كل ما يخص طفلك

كل ما يخص طفلك Contact information, map and directions, contact form, opening hours, services, ratings, photos, videos and announcements from كل ما يخص طفلك, Education Website, الاسكندرية, Alexandria.

كل ما يخص التربيه الحديثة وتنمية المهارات وصعوبات التعلم والصحه النفسية للطفل وتحسين الحصيله اللغويه وتعديل اللدغات
(شعارنا ..خليكى اخصائية طفلك 🌱)
هدفنا نساعد الأمهات والاباء على فهم أطفالهم وازاى ينمو مهاراتهم النفسيه والعقليه والاجتماعيه

🔴 رجعنا تاني 💙وكل ما يخص طفلك 🌱 راجع يفيدك أكتر من الأولبمناسبه رجوع المدارس 👀"ابنك مش بيذاكر؟ يمكن المشكلة مش فيه…"🚫🚫 م...
11/02/2026

🔴 رجعنا تاني 💙
وكل ما يخص طفلك 🌱 راجع يفيدك أكتر من الأول

بمناسبه رجوع المدارس 👀

"ابنك مش بيذاكر؟ يمكن المشكلة مش فيه…"

🚫🚫 مش كل طفل بيرفض المذاكرة يبقى كسلان 👇
أوقات السبب بيكون:
▪️ تركيزه ضعيف
▪️ بيخاف يغلط
▪️ طريقة الشرح مش مناسبة له
▪️ ذاكرته السمعية ضعيفة
▪️ بيتشتت بسهولة
قبل ما نقول “إنت مش بتذاكر ليه؟”
نسأل: “إزاي أساعدك تذاكر؟”
🚫🚫🤚🏻لو طفلك بيهرب من المذاكرة اكتبي سنه في كومنت وهنرد عليكى تقدرى تساعديه ازاى 👇🚫🚫

شعارنا 🌱انتِ اخصائية طفلك 🌱

#تربيةايجابية #مذاكره #طفلي #تنميةمهارات #تخاطب

هنبدأ مع بعض سلسه الطفل من عمر سنتين ونص ل ٣🌸🌸👶 اول حاجه نبذه سريعه عن التعامل مع الطفل من سن سنتين لـ 3 سنين (السن الص...
18/08/2025

هنبدأ مع بعض سلسه الطفل من عمر سنتين ونص ل ٣🌸🌸

👶 اول حاجه نبذه سريعه عن التعامل مع الطفل من سن سنتين لـ 3 سنين (السن الصعب الممتنع)

في السن ده الطفل بيكتشف إن الدنيا مش ماشية على مزاجه، ولسه مش بيعرف يعبر عن نفسه بالكلام، فبتظهر حاجتين:

1. نوبات غضب: صراخ، رمي نفسه على الأرض.

2. سلوك عنيف: ضرب، عض، شد.

✨ إزاي نتعامل؟

❌ ممنوع نرد الضرب بالضرب، نمسك إيده ونوقفه.

😶 وقت الغضب الشديد → تجاهل تام لو مش بيؤذي نفسه.

❤️ من عمر سنتين ونص: الطفل يبدأ يفهم المشاعر → نزعل لما يغلط ونفرح بيه لما يعمل الصح.

🗣 من عمر سنتين ونص: يبدأ يفهم سبب ونتيجة → نشرح ببساطة: "رميت اللعبة → مش هتلعب بيها تاني".

📋 نحط قواعد بسيطة وواضحة، ونستخدم التشتيت عند اللزوم.

💡 الخلاصة
طفلك مش بيتمرد عليك، هو بيتعلم يواجه الواقع ويتعامل مع مشاعره. دورك تحافظ على هدوءك، وتوجهه بأسلوب ثابت وبسيط.

