27/06/2025
من سلسة ارض الواقع "تابعنا علشان يوصلك كل جديد✅️🫡"
📌من أرض الواقع… عشان في تفاصيل محدش هيحكيهالك غير اللي شافها بعينه
متى نغسل البيض؟ ومتى نمنع غسله؟ 🤔
ناس كتير أول ما تجيب البيض من السوق… تجري على الحوض وتغسله كله!
بس الحقيقة إن الخطوة دي ممكن تفتح الباب للبكتيريا تدخل جوا البيضة من غير ما تحس 😷
✅ امتى نغسل البيض؟
بس وقت الاستخدام، ولو عليه أوساخ أو براز واضح.
الهدف إنك تقلل التلوث قبل ما تكسر البيضة.
⛔ امتى يُمنع غسله؟
ما تغسلهش بعد الشراء وتخزنه، خصوصًا لو بيض بلدي مش معالج.
القشرة فيها طبقة اسمها "الطبقة الشمعية – Bloom"، بتحمي البيضة من دخول البكتيريا.
غسلك ليها بيشيل الطبقة دي، فـ البيضة تبقى مكشوفة للخطر.
📌 لو غسلت البيضة، لازم:
تستخدم ماء دافئ أو فاتر، مش بارد.
تجففها كويس.
تطبخها فورًا، ما تخزنهاش تاني.
🧊 معلومة مهمة:
في بعض الدول، البيض في السوبرماركت بيجي مغسول ومعقم من المصدر… وده لازم يتخزن في التلاجة.
أما البيض البلدي غالبًا بيكون غير مغسول، فـ يفضل تسيبه زي ما هو وتغسله بس وقت الاستخدام.
#معلومة
