15/08/2025
الفرق بين المدير و القائد ..
المدير: لازم يذكر انه مدير .. هتلاقيه دايماً بيتكلم ان " انا المدير .. " حتي لو بهزار !
المدير: هايقولك أوعى تتصرف بدون ماترجعلى أوعى تشغل دماغك .. " عاوز دايماً يحس انه صاحب القرارات "
القائد: بيقولك انت ايه رايك نعمل ايه؟ او هتلاقيه يسيبك شغال و هو مراقبك من بعيد و قبل ما تغلط هتلاقيه بيلحقك.
المدير: هايقولك اعمل الحاجة دى عافية! حتى لو الحاجة دى مبتتعملش اصلا، هو قال يبقى بتتعمل.
القائد: هايقولك طب تعالى نفكر فيها يمكن ليها حل اسهل.
المدير: مش ضروري يبيّن للناس ايه هي انجازاتك، بل ممكن عادي بالنسبة له يبين اخطائك قدام مديره!
القائد: هو اول واحد هيشيد ب انجازاتك قدام كل الناس، ويحاول يداري اخطائك و يساعدك تتغلب علي مخاوفك!
المدير: دايما هتلاقيه بيقولك الحاجة وعكسها هايطلب منك الطلب ولما تعمله ويكون مش مناسب هايشيلك الغلطة ويقولك انا مقولتش تعمل كدة، من الاخر هو مبيغلطتش، انت اللى دائما بتغلط.
القائد: قبل ماهايقولك على حاجة هياخد رايك وهايكون فاهم انك هاتجرب يعنى فى احتمال للخطأ وهايتفهم دا.
القائد بتاعك هو اللي بيحميك وقت وقوع المشاكل!
خليك دايما قائد💪..