#تنميةمهارات #تخاطب #طفل #تربية #تعليم
#اخصائية

طفلك عندك مشكله فالفصل .. مش بيركز مع المدرس وهو بيشرح 🤔 بينسي احنا بنقرأ ف انهى حته 👀بيوقع حروف من الكلمه وهو بيقراها 🫣...
14/08/2025

طفلك عندك مشكله فالفصل .. مش بيركز مع المدرس وهو بيشرح 🤔 بينسي احنا بنقرأ ف انهى حته 👀بيوقع حروف من الكلمه وهو بيقراها 🫣 بتقوليلو فالبيت هات المعلقه يجيب الشوكه
🤦🏻‍♀️

يبقي نشتغل معاه على تنميه الوعى الصوتى 💡📢

🚫خلينا عارفين أن كل ما وعى طفلك بالأصوات بيذيد .. طريقه للكتابه والقراءه هيكون اسرع واسهل 🚫
👇🏻👇🏻👇🏻👇🏻👇🏻👇🏻👇🏻

دى شويه أنشطة لتنمية الوعي الصوتي .. ألعاب وتمارين بسيطة تساعده يركز على أصوات الحروف والمقاطع مش شكلها المكتوب.

📌 أمثلة لأنشطة تنمية الوعي الصوتي:

1. لعبة أول الصوت 🎯

أقول له: "كلمة موز بتبدأ بصوت إيه؟" وهو يجاوب "م".

ممكن أعملها مع صور حيوانات أو أكلات.

2. لعبة آخر الصوت 🔔

أقول: "سمك… آخرها صوت إيه؟" فيقول "ك".

3. فرز الصور حسب الصوت 🗂

أجيب صور لحاجات تبدأ بـ (س) وأخرى بـ (ش) وهو يحط كل صورة في المجموعة الصح.

4. تجزئة الكلمة لمقاطع 👏

أقول كلمة "موزة" ونصفق أو ينط لو هو طفل حركى مع كل مقطع: "مو – زة".

5. تركيب الأصوات 🧩

أقول: "م – ا – ء" وهو يحاول يركبها "ماء".

6. لعبة حذف الصوت ✂

أقول: "لو شلنا صوت م من موز، هتفضل إيه؟" فيجاوب "وز".

7. تمييز الأصوات المتشابهة والمختلفة

أقول صوتين: (ب) و(م) وأسأله: "الصوتين شبه بعض ولا مختلفين؟".

#تنميةمهارات #طفل #تخاطب #تربية
#تعليم

11/08/2025

تحبوا ننزل بوستات الفتره الجايه عن انهى مرحله عمريه ؟
من الولاده لحد سنتين ♥️
من سنتين ل 4 سنين 👍🏻
من 4 سنين ل 6 😯

الطفل العنيد؟ مش مشكلة… ده مشروع قائد! 💪👶طفلك العنيد مش بيتمرد… هو بس عايز يحس إنه "له رأي"!الأبحاث بتقول: الأطفال اللي ...
29/07/2025

الطفل العنيد؟ مش مشكلة… ده مشروع قائد! 💪👶

طفلك العنيد مش بيتمرد… هو بس عايز يحس إنه "له رأي"!
الأبحاث بتقول: الأطفال اللي عندهم إرادة قوية ممكن يبقوا أنجح الناس… لو عرفنا نوجههم صح.

إزاي تتعامل بذكاء؟

🔹 افهم قبل ما تأمر
بدل "نفذ فورًا!"… جرب "إيه اللي مضايقك؟ احكيلي".

🔹 اديله اختيارات ذكية
بدل "كل دلوقتي!"… قول "تحب تبدأ بالجزر ولا الموز؟"

🔹 اتفاوض معاه… مش تتحكم فيه
بدل "يلا نام حالًا!"… قول "تحب نقرأ قصة الأول بعد كده ننام؟"

🔹 كون قدوة مش قاضي
سيبك من العصبية… ووريله إزاي تتحكم في مشاعرك.
انا محتاج اهدا قبل ما نتكلم .. عشان مينفعش نتكلم بعصبيه ابدا
🔹 وجّه بدل ما تعاقب
بدل الزعيق على فوضى الأوضة… فكره إنه رتبها حلو قبل كده.
انا فخوره انك روقت اوضتك امبارح لوحدك ايه رأيك نعملها تانى انهارده سوا

👈 العناد مش ضعف… ده كنز محتاج حكمة.
ابنك مش ضدك، هو بس عايز يشعر إنه مسموع.

