28/04/2026
Maalintii shalay ahayd waxaan ka qayb galnay munaasabad dhaqameed aad u qiimo badan oo ka dhacday jaamacadda (AASTMT Alexandria ), halkaas oo lagu soo bandhigayay dhaqamada kala duwan ee dalalka Carabta. Waxay ahayd maalin si weyn loogu muujinayey is-dhexgalka dhaqamada iyo isfahanka bulshooyinka kala duwan.
Si gaar ah, ardayda Soomaaliyeed waxay si heer sare ah, habaysan, isla markaana mug iyo miisaan leh u soo bandhigeen dhaqankeena suuban. Bandhiggeenna wuxuu ahaa mid si qoto dheer uga tarjumayay hidaha, dhaqanka, iyo astaamaha gaarka ah ee bulshada Soomaaliyeed— sida labiska dhaqanka, suugaanta, cuntooyinka iyo bandhigyo kale oo muujinaya quruxda iyo hodantinimada dhaqankeena.
Waxaan ku faanaynaa sida ay ardaydu u muujiyeen karti, isku duubni, iyo jacaylka ay u qabaan dalkooda iyo dhaqankooda. Sidokle waxaa naguwehliya bandhiga madaxa arimaha bulshada.(NAS)Eng Anas Abdulkaadir iyo Ayaanle Abdullahi madaxa arimaha dibada iyo warfaafinta.(NAS)Waxa sharaf weyn inoo ah in aan noqono jiil matali kara ummaddiisa, kuna soo bandhigi kara si qurux badan meel caalami ah.
