Mr. G - English Instructor

Wishing you and your families a peaceful and joyful Eid 🤍
May your days be filled with happiness, blessings, and beautiful moments.
Eid Adha Mubarak 🌙

دا كان Task لطالبة عندي في Grade 5 عن ال Favorite teacher وهي اختارت تكتب عني.. 😊

اللي فرحني مش بس إنها كتبت اسمي كمدرسها
المفضل، لكن الطريقة اللي وصفت بيها الفرق بيني وبين أي مدرس تاني… إنها قالت إني بهزر معاها، بلعب معاها Games تخلي الإنجليزي ممتع، وبشرح بهدوء ومن غير زعيق أو ضغط.

أكتر جملة أثرت فيا كانت:
“He doesn’t shout at me like other teachers.”

الجملة بسيطة… لكنها تذكرة مهمة لأي مدرس إن الطريقة أحيانًا بتفرق أكتر من المعلومة نفسها.

التعليم مش مجرد شرح Grammar أو حل Worksheets، التعليم الحقيقي إن الطالب يحس بالأمان وهو بيتعلم ويستمتع بالحصة ويحب اللغة بدل ما يخاف منها.

فخور جدًا إن طالبة صغيرة قدرت تلاحظ وتحس بده وده من أكتر الحاجات اللي بتخليني أحب شغلي كل يوم. 🤍✨

ده واحد من أحلى الFeedbacks اللي جاتلي واللي حقيقي فخور بيها جدا 👏🏻

لما اتغيرت الطريقة… النتيجة اتغيرت تمامًا ..
و أنا دايمًا شايف إن المشكلة مش فيك… المشكلة في الطريقة.
عشان كده مفيش عندي أسلوب واحد لكل الناس
كل طالب ليه طريقة تناسبه
بنشتغل على اهتماماته، شخصيته، والحاجات اللي فعلًا تفرق معاه
مش حفظ… ومش طرق تقليدية…
تعلم حقيقي يخليك تستخدم اللغة بثقة👌🏻

‎….ليه ابنك بيفهم إنجليزي
‎بس مش بيعرف يكتب؟

الموضوع مش ضعف ... الموضوع إن مفيش تدريب حقيقى على استخدام اللغة.

‎عشان كده معايا، الكتابة مش واجب دى مهارة بنبنيها كل حصة

وبشكل مستمر الطلبة بيكتبوا، كل Session فى مواضيع مختلفة ...
عن حياتهم، آرائهم، أفكارهم ... مش مجرد جمل محفوظة.

‎والنتيجة؟
- بيعرف يعبر عن نفسه بثقة
- ⁠بيكوّن جمل بنفسه
- ⁠بيبدأ يفكر بالإنجليزي

لأن في الآخر…
اللغة مش بتتقاس بعدد الكلمات اللي عارفها…
بتتقاس بعدد الجُمل اللي يقدر يقولها من نفسه. 👌🏻

ولو عايز ابنك يوصل للمرحلة دي…
ابعتلي رسالة، ونبدأ سوا 📩

‎🤔!إزاي طفلة عندها 11 سنة تعمل الشغل ده؟

وأنا ببص على الTask ده… كنت منبهر!
مش بس شغل متقن…
لكن شغل طالع من حب وفهم حقيقي للغة 👌🏻

دي طالبة عندي كان مطلوب منها تعمل Task عن ال Biome
‎النتيجة؟ 👇
‎شغل منظم… أفكار واضحة…
إستخدام لل Ai
بشكل ذكي جدا …

‎ الحقيقة اللي ناس كتير مش واخدة بالها منها📌
‎الطفل لما يحب المادة… بيبدع فيها بدون ما حد يجبره

‎وده بالظبط اللي بنشتغل عليه…
‎مش حفظ وخلاص ❌
‎لكن فهم + حب + طريقة تخلي الطفل عايز يتعلم

‎لما الطالب يستمتع…
‎بيفكر
‎بيجرب
‎وبيوصل لمستوى أعلى بكتير من سنه

‎وده اللي خلّى شغل زي ده يطلع بالشكل ده 💪

‎أنا فخور جدًا بيها 👏
‎وفخور أكتر إن عندي طلاب بالشغف ده ❤️

‎ لو نفسك ابنك/بنتك يوصلوا للمستوى ده
‎ويبقوا بيحبوا الإنجليزي مش خايفين منه…

‎ابعتلنا رسالة دلوقتي 📩

مع بداية سنة جديدة، نفس الغلطة بتتكرر:
نبدأ إنجليزي بحماس… وبعدين منكملش.

كتير من أولياء الأمور بيبقوا نفسهم ولادهم يتعلموا إنجليزي صح،
نبدأ كورس
نشتري كتب
نحمّس الطفل
وبعد شوية…
الاستمرار يختفي.

والحقيقة اللي لازم نقولها بوضوح:
تعلم اللغة مش مسألة ذكاء،
ولا مسألة سن،
هي مسألة صبر + طريقة صح + هدف واضح.