🌱كل ما يخص طفلك 🌱

(من سنتين لـ 3 سنوات)! 🤯المرحلة اللي كتير من الأهل بيسموها "العمر الصعب الممتنع"! ليه؟ 👀لأن بطل قصتنا الصغير، اللي كان ف...
28/07/2025

(من سنتين لـ 3 سنوات)! 🤯
المرحلة اللي كتير من الأهل بيسموها "العمر الصعب الممتنع"! ليه؟
👀لأن بطل قصتنا الصغير، اللي كان فاكر نفسه محور الكون، بيبدأ يكتشف إن في ناس تانية حواليه مش بس عشان طلباته تتنفذ. بيكتشف إن فيه "لأ"🤚🏻 وإن فيه "مش دلوقتي
بيصطدم بأول إحباطات حياته
تخيل معايا:🙄 هو حاسس بمشاعر كتير أوي، بس لسه مش معاه "قاموس" عشان يعبر عنها...
النتيجة.❌تصرفات مش بتعجبنا
طيب ايه اللي بيحصل بالظبط ؟🤔

* نوبات غضب هستيرية (Tantrums)📢📢
هتلاقيه بيرمي نفسه على الأرض بيصرخ بيتشحتف كأنها نهاية العالم

العنف اللطيف (من وجهة نظره) 📢📢
بما إن الكلام لسه صعب، هتلاقيه بيستخدم "لغة الجسد"، فيقوم يضرب، يعض، أو يشد عشان يوصل اللي عايزه يلفت الانتباه

متقلقوش! ده طبيعي جدًا في السن ده. أهم حاجة نعرف
نتعامل معاه صح عشان متكملش معانا بعد كده.
طيب ايه دورنا كأبطال التربية الخارقين

لما يستخدم "لغة العنف":🚫❌
* ممنوع الضرب بالضرب: دي قاعدة ذهبية! لو ضربته، هو هيتعلم إن الضرب وسيلة للتواصل🤷🏻‍♀️
🙄📢. الحل؟
* امسك إيده وقول بكل حزم: "ممنوع تضرب!" وبس كده.

2. وقت "ثورة الغضب":🚫❌
* التجاهل التام (لو كان في أمان): طول ما هو مش بيأذي نفسه، سيبه! أي رد فعل منك (حتى لو بتحاول تهديه) هيوصل له رسالة "أنا نجحت ألفت انتباههم!"، فهيكررها تاني. كأنه بيعمل "عرض" وبيستنى التصفيق!
* طبعًا، طلبه مش هيتنفذ: نوبة الغضب مش معناها إن طلباته أوامر.

3. لما يبدأ يفهم المشاعر (بعد سنتين ونص كده):🚫❌
* استخدم "الزعل والفرح": لما يعمل حاجة غلط، بيّن إنك "زعلان" من الفعل مش منه هو. ولما يعمل حاجة صح؟ احتفل بيه وشجعه! ده بيعلمه التعاطف.

4. "لو عملت ده، هيحصل ده!" (السبب والنتيجة):🚫❌
* اشرح ببساطة شديدة: جملة قصيرة ومحددة. مثال: "رميت اللعبة؟ يبقى مش هتلعب بيها تاني دلوقتي." مفيش داعي لمحاضرات عن الخسارة والأضرار الاقتصادية! 😉
* حط قواعد بسيطة: ليستة صغيرة كده بـ "مسموح
وممنوع" وإيه المكافأة وإيه العقاب (البسيط).

5. سلاحك السري: تشتيت الانتباه! 🤫🚫❌
* لسه السلاح ده قوي وبيجيب نتيجة! لما يبدأ يعمل سلوك
مش عاجبك، حول انتباهه لحاجة تانية خالص بسرعة.

