Spring Flowers

رسالة إلى كل أم 💌
عن خوف طفلك من العفريت والحرامي
أولًا:
خوف طفلك ليس دلعًا ولا ضعف شخصية
لكنه مرحلة طبيعية بيمرّ بها معظم الأطفال، وبيعبر فيها عن احتياجه للأمان.
تعليمات مهمة للأم:
1️⃣ ممنوع التخويف تمامًا
❌ بلاش:
العفريت هييجي
الحرامي واقف برا
نام وإلا…
✔️ الخوف ده بيترسخ في عقل الطفل وممكن يفضل معاه سنين
2️⃣ اسمعي طفلك وصدقي مشاعره
متقوليش: "إنت عبيط" أو "كبرت على الكلام ده"
قولي:
"أنا فاهمة إنك خايف، وده إحساس طبيعي"
📌 الاعتراف بالمشاعر أول خطوة للأمان
3️⃣ طمني بدون كذب
❌ متقوليش: "مفيش حرامي في الدنيا"
✔️ قولي:
"باب البيت مقفول كويس، وأنا وبابا موجودين، وإنت في أمان"
4️⃣ راقبي اللي بيشوفه
امنعي:
كرتون أو فيديوهات مخيفة
أخبار فيها سرقة أو عنف
حتى لو قالك "مش خايف"
📌 عقل الطفل يسجل كل حاجة
5️⃣ روتين ثابت قبل النوم
نور خفيف
قصة هادية
دعاء بسيط
حضن وكلمة طمأنينة
🕊️ الروتين يقلل الخيال المخيف
6️⃣ كوني قدوة
لو إنتِ بتخافي أو بتقلقي قدامه
هو هيتعلم الخوف منك بدون ما تحسي
7️⃣ علّميه يعبر بالكلام
قولي له:
"لو خايف قولي"
"تعالى نحكي بدل ما نخاف"
📌 التعبير بالكلام يمنع الخوف من التحول لسلوك
8️⃣ متى أحتاج مختص؟
لو الخوف:
مستمر بشدة
بيأثر على النوم
صاحبه تبول لا إرادي أو نوبات فزع
ساعتها الاستشارة النفسية حماية
رسالة أخيرة ❤️
الطفل لا يحتاج أمًا قوية فقط…
يحتاج أمًا مطمئنة
استشاري / نهي يعقوب

😄😄