طيب نعمل إيه عشان ولادنا يكملوا؟👀

1- نحدد هدف مفهوم للطفل
مش “عشان لازم تتعلم إنجليزي”
لكن:
عشان تفهم في المدرسة
عشان تتكلم من غير خوف
عشان تبقى واثق من نفسك

2- نبعد عن الضغط
الضغط بيكره الطفل في اللغة
والاستمرار الهادي أحسن من حماس يومين ويقف

3- نخلي الإنجليزي جزء بسيط من اليوم
كلمة
جملة
سماع خفيف
حاجات صغيرة… بس مستمرة

نفرح بأي تقدم حتى لو بسيط
الثقة هي اللي بتخلي الطفل يكمل
مش المقارنة ولا العصبية

سنة جديدة مش معناها نحمّل ولادنا أكتر،
معناها نديهم فرصة يتعلموا براحة وصبر…
ويكملوا للنهاية.👌🏻

تحب ابنك يوصل لإيه في الإنجليزي السنة دي؟🤔

‏‎هو أنا محتاج وقت قد ايه عشان أتعلم إنجليزي كويس؟🤔

‏‎السؤال اللي تقريبًا كل الناس بتسأله في أول الكورس 😅

‏‎اللي يمكن ناس كتير متعرفوش إن في دراسات معمولة فعلًا من جامعات كبيرة زي جامعة Cambridge بتحاول تجاوب على السؤال ده بشكل علمي

الدراسات بتقول إن الشخص لو بيبدأ من الصفر عشان يوصل لمستوى B2 محتاج حوالي 500 لـ 600 ساعة دراسة فعلية.

لكن ‎كل ده بيعتمد على إنت بتذاكر إزاي مش قد إيه !!🤷🏻‍♂️

‏‎ الناس اللي بتتعلم صح يعني بتركز على الفهم، والممارسة، والسماع، والكتابة ساعاتها بتكون فعّالة أكتر بكتير من اللي بيحفظ قواعد وجمل بس.
‏‎يعني ممكن حد يذاكر ساعتين في الأسبوع ويتقدم أسرع من حد بيذاكر كل يوم بس بطريقة غلط!!

‏‎ ببساطة متقيسش رحلتك بعدد الشهور… قيسها بعدد المرات اللي استخدمت فيها الإنجليزي فعلًا👌🏻

لو نفسك ابنك يبدأ يتعلم إنجليزي بطريقة علمية ومنهجية
ابعتلنا رسالة دلوقتي وهنقولك كل التفاصيل..📩

مش كل طالب بيعرف يكتب بالإنجليزي، بس أي طالب يقدر يتعلم لو اتدرّب صح 😎

اللي في الصورة دي شغل جنى، في Grade 7 ودي كانت واحدة من الأنشطة اللي بنشتغل عليها جوا الكورس الشامل لتقوية كل مهارات اللغة

التمرين ده اسمه Informational Flyer ✍️ وده نوع من الكتابة بيخلّي الطالب يكتب عن موضوع حقيقي بطريقته هو، من غير نقل ولا ترجمة ولا حتى جمل محفوظة.

💡 الهدف منه إن الطالب يتعلّم:
✅ يفكّر بالإنجليزي
✅ يرتّب أفكاره
✅ ويكتب بطريقة بسيطة وواضحة من غير خوف

وجنى كتبت الـ flyer دي بنفسها 100٪ 👏 اختارت الموضوع، نظّمت المعلومات، وكتبتها بأسلوبها هي.

وده بالضبط اللي الكورس بيقدمه إن الطالب يحب اللغة، يستخدمها، ويتعامل معاها كلغة حقيقية مش مادة امتحان بس.

📩 لو نفسك تشوف ابنك بيكتب وبيتكلم بالإنجليزي بثقة ومن غير خوف، ابعتلي رسالة دلوقتي وخليه يبدأ أول خطوة في رحلته مع الإنجليزي 🚀

عمرك سألت نفسك ليه ابنك ممكن يبقى شاطر جدًا في الإنجليزي… لكن قدام مدرس معين مش عارف يفتح بقه؟ 🤔

الحقيقة في حاجة اسمها *Affective Filter*… يعني الطالب لما يكون متوتر أو خايف من الغلط، دماغه بتقف! ❌
لكن لو مرتاح، واثق، وفي بيئة آمنة، بيتعلم أسرع وبيتكلم بطلاقة.

وده اللي بشتغل عليه في الكورس بتاعي 👇:

✅ بخلي الطالب يحس إن الأخطاء عادية جدًا وجزء من التعلم.
✅ بربط الدروس بحياته اليومية عشان يلاقي معنى للغة.
✅ بديه Feedback يساعده يتطور بدل ما يحس إنه متحاسب .
✅ وبخلق جو مرح يخلي الإنجليزي ممتع وسهل.

🎯 النتيجة: الطالب بيتكلم إنجليزي من غير رهبة، ومستواه بيعلى من غير ما يحتاج دروس خصوصية.

📩 لو حابب تشوف ابنك يتعلم الإنجليزي في بيئة آمنة وفعّالة، ابعتلي رسالة دلوقتي واعرف التفاصيل

تفتكر إيه الأهم لابنك؟ ينجح في امتحان الإنجليزي... ولا يحب الإنجليزي ويعرف يستخدمه فعلًا في حياته؟ 🤔

كتير من الأهالي بيركزوا على إن الولاد يجيبوا درجات وخلاص... بس النتيجة إن الطالب بينسى كل حاجة بعد الامتحان! ❌

بصراحة من أجمل الحاجات اللي بتفرحني إن أولياء الأمور يبعتولي رسائل زي دي 👇

وهو ده اللي أنا عايزة أوصله مع كل طالب عندي مش مجرد ينجح في الامتحان وخلاص، لأ... الأهم إنه يحب اللغة، يفهمها، ويتكلمها من غير خوف.
الإنجليزي مش مادة تذاكرها عشان تمتحن وبس... الإنجليزي Skill هيفرق معاه طول حياته، في
الجامعة، في السفر، في الشغل... في كل حاجة !

لو نفسك تشوف نفس التغيير عند ابنك... إبعتلي رسالة دلوقتي وهقولك كل التفاصيل 📩