يعنى من الاخر 🙄🤷🏻‍♀️

طفلك في السن ده بيواجه حقيقة إن "الدنيا مش على كيفه"، ولسه مش بيعرف يعبر عن نفسه. طبيعي يكون عصبي أو عنيف. ده مش معناه إنك فشلت في التربية! بالعكس، دي فرصة تعلموه الصبر، التعبير عن الذات، وكيف يتعامل مع مشاعره.
فهمك لهذه المرحلة هو مفتاحك للتعامل معاها بنجاح.

كل ما يخص طفلك 🌱🤍

#تربية #تخاطب #تنميةمهارات #طفل

مين فينا مبيزعقش لأولاده وينسي وكأن شئ لم يكن 🫣😂هتقوليلى ما بنتى قلبها ابيض وبتنسى بسرعه 🤷🏻‍♀️ما ابنى بيفضل يضحك وكان مف...
17/03/2025

مين فينا مبيزعقش لأولاده وينسي وكأن شئ لم يكن 🫣😂
هتقوليلى ما بنتى قلبها ابيض وبتنسى بسرعه 🤷🏻‍♀️
ما ابنى بيفضل يضحك وكان مفيش حاجه 🤷🏻‍♂️
هقولك لا .. كل دا بيأثر فيهم وفشخصتهم وفسلوكهم قدام اللى هتيجى بعد كده تعترضي عليه وتبقي مضايقه منه 😒

طب اعمل ايه ما هما بيعصبوووونى😤😤

طب تجوا نجرب نغير كلامنا معاهم 👀👀👀
اول حاجه هنتكلم معاهم بهدوء ونتفق أن طريقه الصوت العالى دى مش حلوه وانا وانت محتاجين نغيرها عشان نسمع ونفهم بعض🤝

طيب انا اتعصبت وخلفت الاتفاق دا 🫣🫣
هتعذر منه واقوله مثلا🤔
1/ نا اسفه انا خلفت اتفاقي معاك ودا سلوك مش مقبول 😐

2/ بعتذر انى زهقت انهارده بدل متناقش بهدوء ..ممكن نجرب نتناقش تانى بطريقه احلى 🥰

3/انا انهارده فقدت اعصابى ودى حاجه غلط بس انا هحاول المره الجايه معملش كده واكون أهدى 😌

اطفالنا بتتعلم بالقدوه مش بالتلقين .. عاوز ابنك يتعلم يعتزر ويحاول يصلح من أخطائه.. اعمل كده انت الاول معاه 🤷🏻‍♀️👀

اعتذارك من طفلك مش هبقلل من هيبتك ابدا بالعكس دا هيقوى العلاقه بينكم ويحسسه انك مهتم بمشاعره ومتعاطف معاه وهيخليه يكتسب السلوك منك
--------------------------------------------------------
لو مهتم بالجزء التانى واقول ل ابنى ايه لما هو اللى يزعق 😡سيب لايك وكومنت ب تم ❤️

كل ما يخص طفلك 🌱

#تربية #تربيةايجابية #تعديل #تنميه #اطفال #تخاطب

كذا فكره للمكعبات 😀 جربوهم محدش يكسل 🫣
12/02/2025

كذا فكره للمكعبات 😀 جربوهم محدش يكسل 🫣

12/02/2025

نشاط سهل بسيط متاح تنفيذه ف اي بيت 🌱❤️❤️

09/02/2025

تضامنا مع حضاره الفراعنه والمومياوات 😂😂
ياتري انتو فريق مين 😂
امهات ولا ماميز 😂❤️

Address

الاسكندرية
Alexandria
0000

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Sunday 9am - 5pm

Website

Alerts

Be the first to know and let us send you an email when كل ما يخص طفلك posts news and promotions. Your email address will not be used for any other purpose, and you can unsubscribe at any time.

Shortcuts

Share

Category