة تقل → الزيت يسيل أسرع
🔹 كلما انخفضت درجة الحرارة → اللزوجة تزيد → الزيت يصبح أكثر سماكة
استنوا معلومات جديدة وأسئلة تانية كتير هتنزل قريبًا…خليكم متابعين 👀

النهاردة مش هنزل معلومة جديدة…
انهاردة هنزل سوال معملي صغير 😎
لو عندك نوعين من الزيت:
الزيت A → لزوجته متوسطة
الزيت B → لزوجته عالية
الاتنين نفس ال Flash Point
❓ أي زيت هيكون أنسب للتشغيل في درجات حرارة منخفضة؟ وليه؟
✍️ اكتب إجابتك في الكومنتات حتى لو مش متأكد… المحاولة أهم 👍🏻 واحنا هنقولك الصح بكرة
فخليك متابع 👀

ليه الزيت أحيانًا تحسه «تقيل» وأحيانًا «خفيف»؟ 🤔
الموضوع مش إحساس… دي لزوجة 🧪
اللزوجة ببساطة هي:
📌 مقاومة السائل للانسياب
يعني الزيت التقيل بيتحرك ببطء
والزيت الخفيف يجري أسرع 🕒
في المعمل بنقيس اللزوجة علشان نعرف:
الزيت مناسب للموتور ولا لأ
هيحمي الأجزاء ولا هيعمل تآكل
شغّال صح في درجات الحرارة المختلفة
قياس اللزوجة بيتم باستخدام أجهزة متخصصة زي: 🔹 Capillary Viscometer
والقياسات دي بتكون عند درجات حرارة محددة
وطبقًا لمواصفات ASTM علشان نضمن الدقة 🔬
اللزوجة مش رقم وخلاص ❌
دي عامل أساسي في:
✔️ الأداء
✔️ الحماية
لو حابب تتعلم: ✔️ أنواع اللزوجة (Kinematic & Dynamic)
✔️ الفرق بين القياس عند 40°C و100°C
✔️ وإزاي تقرأ النتائج صح
📩 ابعتلنا رسالة
📲 أو كلمنا على الواتساب
واسأل عن برامجنا التدريبية في اختبارات الزيوت والجودة 🚀🧪

هو ليه الزيت دايمًا «باشا» وطالع فوق؟ 🤔
الموضوع مش خناقة… الموضوع كثافة ⚖️
الكثافة ببساطة هي:
📌كتلة وحدة الحجوم من المادة
وعشان كده الزيت بيطفو فوق الماية لأن كثافته أقل منها.
طيب بنقيس ده إزاي في المعمل؟ 🔬
بنستخدم الهيدروميتر
وهو أداة معايرة بتغوص في الزيت أو الوقود
📊 وكل ما السائل يكون أتقل
الهيدروميتر يطلع لفوق
وكل ما يكون أخف
يغوص أكتر
من قراءة الهيدروميتر نقدر نعرف:
نوع الزيت
مدى مطابقته للمواصفات
وهل فيه خلط أو غش ولا لأ
والقياس ده مش عشوائي ❌
ده بيتم طبقًا لمواصفات ASTM علشان نضمن الدقة وجودة النتائج.
لو حابب تتعلم: ✔️ إزاي تقيس الكثافة صح
✔️ إزاي تقرأ الهيدروميتر وتفسّر النتيجة
✔️ وإمتى تستخدمه وإمتى لا
📩 ابعتلنا رسالة
📲 أو كلمنا على الواتساب
واسأل عن برامجنا التدريبية في اختبارات الزيوت والجودة
وخليك فاهم الشغلانة من الأساس 🚀🧪

