26/08/2026
✨ ماما… طريقك طويل ✨
استمتعي بولادك وهما بيكبروا، واكبري معاهم واتعلمي حاجات جديدة لنفسك وليهم. 💙
اقضوا وقت حلو مع بعض… ربنا رزقنا بيهم عشان نعيش معاهم، مش نعيش ليهم.
وربنا قال: ﴿المال والبنون زينة الحياة الدنيا﴾. 💙
بنحتاج حزم وشدة أوقات، وده طبيعي… لكن خلي الرفق واللين هم أكتر حاجة في علاقتك بيهم.
ومتسمحيش لحد يبوّظ علاقتك بولادك.
هما سندك وقوتك بعد ربنا عز وجل. ❤️
ومهما كان الطفل صعب، وإنتِ بتتعبي وبتربي وبتزرعي، هتيجي لحظات في تصرفاته معاكي ومع الآخرين تخليكي تعرفي إن ده زرعك الجميل… زرعتيه حب، وتفاهم، وقوة.
ومتنسيش نفسك وسط دورك كأم… ليكي أحلامك، واهتماماتك، وحاجات نفسك تتعلميها وتحققيها. ولادك محتاجين يشوفوا أم سعيدة، عندها حياة وشغف، مش أم عايشة طول الوقت في خوف وتضحية. علميهم إن الحب مش معناه إننا نلغي نفسنا عشان بعض، لكن إننا نكبر سوا ونفرح بنجاح بعض. ❤️
شكّلي العجينة اللي تعرف تعيش في الدنيا، وإنتِ جنبها… وتتعامل معاكي في ضعفك وقوتك.
إحنا مش بنعلّمهم يعيشوا من غيرنا،
إحنا بنعلّمهم يعيشوا جنبنا من غير ما يخافوا إن إيدنا هتسيب إيدهم. 🥰❤️
Academy
#الأمومة #أمهات #أطفالنا ❤️