🔥 مين فيهم اللي "بيوَلّع" بسرعة؟ .. حكايات من جوه المعمل! 🧪
في عالم الزيوت والإضافات، إحنا مش بنخاف من النار.. إحنا بنعرف هي هتبدأ فين وإمتى! السر كله في كلمة واحدة: "الـ Flash Point" (نقطة الوميض). 🌡️
ببساطة كدة: دي أقل درجة حرارة الزيت عندها بيطلع بخار لو قربت منه لهب.. بيعمل وميض بس بيطفي بسرعة. ⚡
💡 لو عايز تتعلم إزاي بنستخدم جهاز "Cleveland Open Cup" وتعرف الفرق بينه وبين الـ "Pensky-Martens"؟ 🔬فى قياس ال flash point
📩 ابعتلنا "تم" في رسايل الصفحة أو كلمنا واتساب.. واسأل
عن تفاصيل الدورات التدريبية

كده نكون خلّصنا الإعلان عن تفاصيل كل الدورات التدريبية الحالية
ودلوقتي جه وقت إنك تستغل الإجازة في حاجة تفيدك وتفرق في مستقبلك المهني.
📌 سجّل بياناتك دلوقتي من خلال الفورم علشان:
✔️ تحجز مكانك من بدري
✔️ توصلك المواعيد والتفاصيل أول بأول
✔️ ننسّق الجداول حسب أسبقية التسجيل
✔️ تستغل إجازة نص السنة بأقصى استفادة
📚✨ إجازة نص السنة مش راحة وبس… دى فرصة حقيقية تطوّر بيها نفسك
https://docs.google.com/forms/d/1eozzFBdI-kwDgAgjmH7NIU0hRBWbH4VPeQ2DMgHMjrk/viewform

🌿 هنختم سلسلة البرامج التدريبيةالحالية بدبلومة الاثر البيئي
بعد سلسلة من الكورسات المتميزة في الجودة، إدارة المخاطر، ISO، وSQC…
جاي دور دبلومة الأثر البيئى – Environmental Diploma لتكون الختام العلمي والأكاديمي لموسم البرامج التدريبية الحالية.
✨ هذه الدبلومة مكونة من 5 دورات متتابعة لتغطية جميع الجوانب العملية والنظرية لإدارة البيئة في المؤسسات والمصانع:
1️⃣ الدورة الأولى: الأساسيات البيئية
تأهلك بالمفاهيم الأساسية للبيئة، الموارد الطبيعية، وأهمية الاستدامة.
2️⃣ الدورة الثانية: تقييم الأثر البيئي
هتتعلم كيفية تحديد وتحليل تأثير الأنشطة الصناعية على البيئة.
3️⃣ الدورة الثالثة: تقييم الأثر البيئي – المنهجيات
هتتعلم الأدوات والأساليب العلمية لتقييم الأثر البيئي بدقة وفعالية.
4️⃣ الدورة الرابعة: إدارة النفايات
كيفية التحكم في النفايات الصناعية، تقليل الأضرار، وتحقيق الامتثال القانوني.
5️⃣ الدورة الخامسة: خطة الطوارئ البيئية
إعداد وتنفيذ خطط الطوارئ لمواجهة الحوادث والتلوث المفاجئ وحماية المؤسسة.
عدد ايام التدريب (16 محاضرة للشرح النظرى+يومان للتدريب داخل معامل الشركة)
♦️التكلفة 10000ج
🔸 السعر المعلن سعر مخفّض خصيصًا للطلبة وحديثي التخرج
-يمنح المتدربين شهادتين
شهاده تدريب معتمدة مختومة بختم شعار الجمهوريه (ختم النسر ) مما يسهل على المتدربين اجراءات التوثيق من وزارة الخارجية المصريه للسفر للخارج وشهادة تدريب من معامل الشركة
✍🏻اللي حابب يحجز مكانه يملأ الفورم https://docs.google.com/forms/d/1eozzFBdI-kwDgAgjmH7NIU0hRBWbH4VPeQ2DMgHMjrk/viewform
🧐 لو في أي استفسار ابعتلنا وتابعوا الصفحة علشان يوصلكم كل جديد وتفاصيل باقي الكورسات والبرامج التدريبية